કેન્દ્રીય કૃષિ, ખેડૂત કલ્યાણ અને ગ્રામીણ વિકાસ મંત્રી શ્રી શિવરાજ સિંહ ચૌહાણની પહેલ પર શરૂ થઈ રહેલા રાષ્ટ્રવ્યાપી 'વિકસિત કૃષિ સંકલ્પ અભિયાન' માટેની તૈયારીઓ પૂર્ણ થઈ ગઈ છે. આ અભિયાન 29 મેના રોજ પુરી (ઓડિશા)ની પવિત્ર ભૂમિથી શરૂ કરવામાં આવશે, જ્યાં કેન્દ્રીય મંત્રી શ્રી શિવરાજ સિંહ પણ ભાગ લેશે. આ 15 દિવસના વિશાળ અભિયાન દરમિયાન, શ્રી ચૌહાણ લગભગ 20 રાજ્યોની મુલાકાત લેશે અને ખેડૂતો અને વૈજ્ઞાનિકોને પ્રોત્સાહિત કરશે તેમજ તેમની સાથે સીધો સંપર્ક કરશે.

29 મેના રોજ ઓડિશા પછી, કેન્દ્રીય મંત્રી શ્રી શિવરાજ સિંહ ચૌહાણ 12 જૂન સુધીના અભિયાન દરમિયાન જમ્મુ, રાજસ્થાન, ગુજરાત, ઉત્તર પ્રદેશ, બિહાર, મહારાષ્ટ્ર, હરિયાણા, પંજાબ, ઉત્તરાખંડ, આસામ, મેઘાલય, કર્ણાટક, તમિલનાડુ, તેલંગાણા, આંધ્રપ્રદેશ, મધ્યપ્રદેશ, દિલ્હી અને છત્તીસગઢમાં ખેડૂતો અને વૈજ્ઞાનિક ટીમો સાથે સંવાદમાં ભાગ લેશે.

આ ઝુંબેશના હેતુઓમાં, ખેડૂતોને ચોક્કસ પ્રદેશ માટે ખરીફ ઋતુમાં ઉગાડવામાં આવતા મુખ્ય પાક સંબંધિત આધુનિક તકનીકો વિશે જાગૃત કરવાનો, ખેડૂતો માટે ઉપયોગી સરકારી યોજનાઓ અને નીતિઓ વિશે તેમને જાગૃત કરવા, ખેડૂતોને માટી આરોગ્ય કાર્ડમાં સૂચવેલા વિવિધ પાકોની પસંદગી અને સંતુલિત ખાતરોના ઉપયોગ વિશે જાગૃત કરવા અને શિક્ષિત કરવા અને ખેડૂતો પાસેથી પ્રતિસાદ મેળવવાનો સમાવેશ થાય છે. જેથી તેમના દ્વારા કરવામાં આવેલા નવીનતા વિશે વૈજ્ઞાનિક માહિતી મેળવીને સંશોધનની દિશા નક્કી કરી શકાય.

ખરીફ સિઝનમાં ખેડૂતોને સીધો લાભ આપવાના ઉદ્દેશ્ય સાથે, ભારતીય કૃષિ સંશોધન પરિષદ (ICAR) અને કેન્દ્રીય કૃષિ અને ખેડૂત કલ્યાણ મંત્રાલય દ્વારા રાજ્ય સરકારોના સહયોગથી 29 મેથી 12 જૂન દરમિયાન 700થી વધુ જિલ્લાઓમાં રાષ્ટ્રવ્યાપી 'વિકાસિત કૃષિ સંકલ્પ અભિયાન'નું આયોજન કરવામાં આવશે. આ સમય દરમિયાન, વૈજ્ઞાનિકોની ટીમ ગામડાઓની મુલાકાત લેશે અને ખેડૂતો સાથે વાતચીત કરશે. આ અભિયાનમાં દેશભરના તમામ 731 કૃષિ વિજ્ઞાન કેન્દ્રો (KVK), ICARની તમામ 113 સંસ્થાઓ, રાજ્ય સ્તરના વિભાગો અને કૃષિ, બાગાયત, પશુપાલન, મત્સ્યઉદ્યોગના અધિકારીઓ અને કર્મચારીઓ ઉપરાંત પ્રગતિશીલ ખેડૂતો અને કૃષિ સાથે સંકળાયેલા અન્ય લોકો ભાગ લેશે.

આ ઝુંબેશનો ઉદ્દેશ્ય વિવિધ રાજ્યોના લગભગ 1.5 કરોડ ખેડૂતો સુધી પહોંચવાનો અને તેમની સાથે વાતચીત કરવાનો અને સાથે પ્રધાનમંત્રી શ્રી નરેન્દ્ર મોદીના "લેબ ટુ લેન્ડ"ના વિઝનને સાકાર કરવાનો છે. કેન્દ્રીય મંત્રી શ્રી શિવરાજ સિંહ ચૌહાણ કહે છે કે- આ અભિયાન કૃષિના વિકાસમાં તેમજ પ્રધાનમંત્રીના વિકસિત ભારતના સંકલ્પને સાકાર કરવામાં મહત્વપૂર્ણ ભૂમિકા ભજવશે.

AP/IJ/GP/JD