“ভারত তেলিকোম অসি চুম্নগী কন্ফরেন্স অমা নত্তে — মসি ইনোভেসন, কোলাবোরেসন, অমদি ইনক্লুজিব গ্রোথকী খুত্থাঙদা মলেমগী কন্নেক্তিবিতীগী তুংলমচৎ শেম্নবা ভারতনা অনিংবা অপাম্বা লৈ হায়না লাউথোকপা অমনি,” হায়না কম্ম্যুনিকেসন্স অমদি দিভেলপমেন্ত ওফ নোর্থ ইস্তর্ন রিজনগী মন্ত্রী শ্রী জ্যোতিরদিত্য এম. সিন্দিয়ানা ঙসি নই দিল্লীদা ভারত তেলিকোম ২০২৫ হৌদোক্লদুনা হায়খ্রে‍। “ৱাখল্লোন, ইনোভেসন, অমদি অনিংবা অপাম্বনা থোং মান্ননা পুল্লকপা মতমদা, মখোয়না চরাংনবা থোকহন্দে, চুশিন্ননা ফজবা শক্তম অমা থোকহল্লি — অদুগা ভারত তেলিকোম্না মালেমগী কোলাবোরেসন অমদি ওপোর্চুনিতীগী অদুগুম্লবা চুশিন্ননা ফজবা শক্তম অদুনি,” হায়না মহাক্না হায়খি‍।

তেলিকোম ইকুইপমেন্ত এন্দ সর্ভিসেস এক্সপোর্ত প্রমোসন কাউন্সিল (তি.ই.পি.সি.) না দিপার্তমেন্ত ওফ তেলিকম্ম্যুনিকেসন্স (দি.ও.তি.) গা খুৎশম্নরগা পাঙথোকখিবা ভারত তেলিকোম ২০২৫ না তেলিকোম মেনুফেকচরিং, সর্ভিসেস, অমদি এক্সপোর্তকী মালেমগী মফম অমা ওইরক্নবা ভারতকী মঙলান্দা মরুওইবা থৌদাং অমা লৌরি‍। থৌরম অসি কম্ম্যুনিকেসন্সকী রাজ্য মন্ত্রী দোক্তর পেম্মাসনি চন্দ্র সেখর, লোয়ননা ইন্দস্ত্রী লুচিংবা, মপান লৈবাক্কী দেলিগেতশিং, অমদি তেলিকোম ভেল্যু চেন পুম্বদগী লাকপা ইনোভেতরশিংনা শরুক য়াদুনা হৌদোকখিবনি‍। নুমিৎ নিনি চত্থগদবা ভেরত তেলিকোম ২০২৫ অসিনা, স্তেকহোল্দরশিংগী ইন্তরেক্তিব প্লেতফোর্ম অমা পীবতা নত্তনা, এক্সক্লুজিব ইন্তরনেস্নেল বিজিনেস এক্সপো অমসু য়াওরি‍।

মহাক্কী হৌদোকপগী ৱারোলদা, মন্ত্রী সিন্দিয়ানা প্রোগ্রেসিব ওইবা রিফোর্ম অমসুং প্রদক্সন-লিঙ্ক ইন্সেন্তিবশিংনা ঙাক্লৌ ওইদুনা তেলিকোম এক্সপোর্তর অমদি ইনোভেসনগী হব অমা ওইনা ভারতনা লৌরিবা থৌদাং অসুম পাকথোক চাউথোরকপবু ফোঙদোকখি‍। “ঐখোয়না খুঙ্গংশিং শম্নহনবখক নত্তে; ঐখোয়না তুংলমচৎপুসু শম্নহল্লি‍। ঐখোয়না য়ুংলিবা তৱার খুদিং, ঐখোয়না ত্রান্সমিৎ তৌরিবা বাইত খুদিংনা মীওই বিলিয়ন ১.৪ বু খুদোংচাবশিংগী মনাক্তা নকশিনহল্লি,” হায়না মন্ত্রী সিন্দিয়ানা ফোঙদোকখি‍। “প্রধান মন্ত্রী নরেন্দ্র মোদীগী ইচঙ থৌবা মীৎয়েঙ অমসুং খোঙফম হন্দবা ফিরেপ্না ভারতপু দিজিতেলগী লমদা তুং ইন্দুনা চৎলম্বগী মালেমগী দিজিতেলগী লুচিংবা অমা ওইহন্দুনা – অনিংবা অপাম্বশিংবু ইনফ্রাস্ত্রকচরদা, অদুগা খুজিল থৌরাংবুনা খোঙজেলদা ওন্থোক্লি,” হায়নসু মহাক্না হায়খি‍।

“শুপ্নতগী থা ২২ দা, ঐখোয়না ঐখোয়গী খুঙ্গংশিংগী ৯৯% 5G না শম্নহনখি অমদি তৱার ৪৭০,০০০ মথৌ তৌহন্দুনা ঐখোয়গী মীশিংগী ৮২% নেতৱর্ক্তা পুশিল্লকখি, - মসি মতম্না পুরকপা অওনবা নত্তে; মসি তেলিকোমগী য়াওলনি,” হায়না শ্রী জ্যোতিরদিত্য এম. সিন্দিয়ানা হায়খি‍। “ঐখোয়না ভারত পুম্বদা শেমগৎলিবা দিজিতেল হায়ৱে অসি ঈ-পাউ ফাওনবখক্কী নত্তে—মসি ইনফ্রাস্ত্রকচরগী ইনফ্রাস্ত্রকচরনি, মীওই বিলিয়ন ১.৪ বু হেল্থকেয়র, এজুকেসন, গভর্নেন্সস, অমদি ইকনমিক ওপোর্তুচিনিতী ফংহন্দুনা মপাঙ্গল হাপ্লিবনি,” হায়না মহাক্না ফোঙদোকখি‍।

মন্ত্রীনা ভারতনা মালেমগী দিজিতেল পৱারহাউস অমা ওইনা তোপ তোপ্পা মওংদা লিৎখৎলকপবু পাউদমখি, অমদি ফীভম অসি প্রধান মন্ত্রী নরেন্দ্র মোদীগী মীৎয়েঙ শানবা লীচিংনা ওইহল্লকপনি হায়খি‍। ভারতনা 4G অমদি 5G খক্তগী লমদা মালেমগা থোং মান্ননা চৎলকপখক নত্তনা, মপুং ফাবা রিফোর্ম অমদি তেক্নোলোজীগী ইনোভেসন্না লৈবাকসিগী মায়ওন লেপ্তুনা লম অসিদা মাঙজিল থানা চৎলি হায়না মহাক্না হায়খি‍। শ্রী সিন্দিয়ানা ভারতকী তেলিকোম সেক্তরদা লৌরিবা থৌদাং অসি অওনবা পুরক্লিবা শাফু অমনি হায়খি অমদি লৈবাক অসিনা ১৯৯০গী মতমদা মমল তাঙবা, মোবাইল এক্সেস নীংথিনা লৈরমদবা ফীভমদগী হৌজিক্না মালেমগী অনিশুবা খ্বায়দগী চাউবা তেলিকোম মার্কেত অমদি খ্বায়দগী হোঙবা দেতা প্রোভাইদর অমা ওইরে হায়খি‍।

সেসন অদুদা ৱা ঙাংলদুনা, কম্ম্যুনিকেসন্সকী রাজ্য মন্ত্রী দোক্তর পেম্মাসনি চন্দ্র সেখরনা হায়খি, “লৈবাক অমগী খোঙচত্তা মালেমগী ৱারী ৱাতায়দা চুম্না য়াওবখক নত্তনা মশাগী ওইবা লম্বী য়াৎচবা মীৎকুপশিং লৈ‍। ঙসি, ভারতনা কৈথেল নৎত্রগা কঞ্জ্যুমর অমা ওইনা ইচম চম্না লেপ্পা নৎত্রে, মালেমগী থাক্কী তেলিকোম সোলুসনগী ক্রিএতর, খোঙবু, অমদি থাজবা য়াবা প্রোভাইদর অমা ওইনা লেপ্লি‍। হান্না লৈরম্বা মেদ-ফোর-ইন্দিয়া হায়বদুদগী মেদ-বাই-ইন্দিয়া হায়বা ৱাফমসিদা লাক্লে‍।”

দোক্তর পেম্মাসনি চন্দ্র সেখরনা ভারতনা মালেমগী তেলিকোমগী লম অসিদা অনৌবাআ মায়কৈ অমদা অওনবা পুরক্লি, অমদি কঞ্জ্যুমরদগী তেক্নোলোজী পুথোকপরোমদা ওল্লক্লি‍ হায়খ‍ি‍। খোঙজেল অসি দেকেদ অমগী মমাঙদা হৌদোকখিবা অমদি প্রধান মন্ত্রী নরেন্দ্র মোদীগী লুচিং মখাদা লৈরিবা মাঙলোমদা মীৎয়েঙ থম্বা লৈঙাক্কী খুজিল থৌরাংশিংনা ঙাক্লৌ ওইরিবা দিজিতেল ইন্দিয়া থৌশিলনা পুরকপনি‍। প্রদক্সন-লিঙ্ক ইন্সেন্তিব স্কীম, প্রোগ্রেসিব স্পেক্ত্রম মেনেজমেন্ত, অমদি তেলিকোম তেক্নোলোজী দিভেলপমেন্ত ফন্দ অসিনচিংবা থৌশিলশিং পল্লদুনা, দোমেস্তিক মেনুফেকচরিং, এক্সপোর্ত, অমদি ইনোভেসনগী লমদা ভারতনা অঙকপা মওংদা খুমাঙ চাওশিল্লকপবু মহাক্না পনখি‍। হৌজিক্তি ভারতনা, মালেমগী আইফোনগী ১৫% পুথোকপা য়াওনা মালেমগী সপ্লাই চেন্দা মশক থোকপা থৌদাং লৌরি হায়না মহাক্না মখা তানা ফোঙদোকখি‍। মতুং তারকপদা 6G লীদর্সিপ, সেত্তলাইত ব্রোদবেন্দ পাকথোক চাউথোকহন্বা, অমদি দিজিতেল সোভেরেন্তী মপাঙ্গল কনখৎহন্নবা ক্বান্তম কম্ম্যুনিকেসন নেতৱর্ক শেমগৎপদা লৈবাকসিনা মীৎয়েঙ থম্লি হায়রদুনা মহাক্কী ৱারোল লোইশিনখি‍।

তি.ই.পি.সি. চেয়রমেন মিস্তর অর্নোব রোইনা, মহাক্কী তরাম্না ওকপা ৱারোলদা হায়খি, “ভারত তেলিকোম্না মালেমগী তেলিকোম ইন্দস্ত্রীদা ঐখোয়গী লম্বা লৈতবা গ্রোথ অমদি ইনোভেসন উত্তুনা ভারতকী মশাগী ওইবা তেলিকোম ইকোসিস্তেমগী অওনবা পুরকপা ঙম্বা মতিক উৎলি‍‍।” মহাক্না তেলিকোম সেক্তরদা ইনোভেসন অমদি মেনুফেকচরিংদা ঙাক্লৌ পীরিবা ভারত লৈঙাক্কী লাল্লোং চুম্বা খুজিল থৌরাংশিংগী মরমদা পল্লদুনা, মীথুংশিংগী মফমদা ভারত তেলিকোম একজিবিসন ২০২৫ অসিদা উৎলিবা ইনোভেসনশিংবু য়েংননবা ৱাফম থমখি‍।

ভারত তেলিকোম ২০২৫ অসি, তেলিকোম ইকুইপমেন্ত, আই.সি.তি. সর্ভিসেস অমদি নেক্স-জেনেরেসন দিজিতেল তেক্নোলোজীগী লমদা ভারতকী হেনগৎলক্লিবা মতিং উৎলদুনা ভারতপু থাজবা য়াবা তেলিকোম প্রদক্ত মেনুফেকচরিং অমদি এক্সপোর্ত দেস্তিনেসন ওইনা খোঙফম চেৎশিলহন্নবা ৱাখল্লোন্দা পাঙথোকপনি‍। ভারতকী তেলিকোম অমদি আই.সি.তি. কম্পেনী ৮০ হেনবনা দোমেন কয়াদা মখোয়গী ইনোভেতিব ওইবা পোত্থোকশিং অমদি সোলুসনশিং উৎখি‍।

থৌরম অদুদা লৈববাক ৩৫ হেনবদী মপান লমগী মীথুং ১৩০ হেনবনা লৈঙাক্কী লুপ, লনাই এন্তরপ্রাইজশিংগী মহুৎ শন্দুনা শরুক য়াখি‍। মদুদা 5G, ওপ্তিকেল ফাইবর, ব্রোদবেন্দ ইনফ্রাস্ত্রকচর, সেত্তলাইত কম্ম্যুনিকেসন, IoT, এ.আই.-দ্রিভন নেতৱর্ক অমসুং অতৈ মাঙজিল থাবা কম্ম্যুনিকেসন তেক্নোলোজীশিংদা মীৎয়েঙ থম্বা থিম নাইবা একজিবিসন, কন্ফরেন্স সেসন, হায়-ইম্পেক্ত B2B মীফম, স্ত্রেতেজিক নেতৱর্কিং সেসন, অমসুং নোলোজ-শেয়রিং ফোরমশিংসু পাঙথোকখি‍।

তি.ই.পি.সি.গী মরমদা:

ভারত লৈঙাক্কী ফোরেন ত্রেদ পোলিসীগী মখাদা ২০০৯ দা লিংখৎখিবা, তেলিকোম ইকুইপমেন্ত এন্দ সর্ভিসেস এক্সপোর্ত প্রমোসন কাউন্সিল (তি.ই.পি.সি.) না তেলিকোম ইকুইপমেন্ত অমদি সর্ভিসশিং য়োকখৎপা অমসুং ফংহনবদা মরুওইবা থৌদাং অমা য়ারি‍। মসিগী মেন্দেত অসিনা আই.সি.তি. হার্দৱ্যের অমদি সোফ্তৱ্যের, সিস্তেম ইন্তিগ্রেসন, কন্সল্তেন্সী, অমসুং সর্ভিস প্রোভিজন য়াওনা তেলিকোম ইকোসিস্তেম পুম্বা কোনশিল্লি‍। তি.ই.পি.সি.না তেলিকোম সেক্তর মনুংদা মথৌ তৌরিবা ইকুইপমেন্ত মেনুফেকচরর, সিস্তেম ইন্তিগ্রেতর, সর্ভিস প্রোভাইদর, অমসুং অতৈ এন্তিতীশিং য়াওনা খেন্নবা মখলগী স্তেকহোল্দরশিংগী মরুওইবা ফম্পাক অমা ওইনা মথৌ তৌরি‍।

<><><>

******