U Dr. Ajay Kumar, Secretary barim, Tnad Kam Iada ri u la shim ia ka jingsmai kum u Chairman jong ka Union Public Service Commission mynta ka sngi. Ia kane ka jingbam smai la pyniaid da u Lt.Gen. Raj Shukla (Retd.), u dkhot rangbah jong ka Commission.

Hadien ba la pyndep ia ka B.Tech. ha ka Electrical Engineering na ka Indian Institute of Technology, Kanpur, u Dr. Ajay Kumar u la pyndep ia ka M.S. ha ka Applied Economics na ka University of Minnesota, USA bad Ph.D ha ka Business Administration na Carlson School of Management, University of Minnesota, USA. La pynkup burom ruh ia u da ka Hon. Doctor of Philosophy da ka skulbah Amity ha u snem 2019.

U Dr. Ajay Kumar u dei na ka 1985 batch jong ka Indian Administrative Service (IAS) jong ka Kerala Cadre. Ha ka jingtrei jong u kaba la palat laiphew san snem, u la shakri ha ki kyrdan ba kongsan ha ka Sorkar Jylla Kerala bad kumjuh ruh ha ka Sorkar pdeng. Katto katne ki kam ba kongsan jong u ha ka Jylla ki long kum u Managing Director, ka Tnad Electronics and Information Technology; u Principal Secretary, Information Technology Department. Ha ka Sorkar pdeng u la bat ia ki kam ba kongsan kum u Director, Science & Technology; Joint Secretary, Tnad Communications and Information Technology; Director General, National Informatics Centre; Additional Secretary, Tnad Electronics & Information Technology; Secretary, Defence Production. Ha ka kam kaba khatduh jong u, u la shakri kum u Secretary, Tnad kam iada ri.

U la don ka bynta kaba heh ha kaba wanrah ia ki katto katne ki sienjam e-Governance kum ka “Jeevan Pramaan" (ki digital life certificate na ka bynta ki nongïoh bai bam tymmen); myGov, Pragati (ka video conferencing jong u Myntri Rangbah duh); ka Bio-metric Attendance System; Ka rukom kyntiew kyrteng OPD ha AIIMS; Ka polisi "Cloud First " na ka bynta ka Sorkar ban pyndonkam ia ki Cloud Service Provider, bad kiwei kiwei.

U Dr. Ajay Kumar u don katto katne ki kot kiba u la pynmih ha ki kot khubor bapher bapher ha ka ri bad ka pyrthei. Kumjuh ruh, u la iohpdiang katto katne ki khusnam kum ka "Silver Elephant" medallion na ka National Scouts and Guides ha u snem 1994; "Electronics Leader of the Year for the year 2012 na ka bynta ka jingkyntiew ia ki kam elektronik ha ka ri; ka "Technovation Sarabhai Award' na ka India Electronics & Semiconductor Association ha u snem 2015; ka "Champion of Change" na ka Consumer Electronics & Appliances Manufacturers Association ha u snem 2017.

***