মহিলা আৰু শিশু উন্নয়ন মন্ত্ৰালয়
মহিলা আৰু শিশু কল্যাণ মন্ত্ৰালয়ে ২০২৫ চনৰ ১ এপ্ৰিলৰ পৰা প্ৰধানমন্ত্ৰী ৰাষ্ট্ৰীয় বাল পুৰস্কাৰৰ বাবে আবেদন আহ্বান কৰিছে
আবেদন দাখিলৰ অন্তিম তাৰিখ ২০২৫ চনৰ ৩১ জুলাই
Posted On:
27 MAR 2025 4:53PM by PIB Guwahati
মহিলা আৰু শিশু কল্যাণ মন্ত্ৰালয়ে ১ এপ্ৰিলৰ পৰা ৰাষ্ট্ৰীয় বঁটা পৰ্টেল (https://awards.gov.in)ৰ জৰিয়তে প্ৰধানমন্ত্ৰী ৰাষ্ট্ৰীয় বাল পুৰস্কাৰৰ বাবে আবেদন আহ্বান কৰিছে। মন্ত্ৰালয়ে প্ৰতি বছৰে সাহসিকতা, ক্ৰীড়া, সমাজ সেৱা, বিজ্ঞান আৰু প্ৰযুক্তি, পৰিবেশ তথা কলা-সংস্কৃতিৰ ক্ষেত্ৰত প্ৰদৰ্শন কৰা বিশেষ কৃতিত্বৰ বাবে ব্যতিক্ৰমী শিশুসকলক (বয়স ৫-১৮) সন্মানিত কৰিবলৈ প্ৰধানমন্ত্ৰী ৰাষ্ট্ৰীয় বাল পুৰস্কাৰ প্ৰদান কৰে।
ভাৰতত বাস কৰা ২০২৫ চনৰ ৩১ জুলাইলৈ ৫ৰ পৰা ১৮ বছৰ বয়সৰ ভিতৰৰ যিকোনো ভাৰতীয় শিশু নাগৰিক এই বঁটাৰ বাবে যোগ্য। বঁটাৰ বাবে স্ব-মনোনয়ন তথা পৰামৰ্শ দুয়োটাই বিবেচনা কৰা হ'ব। অনলাইন আবেদন গ্ৰহণৰ অন্তিম তাৰিখ ২০২৫ চনৰ ৩১ জুলাই। অধিক বিৱৰণৰ বাবে অনুগ্ৰহ কৰি (https://awards.gov.in) চাওক।
প্ৰতি বছৰে মন্ত্ৰালয়ে সাহসিকতা, ক্ৰীড়া, সমাজ সেৱা, বিজ্ঞান আৰু প্ৰযুক্তি, পৰিবেশ তথা কলা-সংস্কৃতিৰ ক্ষেত্ৰত প্ৰদৰ্শন কৰা বিশেষ কৃতিত্বৰ বাবে ৫ৰ পৰা ১৮ বছৰ বয়সৰ ভিতৰৰ ব্যতিক্ৰমী শিশুসকলক সন্মানিত কৰিবলৈ প্ৰধানমন্ত্ৰী ৰাষ্ট্ৰীয় বাল পুৰস্কাৰ প্ৰদান কৰে।
****
SS/MS/DD
(Release ID: 2126070)