আনুসন্ধান নেস্নেল রিসর্স ফাউন্দেসন (ANRF) না মাগী "মিসন ফোর এদভান্সমেন্ত ওফ হায়-ইম্পেক্ত এরিয়াজ ওন ইলেক্ত্রিক ভেহিকলস" (MAHA-EV) গী মখাদা তেংবাং পীনবগীদমক ই-নোদ তরেৎ খল্লে হায়না লাউথোকখ্রে। ANRFকী নেস্নেল মিসনগী অমব্রেল্লা মখাদা হৌদোকখিবা হৌজিক্কী প্রোগ্রাম অসিনা মরুওইবা শিংনবশিং কোকহন্নবা অমসুং ভারতকী ইলেক্ত্রিক ভেহিকল ইকোসিস্তেমদা ইন্নোভেসনদা শাহৌ পীনবা পান্দম থম্লি।

ANRF MAHA-EVনা স্ত্রেতেজিক ওইনা মশক তাক্লবা তেক্নোলোজিকেল ভর্তিকল (TV) অহুমদা মীৎয়েং থমদুনা প্রপোজেল কৌখ্রে মখোয় অদুদি ত্রোপিকেল EV বেতরী অমসুং বেতরী সেলশিং (TV-I), পাৱর ইলেক্ত্রোনিক্স, মেছিনশিং অমসুং দ্রাইবশিং (PEMD)- (TV-II) অমসুং EV চার্জিং ইনফ্রাস্ত্রকচর (TV-III)নি।

খনগৎলবা ইলেক্ত্রিক মোবিলিতী নোদ (ই-নোদ) অমমমনা লৈবাক অসিগী EV সেক্তরদা শরুক তম্নবা অমসুং R&D এস্তাব্লিশ তৌনবা মেন্দতরী ইন্দস্ত্রী পার্তিসিপেসনগা লোয়ননা একাদেমিক ইনস্তিত্যুসনশিং/R&D লেবোরেতোরীশিং য়াওহন্দুনা কন্সোর্তিয়া মোদতা প্রোজেক্ত অসি পাংথোক্কনি।

ANRFকী MAHA-EV মিসনগী মখাদা খনগৎলবা ই-নোদ তরেৎ অসি মথংশিৎনা ইন্দিয়ন ইন্সতিত্যুৎ ওফ তেক্নোলোজী বোম্বে, ইন্তর্নেস্নেল এদভান্স রিসর্চ সেন্তর ফোর পাউদর মেতালর্জী অমসুং ন্যু মেতরিএলস হায়দ্রবাদ, নেস্নেল ইন্সতিত্যুৎ ওফ তেক্নোলোজী সুরথকল, ইন্দিয়ন ইন্সতিত্যুৎ ওফ তেক্নোলোজী কানপুর, ইন্দিয়ন ইন্সতিত্যুৎ ওফ তেক্নোলোজী- BHU, CSIR - সেন্ত্রেল ইলেক্ত্রোনিক্স ইঞ্জিনীয়রিং রিসর্চ ইন্সতিত্যুৎ, পিলানি অমসুং ইন্দিয়ন ইন্সতিত্যুৎ ওফ তেক্নোলোজী খরাগপুরনি।

কৌখিবা অসিনা স্তেকহোল্দর পুম্নমক্কী মরক্তা চাউনা পুক্নিং থৌগৎপা উবা ফংখি অমসুং একাদমিক ইন্সতিত্যুসনশিং, R&D লেবোরেতরীশিং অমসুং ইন্দস্ত্রীএল সেক্সনদগী কন্সোর্তিয়া মোদতা প্রপোজেল 227 ফংখি।

খনগৎলবা ই-নোদ তরেৎ অসিদা অনিদি ত্রোপিকেল EV বেতরীশিং অমসুং সেল তেক্নোলোজীশিংদা মীৎয়েং থমগনি (TV-I), অহুম অমনা পাৱর ইলেক্ত্রোনিক্স মেছিনশিং অমসুং দ্রাইবশিংদা থবক তৌগনি (TV-II) অমসুং অতোপ্পা ই-নোদ অনিদি TV-IIIগী মখাদা চার্জিং ইনফ্রাস্ত্রকচরদা মীৎয়েং থমগনি।

MAHA-EV মিসন অসিনা তুংকোইনা চৎপা ঙম্নবা, অনৌবা পুথোকপা ঙম্নবা অমসুং মশা-মরোমদোম লেপচবা ঙম্নবগী পান্দমগা লোয়ননা নেক্স জেনরেসন ইলেক্ত্রিক মোবিলিতী সোলুসনশিংদা ভারতকী লুচিংবা ওইবগী মতৌ অসিদা মতেং পাংগনি।

এনেক্সর-Iদা পীরিবা ইন্সতিত্যুসনশিংগী লিস্ত য়েংনবা মসিদা নম্বীয়ু (এতেচ তৌরি):-

***