ہندوستان کی دفاعی افواج اور قومی خدمت کے وسیع تر مقصد کے ساتھ دلی یکجہتی کی علامت کے طور پر مرکزی وزیر ڈاکٹر جتیندر سنگھ نے آج ایک رضاکارانہ خون کے عطیہ کیمپ کا افتتاح کیا۔

کیمپ کا انعقاد عملے اور تربیت کے محکمے (ڈی او پی ٹی) نے یہاں نارتھ بلاک میں کیا، جہاں 150 سے زیادہ ملازمین نے خون کا عطیہ دیا۔

اس سے قبل، اسی طرح کا خون عطیہ کیمپ ڈاکٹر جتیندر سنگھ نے سائنس اور ٹیکنالوجی کی وزارت کی جانب سے امبیڈکر انٹرنیشنل سنٹر میں شروع کیا تھا۔

حکومت ہند  کی وزارت عملہ، عوامی شکایات اور پنشن کی طرف سے انڈین ریڈ کراس سوسائٹی کے اشتراک سے منعقد رضاکارانہ خون کے عطیہ کیمپ میں اجتماع سے خطاب کرتے ہوئے، ڈاکٹر جتیندر سنگھ نے قومی بہبود کے لیے وزارت کے عزم پر روشنی ڈالی ۔ انہوں نے اس بات پر زور دیا  کہ یہ وزارت اس طرح کی پہل کا  آغاز کرنے والی پہلی وزارت ہے، جو نہ صرف اہلکاروں کے نظم و نسق پر توجہ مرکوز کرتی ہے بلکہ تربیت، صلاحیت کی تعمیر اور شہریوں میں ہمدردی کے جذبے کو فروغ دینے پر بھی توجہ مرکوز کرتی ہے۔

ڈاکٹر جتیندر سنگھ نے ذاتی طور پرخون کے عطیہ دہندگان کے ساتھ بات چیت کی، ان کی بے لوث خدمات کو سراہا  اور ایک معروف اینڈو کرائنولوجسٹ کی حیثیت سے اپنی طبی مہارت کے ذریعے خون کے عطیہ سے متعلق عام غلط فہمیوں کو دور کیا۔

وزیر نے یہ بھی اعلان کیا کہ آنے والے ہفتوں میں وزارت عملہ، عوامی شکایات اور پنشن کے تحت تمام محکموں اور اداروں میں اسی طرح کے خون کے عطیہ کیمپوں کا انعقاد کیا جائے گا۔ ان کوششوں کا مقصد ایک مضبوط اور متحرک قومی بلڈ پول قائم کرنا ہے جسے ہنگامی حالات کے دوران تیزی سے متحرک کیا جا سکے۔

ڈاکٹر سنگھ نے مزید کہا، ‘‘یہ  پہل  وزیر اعظم نریندر مودی کے وژن کی بازگشت ہے، جن کے قومی خدمت کی قرار داد اور عزم کی ہمیں اس چھوٹے لیکن معنی خیز پہل  کے ذریعے حمایت کرنے پر فخر ہے۔’’

عملہ، عوامی شکایات اور پنشن کی وزارت انڈین ریڈ کراس سوسائٹی، تمام حصہ لینے والے اداروں اور اس نیک مقصد میں تعاون کرنے والے ہر فرد کی تہہ دل سے شکریہ ادا کرتی ہے۔ یہ اہم دن نہ صرف ہندوستانی سائنس کی روح کو مناتا ہے بلکہ ملک کی تعمیر اور قومی خدمت کے لیے وزارت کی جاری وابستگی کی بھی تصدیق کرتا ہے۔

*****

ش ح۔ م ش۔ خ م

(U N.784)