नवी दिल्ली, 13 मे 2025

केंद्रीय गृह मंत्री आणि सहकार मंत्री अमित शाह यांनी आज नवी दिल्ली इथे पुद्दुचेरीचे नायब राज्यपाल के. कैलासनाथन यांच्यासह एक आढावा बैठक घेतली. या बैठकीत तीन नवीन फौजदारी कायद्यांच्या पुद्दुचेरी अंमलबजावणीचा आढावा गृह मंत्र्यांनी घेतला. यावेळी झालेल्या चर्चेत पोलिस, कारागृह, न्यायालये, अभियोग आणि न्यायवैद्यकीय सेवांसंदर्भातील महत्त्वाच्या तरतुदींच्या अंमलबजावणीची प्रगती आणि सद्यस्थितीवर लक्ष केंद्रित करण्यात आले.

आपल्या भाषणात अमित शाह यांनी सांगितले की, पंतप्रधान नरेंद्र मोदी यांच्या नेतृत्वाखालील सरकारने लागू केलेल्या तीन नवीन फौजदारी कायद्यांच्या अंमलबजावणीसाठी पुद्दुचेरी केंद्रशासित प्रदेशाने योग्य पावले उचलली आहेत. नवीन फौजदारी कायद्यांची लवकरात लवकर अंमलबजावणी सुनिश्चित करण्यावर त्यांनी भर दिला.गृह मंत्री म्हणाले की ई-समन्स, ई-साक्ष, न्याय श्रुती आणि न्यायवैद्यक  आदी तरतुदींची शक्य तितक्या लवकर पूर्ण अंमलबजावणी केली पाहिजे.

शाह यांनी सांगितले की पुद्दुचेरी केंद्रशासित प्रदेशाचे मुख्य सचिव आणि पोलिस महासंचालक यांनी दर आठवड्याला या कायद्यांच्या अंमलबजावणीच्या प्रगतीचा आढावा घ्यावा; तर गृह मंत्र्यांनी दर पंधरवड्यात एकदा आणि नायब राज्यपालांनी दर महिन्यात एकदा आढावा घ्यावा.

N.Chitale/R.Bedekar/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com