رجسٹرار جنرل آف انڈیا (آر جی آئی) کی جانب سے 7 مئی 2025 کو جاری کردہ سیمپل رجسٹریشن سسٹم (ایس آر ایس) رپورٹ 2021 کے مطابق، بھارت میں زچہ بچہ  کی صحت کے اہم اشاریوں میں مسلسل بہتری دیکھنے میں آئی ہے۔

سیمپل رجسٹریشن سسٹم (ایس آر ایس) پر مبنی ’’بھارت میں زچگی کی اموات پر خصوصی بلیٹن 2019–21‘‘ کے مطابق، ملک میں زچگی کی اموات کی شرح (ایم ایم آر) میں نمایاں کمی دیکھی گئی ہے، جو 2014–16 میں فی ایک لاکھ زندہ پیدائشوں پر 130 تھی، وہ 2019–21 میں گھٹ کر 93 ہو گئی ہے — یعنی 37 پوائنٹس کی کمی۔

اسی طرح، سسٹم آف رجسٹر آف سیمپل 2021 کی شماریاتی رپورٹ کے مطابق، بچوں کی اموات کے کم اشارے کا رجحان جاری رہا۔ ملک میں بچوں کی اموات کی شرح (ٹی ایم آئی) 2014 میں 39 فی ہزار زندہ بچوں سے کم ہو کر 2021 میں 27 فی ہزار زندہ بچوں تک پہنچ گئی ہے ۔ نوزائیدہ اموات کی شرح (ٹی ایم این) 2014 میں 26 فی ہزار زندہ پیدا ہونے والوں سے کم ہو کر2021 میں 19 فی ہزار زندہ پیدا ہونے والوں تک پہنچ گئی ہے ۔ بچوں کی شرح اموات (انڈر 5 ایم آر) 2014 میں فی ہزار زندہ پیدا ہونے والوں میں 45 سے کم ہو کر 2021 میں فی ہزار پیدا ہونے والوں میں 31 رہ گئی ہے۔ پیدائش کے وقت جنسی تناسب 2014 میں 899 سے بڑھ کر 2021 میں 913 ہو گیا۔ 2021 میں کل زرخیزی کی شرح 2.0 برقرار ہے، جو 2014 میں 2.3 کے مقابلے میں نمایاں بہتری ہے۔

ایس آر ایس2021 رپورٹ کے مطابق،

• آٹھ ریاستوں نے پہلے ہی ایس ڈی جی کے ہدف ایم ایم آر (2030 تک 70یا اس سے کم) کے نشانے کو حاصل کر لیا ہے: کیرالہ (20)، مہاراشٹر (38)، تلنگانہ (45)، آندھرا پردیش (46)، تمل نادو (49)، جھارکھنڈ (51)، گجرات (53) اور کرناٹک (63)۔
• بارہ ریاستوں ؍  مرکز کے زیر انتظام علاقوں نے پہلے ہی ایس ڈی جی کے ہدف انڈر5ایم آر (2030 تک 25یا اس سے کم) کے نشانے کو حاصل کر لیا ہے: کیرالہ (8)، دہلی (14)، تمل نادو (14)، جموں و کشمیر (16)، مہاراشٹر (16)، مغربی بنگال (20)، کرناٹک (21)، پنجاب (22)، تلنگانہ (22)، ہماچل پردیش (23)، آندھرا پردیش (24) اور گجرات (24)۔
• چھ  ریاستوں یا مرکز کے زیر انتظام علاقوں نے پہلے ہی ایس ڈی جی کے ہدف این ایم آر (2030 تک 12یا اس سے کم) کے ہدف کو حاصل کر لیا ہے: کیرالہ (4)، دہلی (8)، تمل نادو (9)، مہاراشٹر (11)، جموں و کشمیر (12) اور ہماچل پردیش (12)۔

اس کے علاوہ بھارت میں ماں اور بچے کی اموات میں کمی کے اعداد و شمار عالمی اوسط سے بہتر ہیں۔

اقوام متحدہ کے موجودہ ماں کی اموات کے تخمینہ ایجنسی گروپ (ایواین-ایم ایم ای آئی جی) رپورٹ 2000-2023، جو 7 اپریل 2025 کو شائع ہوئی، کے مطابق بھارت کا ایم ایم آر2020 سے 2023 تک 23 پوائنٹس کم ہوا ہے۔ اس کامیابی کے ساتھ، بھارت کا ایم ایم آر اب عالمی سطح پر 48 فیصد کی کمی کے مقابلے میں 86 فیصد کم ہو چکا ہے، جو 1990 سے 2023 تک کے 33 سالوں میں عالمی کمی کا تخمینہ ہے۔

بھارت میں بچوں کی اموات میں کمی میں نمایاں کامیابی اقوام متحدہ کے بچوں کی اموات کے تخمینہ ایجنسی گروپ (یو این- آئی جی ایم ای) رپورٹ 2024 میں اجاگر کی گئی ہے، جو 24 مارچ 2025 کو شائع ہوئی۔ بھارت بچوں کی اموات میں کمی کے حوالے سے اعلیٰ کارکردگی دکھانے والے ممالک میں شامل ہے۔ رپورٹ کے مطابق، بھارت نے پانچ سال سے کم عمر کی بچوں کی اموات کی شرح (یو5ایم آر) میں 78 فیصد کمی حاصل کی ہے، جو عالمی سطح پر 61 فیصد کی کمی سے زیادہ ہے؛ نوزائیدہ اموات کی شرح (این ایم آر) میں 70 فیصد کمی، جو عالمی سطح پر 54 فیصد ہے، اور شیر خوار بچوں کی اموات کی شرح (آئی ایم آر) میں 71 فیصد کمی، جو عالمی سطح پر 58 فیصد ہے، حاصل کی ہے، جو1990 سے 2023 تک کے 33 سال پر محیط ہے۔

یہ مسلسل بہتری، حکومتِ ہند کی حکمت عملی اور عزم کا نتیجہ ہے۔

حکومت کی علمبردار صحت اسکیمیں بغیر کسی رکاوٹ کے مربوط کی گئی ہیں تاکہ اعلیٰ معیار کی صحت کی خدمات ایک باوقاراندار کے ساتھ فراہم کی جا سکیں—جو مکمل طور پر مفت ہوں، اور علاج میں کسی بھی قسم کی انکار کی کوئی گنجائش نہ ہو۔ آیوشمان بھارت، جو دنیا کی سب سے بڑی صحت کی ضمانت کی پہل ہے، فی خاندان سالانہ 5 لاکھ  روپے تک کی صحت کی کوریج فراہم کرتی ہے، جو مالی تحفظ اور ضروری خدمات تک رسائی کو یقینی بناتی ہے۔

مخصوص مداخلتیں یہ یقینی بناتی ہیں کہ ہر حاملہ عورت کو مفت ادارہ جاتی ڈلیوری کا حق حاصل ہو، بشمول سیزرین آپریشن، ساتھ ہی عوامی صحت کی سہولتوں میں مفت نقل و حمل، دوائیں، تشخیص، اور غذائی معاونت فراہم کی جاتی ہے۔ شمولیاتی اور منصفانہ رسائی کو یقینی بنانے کے لئے، وزارت نے صحت کے بنیادی ڈھانچے کو مضبوط کیا ہے، جس میں ماں کے لئے ویٹنگ روم، ماں اور بچے کی صحت (ایم سی ایچ) ونگز، اوبیسٹریک ہائی ڈپینڈنسی یونٹس/(ایچ ڈی یوز) انٹینسیو کیئر یونٹس (آئی سی یوز) ، نوزائیدہ استحکام یونٹس (این بی ایس یوز) ، بیمار نوزائیدہ نگہداشت یونٹس (ایس این سی یوز) ، ماں اور نوزائیدہ کی دیکھ بھال کے یونٹس، اور پیدائشی نقائص کی اسکریننگ کے لیے خصوصی پروگرام شامل ہیں۔

اہم کلینیکل طریقے جیسے پری ٹرم لیبر کے لئے اینٹی نیٹل کورٹیکوسٹرائڈز کی انتظامیہ، مسلسل مثبت ایئر وے پریشر (سی پی اے پی) کا استعمال، اور سننے اور نظر کی اسکریننگ کے لئے ساختی پیروی نوزائیدہ کی بقا کے نتائج میں بہتری لانے میں معاون ثابت ہوتی ہیں۔ یہ تدابیر تقریباً 300 لاکھ محفوظ حمل اور 260 لاکھ صحت مند زندہ بچوں کی پیدائش کی حمایت کرتی ہیں۔

ایک اہم ترجیح یہ ہے کہ معیاری صحت کی خدمات ملک کے ہر کونے تک پہنچیں۔ اس کے لیے سہولت پر مبنی معیار کے سرٹیفیکیشن، صحت کے کارکنوں کی مہارتوں میں اضافہ، اور مضبوط نگرانی کے میکانزم کے ذریعے اس مسئلے کا حل نکالا جا رہا ہے۔ خصوصی توجہ حاملہ خواتین کی دیکھ بھال کے لیے ماہر دائیوں، مِڈوائیوز، اور کمیونٹی ہیلتھ ورکرز کی تربیت اور تعیناتی پر دی جا رہی ہے تاکہ ضروری ماں اور بچے کے تئیں ضروری صحت کی خدمات فراہم کی جا سکیں۔

وزارت صحت ڈیجیٹل پلیٹ فارمز کے ذریعے صحت کے ڈیٹا کے نظام اور بروقت کی نگرانی کو مزید مستحکم کر رہی ہے، جس سے ماں، نوزائیدہ اور بچے کی صحت کے لئے ڈیٹا اور شواہد پر مبنی پالیسی فیصلے کرنے میں مدد ملتی ہے۔

******

ش ح۔ ش ا ر۔ ول

Uno-710