মুম্বাইত অনুষ্ঠিত ৱেভছ সন্মিলনত ভাৰতে প্ৰথমবাৰৰ বাবে বিশ্ব সংবাদ আলোচনা– জিএমডি আয়োজন কৰিব। বিশ্বৰ সংবাদ মাধ্যম আৰু মনোৰঞ্জনৰ পৰিৱেশৰ সৈতে দেশৰ সংযোগৰ ক্ষেত্ৰত এয়া এক উল্লেখযোগ্য মাইলৰ খুঁটি হিচাপে প্ৰমাণিত হ’ব। তথ্য আৰু সম্প্ৰচাৰ মন্ত্ৰালয় আৰু বৈদেশিক পৰিক্ৰমা মন্ত্ৰালয়ৰ সহযোগত এই আলোচনাৰ আয়োজন কৰা হৈছে।

অনুষ্ঠানত ৬০ খনতকৈও অধিক দেশে অংশগ্ৰহণ কৰাৰ সম্ভাৱনা আছে। ইয়াত এছিয়া, ইউৰোপ, আফ্ৰিকা আৰু আমেৰিকাৰ প্ৰতিনিধি দল অন্তৰ্ভুক্ত হ’ব। ৰাছিয়া, জাপান, ব্ৰিটেইন, ইজিপ্ত, চৌদি আৰব আৰু আন কেইবাখনো দেশক মন্ত্ৰী আৰু জ্যেষ্ঠ চৰকাৰী বিষযাই প্ৰতিনিধিত্ব কৰা হ’ব। এই আলোচনাৰ লক্ষ্য হৈছে আন্তঃৰাষ্ট্ৰীয় সহযোগিতাক উৎসাহিত কৰা, উত্তম পদ্ধতিসমূহক প্ৰসাৰ কৰা, আৰু বিশ্ব সংবাদ মাধ্যম খণ্ডত নীতি সংহতি, প্ৰতিভা বিনিময় আৰু সামৰ্থ্য বিকাশৰ পথ অন্বেষণ কৰা।

আলোচনাৰ শেষত অংশগ্ৰহণকাৰী দেশসমূহে সংবাদ মাধ্যম আৰু মনোৰঞ্জন খণ্ডত আন্তঃৰাষ্ট্ৰীয় সহযোগিতাৰ গুৰুত্ব পুনৰ দৃঢ় কৰাৰ লগতে ভৱিষ্যতৰ সংযোগ আৰু অংশীদাৰিত্বৰ আধাৰ স্থাপন কৰিবলৈ ‘ৱেভছ ঘোষণাপত্ৰ’ জাৰি কৰাৰ আশা কৰা হৈছে। সংবাদ মাধ্যমৰ পৰিস্থিতিতন্ত্ৰ আৰু দ্ৰুতগতিত বৃদ্ধি পোৱা মনোৰঞ্জন উদ্যোগৰ সৈতে ভাৰত এনে আলোচনাৰ আয়োজন কৰিবলৈ সুস্থিৰ অৱস্থাত আছে। বিশ্বক গঢ় দিয়াত সংবাদ মাধ্যমৰ ভূমিকা সম্পৰ্কে বৈশ্বিক আলোচনাৰ মুল বিষয়ত ভাৰতক স্থান দিয়াত জিএমডিয়ে গুৰুত্বপূৰ্ণ ভূমিকা পালন কৰিব।

বিশ্ব সংবাদ আলোচনাই বিশ্বৰ বিভিন্ন প্ৰান্তৰ মূল অংশীদাৰসকলক একত্ৰিত কৰি সমাজ, অৰ্থনীতি আৰু আন্তঃৰাষ্ট্ৰীয় সহযোগিতা গঢ় দিয়াত সংবাদ মাধ্যম আৰু মনোৰঞ্জনৰ উদীয়মান ভূমিকা সম্পৰ্কে আলোচনা কৰিব। এই আলোচনাই সংবাদ মাধ্যম আৰু মনোৰঞ্জন খণ্ডৰ সম্ভাৱনাপূৰ্ণ পৰিৱেশৰ ওপৰত আলোচনাৰ মঞ্চ প্ৰদান কৰিব। দ্ৰুত প্ৰযুক্তিগত পৰিৱৰ্তন, বিকশিত বিষয়বস্তুৰ ধাৰা আৰু বৰ্ধিত বৈশ্বিক আন্তঃসংযোগৰ সৈতে এই আলোচনাৰ লক্ষ্য হৈছে সমাজ গঢ় দিয়া, উদ্ভাৱনক লালন-পালন কৰা আৰু আন্তঃৰাষ্ট্ৰীয় সহযোগিতাৰ প্ৰসাৰত সংবাদ মাধ্যমৰ ভূমিকা সম্পৰ্কে ধাৰণা, অভিজ্ঞতা আৰু দৃষ্টিভংগীৰ আদান-প্ৰদানক উৎসাহিত কৰা।

ৱেভছৰ সময়ত ভাৰতে ব্ৰিটেইন, ৰাছিয়া, ইণ্ডোনেছিয়া, কেনিয়া, ভূটান আৰু ইজিপ্তকে ধৰি ১০খনতকৈও অধিক দেশৰ লগতে বিশ্ব বৌদ্ধিক সম্পত্তি সংস্থা (WIPO)ৰ দৰে আন্তঃৰাষ্ট্ৰীয় সংস্থাৰ সৈতেও দ্বিপাক্ষিক বৈঠক অনুষ্ঠিত কৰিব। এইবোৰে বিশ্ব সহযোগিতা শক্তিশালী কৰাৰ লগতে পাৰস্পৰিক স্বাৰ্থৰ মূল ক্ষেত্ৰসমূহত অংশীদাৰিত্ব প্ৰসাৰিত কৰাৰ বাবে ভাৰতৰ দায়বদ্ধতাক প্ৰতিফলিত কৰে।

অনুষ্ঠানত বৈদেশিক পৰিক্ৰমা মন্ত্ৰী ড^০ এছ জয়শংকৰ, ৰে’লৱে, তথ্য আৰু সম্প্ৰচাৰ আৰু ইলেক্ট্ৰনিকছ আৰু তথ্য প্ৰযুক্তি মন্ত্ৰী অশ্বিনী বৈষ্ণৱ আৰু তথ্য আৰু সম্প্ৰচাৰ আৰু সংসদীয় পৰিক্ৰমা বিভাগৰ ৰাজ্যিক মন্ত্ৰী ড^০ এল মুৰুগানে অংশগ্ৰহণ কৰিব। গণ্যমান্য ব্যক্তিসকলৰ উপস্থিতিয়ে ভাৰতৰ শক্তিশালী, সৰ্বাংগীন আৰু আগন্তুক বিশ্ব সংবাদ মাধ্যমৰ পৰিৱেশৰ প্ৰসাৰৰ প্ৰতি থকা দায়বদ্ধতাক আলোকপাত কৰিব।

* * *

PIB TEAM WAVES 2025 | Rajith/ AthiraThampi/ Darshana | 128/DB