ਬਹੁਤ ਸਮੇਂ ਤੋਂ ਉਡੀਕਿਆ ਜਾਣ ਵਾਲਾ ਕ੍ਰਿਏਟ ਇਨ ਇੰਡੀਆ ਚੈਲੇਂਜ (ਸੀਆਈਸੀ) ਸੀਜ਼ਨ 1, ਇੱਕ ਅਜਿਹੀ ਪਹਿਲ  ਜਿਸ ਵਿੱਚ ਦੁਨੀਆ ਭਰ ਦੇ ਰਚਨਾਕਾਰਾਂ ਦੀ ਕਲਪਨਾ ਪ੍ਰਦਰਸ਼ਿਤ ਕਰਨ ਦਾ ਮੌਕਾ ਪ੍ਰਾਪਤ ਹੋਇਆ ਹੈ। ਇਸ ਦੀ ਸਮਾਪਤੀ ਵੇਵਸ 2025 ਵਿੱਚ ਇੱਕ ਸ਼ਾਨਦਾਰ ਸਮਾਰੋਹ ਦੇ ਨਾਲ ਹੋਈ, ਜੋ ਭਾਰਤ ਦੇ ਸਿਰਜਣਾਤਮਕ ਦ੍ਰਿਸ਼ ਲਈ ਇੱਕ ਮਹੱਤਵਪੂਰਨ ਉਪਲਬਧੀ ਹੈ। ਇਸ ਯਾਦਗਾਰੀ ਸਮਾਗਮ ਨੇ 32 ਵੱਖ-ਵੱਖ ਚੁਣੌਤੀਆਂ ਦੇ ਜੇਤੂਆਂ ਨੂੰ ਸਨਮਾਨਿਤ ਕੀਤਾ ਜਿਸ ਵਿੱਚ ਮੀਡੀਆ ਅਤੇ ਮਨੋਰੰਜਨ ਉਦਯੋਗ ਦੇ ਹਰ ਖੇਤਰ ਵਿੱਚ ਐਨੀਮੇਸ਼ਨ, ਗੇਮਿੰਗ ਅਤੇ ਫਿਲਮ ਨਿਰਮਾਣ ਤੋਂ ਲੈ ਕੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏਆਈ), ਸੰਗੀਤ ਅਤੇ ਡਿਜੀਟਲ ਆਰਟਸ ਸ਼ਾਮਲ ਹਨ।

ਪ੍ਰਸਾਰਣ ਮੰਤਰੀ ਸ਼੍ਰੀ ਅਸ਼ਵਨੀ ਵੈਸ਼ਣਵ ਨੇ ਨੌਜਵਾਨ ਰਚਨਾਕਾਰਾਂ ਅਤੇ ਦੂਰਦਰਸ਼ੀ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਇਸ ਨੂੰ ਇੱਕ ਇਤਿਹਾਸਕ ਪਲ ਦੱਸਿਆ। ਉਨ੍ਹਾਂ ਨੇ ਕਿਹਾ, "ਪਹਿਲੀ ਵਾਰ,  ਇਹ ਪੁਰਸਕਾਰ ਪੂਰੀ ਤਰ੍ਹਾਂ ਨਾਲ ਸਿਰਜਣਾਤਮਕਤਾ ਲਈ ਦਿੱਤਾ ਜਾ ਰਿਹਾ ਹੈ। ਇਹ ਯਾਤਰਾ ਹੁਣੇ ਸ਼ੁਰੂ ਹੀ ਹੋਈ ਹੈ। ਇਸ ਪਹਿਲਕਦਮੀ ਨਾਲ, ਤੁਸੀਂ ਨਵੇਂ ਮੌਕਿਆਂ ਦੀ ਦੁਨੀਆ ਵਿੱਚ ਕਦਮ ਰੱਖ ਰਹੇ ਹੋ। ਅਸੀਂ ਇੰਡੀਅਨ ਇੰਸਟੀਟਿਊਟ ਆਫ਼ ਕ੍ਰਿਏਟਿਵ ਟੈਕਨੋਲੋਜੀ (ਆਈਆਈਟੀ) ਦੀ ਤਰ੍ਹਾਂ , ਇੰਡੀਅਨ ਇੰਸਟੀਟਿਊਟ ਆਫ਼ ਕ੍ਰਿਏਟਿਵ ਟੈਕਨੋਲੋਜੀ ਵੀ ਸ਼ੁਰੂ ਕਰ ਰਹੇ ਹਾਂ। ਇਹ ਸਿਰਜਣਾਤਮਕਤਾ ਵਿੱਚ ਟ੍ਰੇਨਿੰਗ ਲਈ, ਇਨੋਵੇਸ਼ਨ ਅਤੇ ਪ੍ਰਗਟਾਵੇ ਲਈ ਇੱਕ ਮਜ਼ਬੂਤ ​​ਨੀਂਹ ਬਣਾਉਣ ਲਈ ਹੈ।"

ਸੂਚਨਾ ਅਤੇ ਪ੍ਰਸਾਰਣ ਰਾਜ ਮੰਤਰੀ, ਡਾ. ਐੱਲ ਮੁਰੂਗਨ ਨੇ ਭਾਗੀਦਾਰਾਂ ਨੂੰ ਵਧਾਈ ਦਿੰਦੇ ਹੋਏ ਨੌਜਵਾਨਾਂ ਦੀ ਗਤੀਸ਼ੀਲ ਊਰਜਾ ਅਤੇ ਤਕਨੀਕੀ ਹੁਨਰ 'ਤੇ ਚਾਨਣਾ ਪਾਇਆ। ਉਨ੍ਹਾਂ ਨੇ ਕਿਹਾ, 'ਤੁਹਾਨੂੰ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ।' ਇਹ ਪਲੈਟਫਾਰਮ ਇਸ ਗੱਲ ਦੀ ਇੱਕ ਸੁੰਦਰ ਉਦਾਹਰਣ ਹੈ ਕਿ ਕਿਵੇਂ ਨੌਜਵਾਨ ਪ੍ਰਤਿਭਾਵਾਂ ਸਿਰਜਣਾਤਮਕਤਾ ਨੂੰ ਟੈਕਨੋਲੋਜੀ ਨਾਲ ਜੋੜ ਰਹੀਆਂ ਹਨ। ਇਹ ਨਾਰੀ ਸ਼ਕਤੀ ਦੀ ਤਾਕਤ ਅਤੇ ਭਾਰਤੀ ਕੰਟੈਂਟ ਕ੍ਰਿਏਸ਼ਨ ਦੇ ਭਵਿੱਖ ਨੂੰ ਵੀ ਦਰਸਾਉਂਦਾ ਹੈ।

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸ਼੍ਰੀ ਸੰਜੇ ਜਾਜੂ ਨੇ ਕ੍ਰਿਏਟ ਇਨ ਇੰਡੀਆ ਚੈਲੇਂਜ (ਸੀਆਈਸੀ) ਦੇ ਵਿਕਾਸ 'ਤੇ ਚਾਨਣਾ ਪਾਇਆ। ਸ਼੍ਰੀ ਜਾਜੂ ਨੇ ਕਿਹਾ, "ਜਦੋਂ ਅਸੀਂ ਅਗਸਤ ਵਿੱਚ ਸ਼ੁਰੂਆਤ ਕੀਤੀ ਸੀ, ਤਾਂ M&E ਸਪੈਕਟ੍ਰਮ ਵਿੱਚ 25 ਚੁਣੌਤੀਆਂ ਸਨ। ਸਤੰਬਰ ਵਿੱਚ ਮਨ ਕੀ ਬਾਤ ਵਿੱਚ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਸੀਆਈਸੀ  ਬਾਰੇ ਬੋਲਣ ਤੋਂ ਬਾਅਦ, ਭਾਗੀਦਾਰੀ ਵਧ ਗਈ। ਚੁਣੌਤੀਆਂ ਦੀ ਗਿਣਤੀ  ਵਧ ਕੇ 32 ਹੋ ਗਈ। ਸਾਨੂੰ ਲਗਭਗ ਇੱਕ ਲੱਖ ਰਜਿਸਟ੍ਰੇਸ਼ਨ ਪ੍ਰਾਪਤ ਹੋਏ ਹਨ। ਅੱਜ, 750 ਫਾਈਨਲਿਸਟ ਇੱਥੇ ਹਨ ਅਤੇ ਉਨ੍ਹਾਂ ਵਿੱਚੋਂ ਹਰ ਇੱਕ ਜੇਤੂ ਹੈ।"

ਉੱਭਰ ਰਹੀਆਂ ਪ੍ਰਤਿਭਾਵਾਂ ਨੂੰ ਗਲੋਬਲ ਪਲੈਟਫਾਰਮ ਪ੍ਰਦਾਨ ਕਰਨ ਅਤੇ ਨੌਜਵਾਨ ਪ੍ਰਤਿਭਾਵਾਂ ਦੀ ਜੀਵੰਤ ਰਚਨਾਤਮਕਤਾ ਨੂੰ ਪ੍ਰਦਰਸ਼ਿਤ ਕਰਨ ਲਈ ਕ੍ਰਿਏਟ ਇਨ ਇੰਡੀਆ ਚੈਲੇਂਜ (ਸੀਆਈਸੀ) ਦੀ ਸ਼ੁਰੂਆਤ ਕੀਤੀ ਗਈ ਸੀ। ਚੁਣੌਤੀਆਂ ਨੇ ਸ਼੍ਰੇਣੀਆਂ ਦੀ ਇੱਕ ਵਿਸਤ੍ਰਿਤ ਲੜੀ ਪੇਸ਼ ਕੀਤੀ, ਜਿਸ ਨਾਲ ਰਚਨਾਕਾਰਾਂ ਨੂੰ ਮੀਡੀਆ ਦੇ ਵੱਖ-ਵੱਖ ਰੂਪਾਂ ਵਿੱਚ ਸੀਮਾਵਾਂ ਦਾ ਪਤਾ ਲਗਾਉਣ ਅਤੇ ਅੱਗੇ ਵਧਾਉਣ ਦਾ ਮੌਕਾ ਮਿਲਿਆ। ਐਨੀਮੇ ਚੈਲੇਂਜ ਤੋਂ ਲੈ ਕੇ ਏਆਈ ਫਿਲਮ ਨਿਰਮਾਣ ਮੁਕਾਬਲੇ ਤੱਕ, ਐਕਸਆਰ ਕ੍ਰਿਏਟਰ ਹੈਕਾਥੌਨ ਤੱਕ, ਹਰੇਕ ਸ਼੍ਰੇਣੀ ਨੇ ਦੁਨੀਆ ਭਰ ਦੇ ਰਚਨਾਕਾਰਾਂ, ਟੈਕਨੋਲੋਜਿਸਟਾਂ ਅਤੇ ਕਹਾਣੀਕਾਰਾਂ ਨੂੰ ਇਕੱਠਾ ਲਿਆਉਂਦੇ ਹੋਏ ਨਵੀਨਤਾਕਾਰੀ ਪ੍ਰਗਟਾਵੇ ਨੂੰ ਪ੍ਰੋਤਸਾਹਿਤ ਕੀਤਾ।

ਸੀਆਈਸੀ ਨੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਮਹੱਤਵਪੂਰਨ ਧਿਆਨ ਆਕਰਸ਼ਿਤ ਕੀਤਾ ਹੈ। 1,100 ਤੋਂ ਵੱਧ ਅੰਤਰਰਾਸ਼ਟਰੀ ਭਾਗੀਦਾਰਾਂ ਸਮੇਤ 60 ਤੋਂ ਵੱਧ ਦੇਸ਼ਾਂ ਦੀਆਂ ਐਂਟਰੀਆਂ ਦੇ ਨਾਲ, ਸੀਆਈਸੀ ਵਿਸ਼ਵਵਿਆਪੀ ਸਫਲਤਾ ਸਿੱਧ ਹੋਈ ਹੈ। ਇਸ ਦੇ ਲਈ ਪ੍ਰਾਪਤ ਪ੍ਰਤੀਕਿਰਿਆ ਨੇ ਰਚਨਾਤਮਕ ਟੈਕਨੋਲੋਜੀਆਂ ਨਾਲ ਜੁੜਨ ਅਤੇ ਮੀਡੀਆ ਦੇ ਨਵੇਂ ਰੂਪਾਂ ਨੂੰ ਵਿਕਸਿਤ ਕਰਨ ਦੇ ਮੌਕਿਆਂ ਦੀ ਵਧਦੀ ਮੰਗ ਨੂੰ ਰੇਖਾਂਕਿਤ ਕੀਤਾ ਜੋ ਨਵੀਨਤਾਕਾਰੀ ਅਤੇ ਪ੍ਰਭਾਵਸ਼ਾਲੀ ਦੋਵੇਂ ਹਨ।

ਪ੍ਰਤਿਸ਼ਠਿਤ ਪੁਰਸਕਾਰ ਆਮਿਰ ਖਾਨ, ਅਨੁਪਮ ਖੇਰ, ਮਿਥੁਨ ਚੱਕਰਵ੍ਰਤੀ, ਅਕੀਨੇਨੀ ਨਾਗਾਰਜੁਨ, ਵਿਕਰਾਂਤ ਮੈਸੀ, ਪ੍ਰਸੂਨ ਜੋਸ਼ੀ ਅਤੇ ਅਰੁਣ ਪੁਰੀ ਸਮੇਤ ਮਨੋਰੰਜਨ ਉਦਯੋਗ ਦੇ ਦਿੱਗਜਾਂ ਦੀ ਇੱਕ ਸ਼ਾਨਦਾਰ ਲੜੀ ਨੇ ਪੇਸ਼ ਕੀਤੇ ।

32 ਚੁਣੌਤੀਆਂ ਨੂੰ ਪ੍ਰਮੁੱਖ ਉਦਯੋਗਿਕ ਸੰਸਥਾਵਾਂ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ ਸੀ, ਜਿਸ ਨਾਲ ਸੀਆਈਸੀ ਨੂੰ ਸਿਰਜਣਾਤਮਕ ਥੀਮਾਂ, ਟੈਕਨੋਲੋਜੀ-ਸੰਚਾਲਿਤ ਪ੍ਰੋਜੈਕਟਾਂ ਅਤੇ ਭਵਿੱਖ ਲਈ ਤਿਆਰ ਸਮੱਗਰੀ ਦੀ ਇੱਕ ਵਿਸਤ੍ਰਿਤ ਸ਼੍ਰੇਣੀ ਨੂੰ ਇਕੱਠਾ ਕਰਕੇ ਆਪਣੀ ਪੂਰੀ ਸਮਰੱਥਾ ਤੱਕ ਪਹੁੰਚਣ ਦੀ ਮਨਜ਼ੂਰੀ ਮਿਲੀ।

ਇਸ ਪਹਿਲਕਦਮੀ ਨੇ ਅਗਲੀ ਪੀੜ੍ਹੀ ਦੇ ਰਚਨਾਕਾਰਾਂ ਲਈ ਇੱਕ ਪ੍ਰਮੁੱਖ ਮੌਕੇ ਵਜੋਂ ਕੰਮ ਕੀਤਾ ਜੋ ਵਿਸ਼ਵਵਿਆਪੀ ਮਨੋਰੰਜਨ ਅਤੇ ਟੈਕਨੋਲੋਜੀ ਈਕੋਸਿਸਟਮ ਵਿੱਚ ਭਾਰਤ ਦੀ ਸਥਿਤੀ ਨੂੰ ਮੁੜ ਪਰਿਭਾਸ਼ਿਤ ਕਰ ਰਹੇ ਹਨ। ਇਹ ਘਰੇਲੂ ਪ੍ਰਤਿਭਾ ਨੂੰ ਉਤਸ਼ਾਹਿਤ ਕਰਨ ਅਤੇ ਵੱਖ-ਵੱਖ ਮੀਡੀਆ ਫਾਰਮੈਟਾਂ ਵਿੱਚ ਨਵੀਨਤਾਕਾਰੀ ਸਮੱਗਰੀ ਨਿਰਮਾਣ ਦਾ ਪ੍ਰਦਰਸ਼ਨ ਕਰਨ ਦੇ ਮਹੱਤਵ ਲਈ ਇੱਕ ਵਸੀਅਤਨਾਮੇ ਦੇ ਰੂਪ ਵਿੱਚ ਹੈ

* * *

ਪੀਆਈਬੀ ਟੀਮ ਵੇਵਸ 2025/ਰਜਿਥ/ਲਰਸ਼ਮੀਪ੍ਰਿਆ/ਨਿਕਿਤਾ/ਦਰਸ਼ਨਾ/