ઉપરાષ્ટ્રપતિ શ્રી જગદીપ ધનખર 20 થી 22 મે, 2025 દરમિયાન ગોવાની ત્રણ દિવસની મુલાકાતે રહેશે.

આ મુલાકાત દરમિયાન, ઉપરાષ્ટ્રપતિ 21 મેના રોજ મોર્મુગાઓ બંદરની મુલાકાત લેશે. ત્યાં તેઓ બંદરના નવા પ્રોજેક્ટ્સ રાષ્ટ્રને સમર્પિત કરશે અને મોર્મુગાઓ પોર્ટ ઓથોરિટીના વરિષ્ઠ અધિકારીઓ અને કર્મચારીઓ સાથે વાતચીત કરશે. શ્રી ધનખર મોર્મુગાઓ બંદર ખાતે કોસ્ટ ગાર્ડ જહાજ પર ભારતીય કોસ્ટ ગાર્ડના વરિષ્ઠ અધિકારીઓ સાથે પણ વાતચીત કરશે.

22 મેના રોજ, ઉપરાષ્ટ્રપતિ ICAR-સેન્ટ્રલ કોસ્ટલ એગ્રીકલ્ચરલ રિસર્ચ ઇન્સ્ટિટ્યૂટ (CCARI)ની મુલાકાત લેશે. આ સમયગાળા દરમિયાન તેઓ ફેકલ્ટી સભ્યો અને વૈજ્ઞાનિકો સાથે વાતચીત કરશે.

ગોવાની તેમની મુલાકાત દરમિયાન, ઉપરાષ્ટ્રપતિ ગોવાના રાજભવનની પણ મુલાકાત લેશે. ત્યાં તેઓ રાજભવન સંકુલમાં ચરક અને સુશ્રુતની પ્રતિમાઓનું ઉદ્ઘાટન કરશે, જે લોકોને અનુક્રમે આયુર્વેદ અને શસ્ત્રક્રિયામાં તેમના ઉત્કૃષ્ટ યોગદાનની યાદ અપાવશે.

AP/IJ/GP/JD