وزارت دفاع
دفاع کے وزیر مملکت جناب سنجے سیٹھ نے اپنے دورۂ روس کے دوران ماسکو میں منعقدہ وکٹری ڈے تقریبات میں شرکت کی
روسی صدر جناب ولادیمیر پوتن سے ملاقات کی
دفاع کے وزیر مملکت نے ریاست کے ذریعہ اسپانسر شدہ سرحد پار دہشت گردی کے خلاف بھارت کی جنگ میں روس کی حمایت کے لیے اظہار تشکر کیا
Posted On:
10 MAY 2025 4:46PM by PIB Delhi
دفاع کے وزیر مملکت جناب سنجے سیٹھ نے 08 سے 09 مئی 2025 کے درمیان اپنے دورہ روس کے دوران وکٹری ڈے تقریبات میں شرکت کی۔ تقریبات کا اہتمام دوسری جنگ عظیم (1941 سے 1945) میں سویت عوام کی فتح کی 80ویں سالگرہ کی یاد میں، 09 مئی 2025 کو ماسکو میں کیا گیا۔
جناب سنجے سیٹھ نے نامعلوم سپاہی کی قبر پر گلہائے عقیدت نذر کیے اور دیگر ممالک کے ممتاز مندوبین کے ساتھ وکٹری ڈے پریڈ ملاحظہ کی۔ وکٹری ڈے پریڈ میں دفاع کے وزیر مملکت کی شرکت بھارت اور روس کے مابین دیرینہ خصوصی و امتیازی کلیدی شراکت داری کی علامت ہے۔
دورے کے دوران، دفاع کے وزیر مملکت نے روسی صدر جناب ولادیمیر پوتن سے ملاقات کی اور 80ویں وکٹری ڈے کے لیے انہیں مبارکباد پیش کی۔
GK9C.jpeg)
دفاع کے وزیر مملکت نے روس کے نائب وزیر دفاع کرنل جنرل الیکزینڈر فومِن کے ساتھ باہمی ملاقات بھی کی اور ریاست کے ذریعہ اسپانسر شدہ سرحد پار دہشت گردی کے خطرے کے خلاف بھارت کی جنگ میں ان کی حمایت کے لیے روس کی حکومت اور عوام کا شکریہ ادا کیا۔
دونوں وزراء نے کثیر الجہتی عسکری اور عسکری –تکنیکی تعاون کے بارے میں تبادلہ خیال کیا اور موجودہ ادارہ جاتی نظام کے فریم ورک کے تحت تعلقات کو مزید مضبوط بنانے پر اتفاق کیا۔ طرفین بدلتی ہوئی صورتحال میں باقاعدہ مشاورت اور باہمی تعاون کو آگے بڑھانے کا سلسلہ جاری رکھیں گے۔
جناب سنجے سیٹھ نے ماسکو میں بھارتی سفارتخانے میں بھارتی برادری کے ممتازاراکین کے ساتھ بھی بات چیت کی۔
**********
(ش ح –ا ب ن)
U.No:712
(Release ID: 2128102)
Visitor Counter : 2