جب کہ یوگا کے 11ویں بین الاقوامی دن (آئی ڈی وائی) میں ایک ماہ سے بھی کم وقت باقی بچا ہے، وزیر اعظم جناب نریندر مودی نے من کی بات کے 122ویں ایپی سوڈ میں، پوری دنیا کے شہریوں سے ایک متاثر کن اپیل کی ہے کہ وہ مجموعی فلاح و بہبود اور متحرک زندگی گزارنے کے لیے یوگا کو اپنائیں۔

وزیر اعظم نے کہا کہ یوگا ڈے کے لیے ہندوستان اور بین الاقوامی سطح پر جوش و خروش بڑھ رہا ہے۔ انھوں نے کہا کہ 21 جون 2015 کو یوگا ڈے کے آغاز کے بعد سے اس کی طرف کشش مسلسل بڑھ رہی ہے۔ اس بار بھی یوگا ڈے کے حوالے سے پوری دنیا کے لوگوں میں جوش و خروش اور جذبہ نظر آ رہا ہے۔ وزیر اعظم جناب نریندر مودی نے لوگوں سے مزید زور دے کر کہا کہ وہ اس موقع کو منانے کے بارے میں تخلیقی انداز میں سوچیں۔ یوگا چین بنانے سے لے کر مشہور مقامات پر یوگا کی مشق کرنے تک، لوگ آئی ڈی وائی کو ایک متحرک اور جامع تحریک میں تبدیل کر رہے ہیں۔

اپنے خطاب میں، وزیر اعظم نے آندھرا پردیش کی کوششوں کی ستائش کی، جہاں ریاست میں ایک مضبوط یوگا کلچر کو فروغ دینے کے مقصد سے یوگ آندھرا ابھیان شروع کیا گیا ہے۔ اس مہم کا مقصد 10 لاکھ باقاعدہ یوگا پریکٹیشنروں کا ایک پول بنانا ہے، جس سے یہ ظاہر ہوتا ہے کہ ریاستیں فلاح و بہبود کے اس انقلابی سفر میں کس طرح آگے بڑھ سکتی ہیں۔ انہوں نے ذاتی اور قومی ترقی دونوں میں یوگا کی اہمیت پر زور دیتے ہوئے وشاکھاپٹنم میں اس سال کی آئی ڈی وائی کی تقریبات میں شامل ہونے کے بارے میں اپنے جوش کا اظہار کیا۔

یوگا میں کارپوریٹ کی بڑھتی ہوئی شرکت کی تعریف کرتے ہوئے وزیر اعظم نے کہا کہ ”ہمارے کارپوریٹ بھی اس میں پیچھے نہیں ہیں۔ کچھ اداروں نے اپنے دفاتر میں یوگا کی مشق کے لیے الگ جگہ بنا رکھی ہے۔ کچھ اسٹارٹ اپ نے ’آفس یوگا اوقات‘ قائم کیے ہیں۔“ انھوں نے کہا کہ یہ اس بات کی مثبت علامت ہے کہ نجی شعبہ کس طرح ملک کی صحت کی تحریک میں اپنا تعاون کر رہا ہے۔

یوگا ڈے کی تقریبات کے ایک عشرے کو یادگار بنانے اور آئی ڈی وائی کے 11ویں ایڈیشن کا جشن منانے کے لیے، آیوش کی وزارت نے 10 دستخطی پروگرام تیار کیے ہیں۔ ان اقدامات کا مقصد متنوع سماجی اور پیشہ ورانہ ترتیبات میں یوگا کی رسائی اور مطابقت کو وسیع کرنا ہے۔

ان میں سے، یوگا سنگم میں پہلے ہی 6,000 سے زیادہ تنظیموں نے سرگرمیوں کی میزبانی کے لیے رجسٹر کیا ہے، جس سے یہ ملک کی تاریخ میں کمیونٹی کی طرف سے چلنے والے فلاح و بہبود کے سب سے بڑے واقعات میں سے ایک بن گیا ہے۔ نوجوانوں پر مرکوز یوگا تیزی سے توجہ حاصل کر رہا ہے، جس میں پریکٹیشنروں کی اگلی نسل کی حوصلہ افزائی کے لیے سرکردہ ادارے آگے آ رہے ہیں۔

جیسا کہ جناب نریندر مودی نے کہا، ”یوگا آپ کی زندگی گزارنے کے انداز کو بدل دے گا۔“ شہریوں، کارپوریٹ، اداروں اور نوجوانوں سے آئی ڈی وائی 2025 کو با معنی اور اختراعی طریقوں سے منانے کی اپیل کی جاتی ہے، اس بات کو یقینی بناتے ہوئے کہ یوگا روزمرہ کی زندگی کا ایک لازمی حصہ بن جائے۔

آیوش کی وزارت سبھی کو اس انقلابی جشن کا حصہ بننے کی دعوت دیتی ہے۔ 21 جون کی الٹی گنتی جاری ہے اور پیغام بالکل واضح ہے: یوگا صرف ایک مشق نہیں ہے بلکہ یہ قومی صحت، روحانی سکون اور عالمی بہبود کے لیے ایک تحریک ہے۔

*****

ش ح۔ ف ش ع

U: 1073