امور داخلہ اور باہمی تعاون  کےمرکزی  وزیر جناب امت شاہ نے سال 26-2025کے لیے گنے کی ایف آر پی 355 روپے فی کوئنٹل مقرر کرنے اور میگھالیہ کے ماولینگکھنگ سے آسام کے پنچگرام تک 4 لین والی گرین فیلڈ نیشنل ہائی وے کو منظور کرنے کے کابینہ کے فیصلے کے لیے وزیر اعظم جناب نریندر مودی کا شکریہ ادا کیا ہے۔

امور داخلہ اور باہمی تعاون  کےمرکزی  وزیر نے ایکس پلیٹ فارم پراپنی  ایک پوسٹ میں کہا، کہ گنا کسانوں کو مودی حکومت کا تحفہ، اس فیصلے سے گنے کے تقریباً 5 کروڑ کسانوں اور ان کے خاندانوں کے ساتھ ساتھ شوگر ملوں میں کام کرنے والے تقریباً 5 لاکھ کارکنوں کو فائدہ پہنچے گا۔

جناب امت شاہ نے کہا کہ گنے کے کاشتکاروں کی خوشحالی اور ان کی آمدنی میں اضافہ کے لیے پرعزم مودی جی کا یہ فیصلہ کسانوں کی زندگی کو مزید بہتر اور آسان بنائے گا۔

ایک اور پوسٹ میں، مرکزی وزیر داخلہ اور تعاون کے وزیر نے کہا کہ شمال مشرق کی ترقی ہمیشہ مودی حکومت کی اولین ترجیح رہی ہے۔ انہوں نے شمال مشرق کے ہماری بہنوں اور بھائیوں کو میگھالیہ کے ماولینگ کھنگ سے آسام کے پنچگرام تک 4 لین والی گرین فیلڈ نیشنل ہائی وے کی منظوری پر مبارکباد دی۔ جناب شاہ نے کہا کہ یہ فیصلہ نقل و حمل کو محفوظ اور ہموار بنا کر بھارت کی اشتلکشمی کے لیے ترقی کی ایک نئی تیز راہ کھولے گا۔ انہوں نے کھیل کو بدلنے والے اس فیصلے کے لیے وزیر اعظم جناب نریندر مودی جی کا شکریہ ادا کیا۔

*****

U.No:410

ش ح۔ح ن۔س ا