ورلڈ آڈیو ویژول اینڈ انٹرٹینمنٹ سمٹ (ویوز) کے تحت فلیگ شپ پہل کے طور پر شروع کیا گیا کریئیٹ ان انڈیا چیلنج (سی آئی سی) سیزن 1 کل سے ممبئی کے جیو ورلڈ سینٹر میں ایک شاندار اختتام کی تیاری کر رہا ہے۔ قابل ذکر ہے کہ سی آئی سی سیزن 1 نے ایک لاکھ رجسٹریشن کو عبور کرتے ہوئے ایک اہم سنگ میل عبور کیا ہے ، جس میں اب کل تعداد 1،01،349 ہوگئی ہے۔ اس پہل میں 60 سے زائد ممالک کے شرکا نے شرکت کی ہے اور اس کی عالمی اپیل اور رسائی کو اجاگر کیا ہے۔ ٹیلنٹ کے اس غیر معمولی پول سے 750 فائنلسٹوں کو اپنی تخلیقی صلاحیتوں اور نتائج کو کریٹو اسفیئر میں ظاہر کرنے کا موقع ملے گا - ایک خصوصی طور پر تیار کردہ پلیٹ فارم جس میں اینی میشن ، کامکس ، مصنوعی ذہانت ، ایکس آر ، گیمنگ ، میوزک ، اور بہت کچھ شامل ہے ۔

کریٹواسفیئر کیا ہے؟

کریٹواسفیئر جدت طرازی اور ہنرمندی کی ایک شاندار کائنات ہے ، جو خیالات کو تجربات میں تبدیل کرنے کے لیے تیار کی گئی ہے۔ ایک ایسی جگہ جہاں تخلیق کار مرکزی حیثیت حاصل کرتے ہیں ، یہ میڈیا اور تفریحی شعبوں کے وسیع دائرے میں تخیل ، تجربات اور فنکارانہ مہارت کے جذبے کا جشن مناتا ہے - ورچوئل رئیلٹی سے لے کر فلموں تک ، وی ایف ایکس سے کامکس تک ، اینی میشن سے گیمنگ تک ، اور موسیقی سے براڈکاسٹنگ اور ڈیجیٹل میڈیا تک۔ یہاں دنیا بھر کے سرکردہ تخلیقی ذہن یعنی ’کریئیٹ ان انڈیا چیلنج‘ کے فائنلسٹ مکالمے ، جدت طرازی کو فروغ دینے، شراکت داری قائم کرنے اور عالمی سامعین کے ساتھ بھارت کی تخلیقی توانائی کو جوڑتے ہوئے اپنے کام کا مظاہرہ کرنے کے لیے یکجا ہوئے ہیں۔

وزیر اعظم جناب نریندر مودی کا وژن اور مشن ’کریئیٹ ان انڈیا، ’کریئیٹ  فار دی ورلڈ ‘‘ کریئیٹ ان انڈیا چیلنج‘ کے قلب میں واقع ہے اور اس کا نصب العین ’تخلیق کاروں کو جوڑنا، ممالک کو جوڑنا‘ میں بیان کیا گیا ہے۔ یہ پہل، ویوز کا ایک اہم جزو ہے، بھارت کے تخلیقی عزائم کے ایک طاقتور اظہار کے طور پر ابھرا ہے، جو عالمی میڈیا اور تفریحی صنعت میں ملک کی ابھرتی ہوئی قیادت کی توثیق کرتا ہے اور اس شعبے کے مستقبل کو تشکیل دیتا ہے۔ یہ واقعی وسودھیو کٹمبکم کی روح کا غماز ہے – ایک قدیم بھارتی فلسفہ جو دنیا کو ایک خاندان کے طور پر دیکھتا ہے۔

کریئٹ ان انڈیا چیلنج سیزن 1 کا پیمانہ اور اثر بے مثال ہے ، جس نے اس پہل کو ایک عالمی تخلیقی تحریک میں تبدیل کردیا ہے۔ 1,100 سے زیادہ بین الاقوامی اندراجات کے ساتھ، یہ چیلنجز اپنے پہلے ہی سیزن میں حقیقی طور پر عالمی بن گئے ہیں۔ اعلیٰ درجے کی جیوری نے اپنی گہری بصیرت اور مضبوط انتخاب کے معیار کے ساتھ کریٹواسفیئر میں اپنی مہارت کا مظاہرہ کرنے کے لیے تمام چیلنجوں میں بہترین فائنلسٹوں کو شارٹ لسٹ کیا ہے – جن میں بھارت کی تمام 28 ریاستوں اور 8 مرکز کے زیر انتظام علاقوں کے ساتھ ساتھ 20 سے زیادہ ممالک کے شرکا بھی شامل ہیں۔ یہ کامیابیاں کریئٹ ان انڈیا چیلنج اور کریٹواسفیئر کے تنوع، عمدگی اور عالمی پذیرائی کی نشاندہی کرتی ہیں۔

ان چار دنوں میں، مندوبین، تخلیق کار اور شرکا تخلیقی صلاحیتوں، سیکھنے اور تنوع میں اتحاد کے ایک متحرک سنگم کا تجربہ کریں گے۔ خصوصی طور پر تیار کردہ ماسٹر کلاسز، پینل مباحثوں، ورکشاپس، پریزنٹیشنز اور شوکیس کے ذریعے کریٹو اسفیئر پیشہ ورانہ ترتیب میں بامعنی مکالمے اور آگے بڑھنے والے خیالات کو فروغ دے گا۔ یہ اے وی جی سی-ایکس آر ، براڈکاسٹنگ ، فلموں ، موسیقی ، ڈیجیٹل اور سوشل میڈیا جیسے شعبوں کو یکجا کرے گا۔ ورچوئل لوک، وی ایف ایکس والٹ، فلم فیسٹا، اینیمیشن گلی، کامک کونا، میوزک مینیا، اے آئی آر ویوز، ڈیجیٹل ڈومین اور گیم آن جیسے نو خصوصی زون ان چیلنجز کے نمایاں نتائج پیش کریں گے۔

کل کے نوجوان تخلیق کاروں کے لیے ایک پلیٹ فارم فراہم کرنے کے لیے کریٹو اسفیئر میں عظیم الشان ’تخلیق کار ایوارڈز‘ کی تقریب بھی منعقد کی جائے گی، جو ایک ریڈ کارپٹ تقریب ہے جس میں کریئیٹ ان انڈیا چیلنجز کے فاتحین کو باوقار ’ویوز کریئیٹ ایوارڈز‘ سے نوازا جائے گا۔ اس تقریب میں ایم اینڈ ای شعبے سے تعلق رکھنے والے معروف فنکاروں، مشہور شخصیات اور صنعت کے رہنماؤں کی موجودگی میں تخلیقی چیمپیئنز کو اعلیٰ اعزازات سے نوازا جائے گا۔ میوزیکل چیلنجز کے فاتحین اپنی سب سے دلکش تخلیقات سے سامعین کو محظوظ کریں گے۔ اس طرح کریٹو اسفیئر جدت طرازی کے مرکز اور ثقافتی کارنیوال دونوں کے طور پر کام کرتا ہے ، جو بھارت کی تخلیقی صلاحیتوں کے کثیر جہتی پہلوؤں کا جشن مناتا ہے۔

***

(ش ح – ع ا)

U. No. 407