વિશ્વભરના સર્જકોની કલ્પનાશક્તિને આકર્ષિત કરતી બહુપ્રતિક્ષિત ક્રિએટ ઇન ઇન્ડિયા ચેલેન્જ (CIC) સીઝન 1, WAVES 2025 ખાતે એક શાનદાર સમારોહમાં પરિણમી, જે ભારતના સર્જનાત્મક લેન્ડસ્કેપ માટે એક મહત્વપૂર્ણ સીમાચિહ્નરૂપ છે. આ સ્મારક કાર્યક્રમમાં એનિમેશન, ગેમિંગ અને ફિલ્મ નિર્માણથી લઈને AI, સંગીત અને ડિજિટલ કલા સુધી, મીડિયા અને મનોરંજન ઉદ્યોગના દરેક ક્ષેત્રમાં ફેલાયેલા 32 વિશિષ્ટ પડકારોના વિજેતાઓનું સન્માન કરવામાં આવ્યું હતુ.

કેન્દ્રીય માહિતી અને પ્રસારણ મંત્રી શ્રી અશ્વિની વૈષ્ણવે યુવા સર્જકો અને સ્વપ્નદ્રષ્ટાઓને સંબોધિત કરતા આને ઐતિહાસિક ક્ષણ ગણાવી હતી. "પ્રથમ વખત, ફક્ત સર્જનાત્મકતા માટે એવોર્ડ આપવામાં આવી રહ્યો છે. આ યાત્રા હમણાં જ શરૂ થઈ છે. આ પહેલ સાથે, તમે નવી તકોની દુનિયામાં પ્રવેશ કરી રહ્યા છો. અમે IIT ની જેમ ઇન્ડિયન ઇન્સ્ટિટ્યૂટ ઓફ ક્રિએટિવ ટેકનોલોજી પણ શરૂ કરી રહ્યા છીએ. પરંતુ સર્જનાત્મકતામાં તાલીમ આપવા માટે, નવીનતા અને અભિવ્યક્તિ માટે મજબૂત પાયો બનાવવા માટે."

માહિતી અને પ્રસારણ રાજ્યમંત્રી ડૉ. એલ. મુરુગને સહભાગીઓને અભિનંદન આપતા યુવાનોની ગતિશીલ ઉર્જા અને ટેકનોલોજીકલ કૌશલ્ય પર પ્રકાશ પાડ્યો હતો. "તમામને શુભકામનાઓ પાઠવતા, આ પ્લેટફોર્મ એનું સુંદર ઉદાહરણ છે કે યુવા મન ટેકનોલોજી સાથે સર્જનાત્મકતાને કેવી રીતે જોડી રહ્યા છે. તે નારી શક્તિની શક્તિ અને ભારતીય સામગ્રી નિર્માણના ભવિષ્યને પણ પ્રતિબિંબિત કરે છે," તેમણે ટિપ્પણી કરી હતી.

માહિતી અને પ્રસારણ મંત્રાલયના સચિવ શ્રી સંજય જાજુએ સીઆઈસીના ઉત્ક્રાંતિ પર પ્રતિબિંબ પાડ્યું હતું. "જ્યારે અમે ઓગસ્ટમાં શરૂઆત કરી, ત્યારે એમ એન્ડ ઇ સ્પેક્ટ્રમમાં 25 પડકારો હતા. સપ્ટેમ્બરમાં મન કી બાતમાં પ્રધાનમંત્રી શ્રી નરેન્દ્ર મોદીએ સીઆઈસી વિશે વાત કર્યા પછી , ભાગીદારીમાં વધારો થયો હતો. પડકારોની સંખ્યા વધીને 32 થઈ ગઈ. અમને લગભગ એક લાખ નોંધણી મળી. આજે, 750 ફાઇનલિસ્ટ અહીં છે અને તેમાંથી દરેક વિજેતા છે," શ્રી જાજુએ કહ્યું .

ક્રિએટ ઇન ઇન્ડિયા ચેલેન્જ (CIC) ઉભરતી પ્રતિભાઓને વૈશ્વિક પ્લેટફોર્મ પૂરું પાડવા અને યુવા દિમાગની જીવંત સર્જનાત્મકતા પ્રદર્શિત કરવા માટે શરૂ કરવામાં આવી હતી. પડકારો વિવિધ શ્રેણીઓમાં ફેલાયેલા હતા, જેનાથી સર્જકોને વિવિધ પ્રકારના મીડિયામાં સીમાઓનું અન્વેષણ કરવાની અને તેને આગળ વધારવાની તક મળી. એનાઇમ ચેલેન્જથી લઈને AI ફિલ્મ મેકિંગ સ્પર્ધા, XR ક્રિએટર હેકાથોન સુધી, દરેક શ્રેણીએ નવીન અભિવ્યક્તિને પ્રોત્સાહન આપ્યું, વિશ્વભરના સર્જકો, ટેક્નોલોજિસ્ટ અને વાર્તાકારોને એકસાથે લાવ્યા છે.

CICએ સ્થાનિક અને આંતરરાષ્ટ્રીય સ્તરે નોંધપાત્ર ધ્યાન ખેંચ્યું છે. 1,100 થી વધુ આંતરરાષ્ટ્રીય સહભાગીઓ સહિત 60 થી વધુ દેશોમાંથી પ્રવેશો આવવાથી, CIC વૈશ્વિક સ્તરે સફળ સાબિત થયું છે. આ પ્રતિભાવ સર્જનાત્મક તકનીકો સાથે જોડાવા અને નવીન અને પ્રભાવશાળી બંને પ્રકારના મીડિયા વિકસાવવાની તકોની સતત વધતી માંગ પર ભાર મૂકે છે.

આ પ્રતિષ્ઠિત પુરસ્કારો ઉદ્યોગના દિગ્ગજો જેમ કે આમિર ખાન, અનુપમ ખેર, મિથુન ચક્રવર્તી, અક્કીનેની નાગાર્જુન, વિક્રાંત મેસી, પ્રસૂન જોશી અને અરુન પુરી અન્ય મહાનુભાવો અને અધિકારીઓ દ્વારા રજૂ કરવામાં આવ્યા હતા.

32 પડકારો અગ્રણી ઉદ્યોગ સંસ્થાઓ સાથે સહયોગમાં હાથ ધરવામાં આવ્યા હતા. જેનાથી CIC સર્જનાત્મક શાખાઓ, ટેકનોલોજી-આધારિત પ્રોજેક્ટ્સ અને ભવિષ્ય માટે તૈયાર સામગ્રીની વિશાળ શ્રેણીને એકસાથે લાવીને તેની સંપૂર્ણ ક્ષમતા સુધી પહોંચી શક્યું હતું.

આ પહેલ વૈશ્વિક મનોરંજન અને ટેકનોલોજી ઇકોસિસ્ટમમાં ભારતનું સ્થાન ફરીથી વ્યાખ્યાયિત કરી રહેલા સર્જકોની આગામી પેઢી માટે એક લોન્ચપેડ તરીકે સેવા આપી છે. તે વિવિધ મીડિયા ફોર્મેટમાં સ્વદેશી પ્રતિભાને પ્રોત્સાહન આપવા અને નવીન સામગ્રી સર્જનની ઉજવણીના મહત્વનો પુરાવો છે.

AP/IJ/GP/JD