ہندوستان نے 5 سے 9 مئی 2025 تک نیویارک میں اقوام متحدہ کے صدر دفتر میں منعقدہ اقوام متحدہ کے فورم برائے جنگلات (یو این ایف ایف 20) کے 20 ویں اجلاس میں شرکت کی ۔

ہندوستان نے جنگلات کے تحفظ اور پائیدار جنگلات کے انتظام میں اپنی نمایاں پیش رفت پر روشنی ڈالی اور اقوام متحدہ کے اسٹریٹجک منصوبہ برائے جنگلات 2030-2017 کے تحت   رضاکارانہ قومی تعاون (وی این سی) کے حصول کے لیے اپنے عزم کا اعادہ کیا ۔اراولی گرین وال کے تحت زمین کی بحالی ، گزشتہ دہائی کے دوران مینگروو کے احاطے میں 7.86 فیصد اضافہ ، گرین انڈیا مشن کے تحت 1.55 لاکھ ہیکٹر سے زیادہ کی شجرکاری ، اور ایک پیڑ ماں کے نام (پلانٹ 4 مدر) مہم کے تحت 1.4 بلین پودوں کی شجرکاری جیسے اہم قومی اقدامات کے نتیجے میں ہندوستان نے جنگلات اور درختوں کے احاطے میں مسلسل اضافہ درج کیا ، جو اب تازہ ترین انڈیا اسٹیٹ آف فاریسٹ رپورٹ کے مطابق اپنے جغرافیائی رقبے کا 25.17 فیصد ہے ۔

ہندوستان کی شرکت کا ایک اہم لمحہ اقوام متحدہ کے تمام رکن ممالک کو انٹرنیشنل بگ کیٹ الائنس (آئی بی سی اے) میں شامل ہونے کی دعوت تھی،جو مشترکہ تحقیق ، جانکاری  کے تبادلے اور صلاحیت سازی کے ذریعے سات بڑی بلی کی انواع کے تحفظ میں مدد کے لیے ہندوستان کی طرف سے شروع کیا گیا ایک عالمی پلیٹ فارم ہے ۔

ہندوستانی وفد نے اکتوبر 2023 میں دہرادون میں ہندوستان کے زیر اہتمام کنٹری لیڈ انیشی ایٹو (سی ایل آئی) کے نتائج پر عالمی کارروائی پر زور دیا ، جس میں جنگل کی آگ پرقابو پانے اور جنگلات کے تعین پر توجہ دی گئی تھی ۔ہندوستان نے جمہوریہ کانگو ،عوامی جمہوریہ کوریا اور آسٹریا کی قیادت میں سی ایل آئی کی کوششوں کا بھی اعتراف کیا  اور ان کی پذیرائی کی  اورترجیحی جنگلات کے مسائل کی حمایت کے لیے سی ایل آئی کے نتائج کو باضابطہ عالمی میکانزم میں ضم کرنے کی اہمیت پر زور دیا ۔

ہندوستان نے "تباہ شدہ جنگلات کی بحالی: پائیدار جنگلات کے انتظام اور آب و ہوا کی  استقامت  کے لیے ہندوستان کا نقطہ نظر" کے موضوع پر ایک سائیڈ ایونٹ کی میزبانی بھی کی ۔اس تقریب میں پالیسی اختراع ، وسائل کی ہم آہنگی ، فعال کمیونٹی کی شمولیت ، اور نگرانی اور تشخیص کے لیے ٹیکنالوجی کے استعمال کے ذریعے مربوط جنگلات کی بحالی کے ساتھ ہندوستان کے تجربے کوپیش کیا گیا ۔سیشن کے دوران عالمی جنگلات کے اہداف کے لیے اہم کامیابیاں اور تعاون کو بھی پیش کیا گیا۔

اس کے علاوہ ، ہندوستان "قومی پالیسی اور حکمت عملی میں جنگلات کے ماحولیاتی نظام کی قدر" کے موضوع پر ایک اعلیٰ سطحی پینل میں شامل ہوا ، جہاں وفد نے اتراکھنڈ ، راجستھان اور شیروں کے ذخائر میں پائلٹ مطالعات کے نتائج شیئر کیے ۔ان مطالعات کے لیے  ماحولیاتی نظام کی خدمات جیسے کاربن کو الگ کرنے ، پانی کی فراہمی ، اور حیاتیاتی تنوع کے تحفظ کو سسٹم آف انوائرمنٹل اکنامک اکاؤنٹنگ (ایس ای ای اے) اور ملینیم ایکوسسٹم اسسمنٹ (ایم ای اے) جیسے فریم ورک کا استعمال کیا گیا ۔غیر منڈی خدمات کی قدر کرنے میں چیلنجوں کو تسلیم کرتے ہوئے ، ہندوستان نے موجودہ جنگلات کے نظم ونسق اور طویل مدتی ماحولیاتی استحکام کے لیے قومی منصوبہ بندی میں ماحولیاتی نظام کی تشخیص کو مربوط کرنے کی ضرورت پر زور دیا ۔

یو این ایف ایف 20 میں ہندوستانی وفد کی قیادت جنگلات کے  محکمہ کے ڈائریکٹر جنرل اور ماحولیات ، جنگلات اور موسمیاتی تبدیلی کی وزارت ، حکومت ہند کے خصوصی سکریٹری جناب سشیل کمار اوستھی نے کی ۔

************

ش ح۔ع و۔ ج ا

 (U: 688)