تعارف

 

 

نیشنل سپر کمپیوٹنگ مشن (این ایس ایم) حکومت ہند کی طرف سے ملک کو اعلی کارکردگی والی کمپیوٹنگ (ایچ پی سی) صلاحیتوں کے ساتھ بااختیار بنانے کے لیے ایک اہم پہل ہے ۔2015 ء میں شروع کیے گئے اس مشن کا مقصد  ،سپر کمپیوٹنگ ،  تحقیق اور ترقی (آر اینڈ ڈی) میں  فروغ ، ہندوستان کی تکنیکی صلاحیت کو بڑھانا اور تعلیمی اداروں ، صنعت اور سرکاری شعبوں میں سائنسی ترقی کی حمایت کرنا ہے ۔

اس مشن میں مختلف صلاحیتوں کے سپر کمپیوٹرز لگا کر ملک بھر میں پھیلے ہمارے قومی تعلیمی اور تحقیق و ترقی کے اداروں کو بااختیار بنانے کا تصور کیا گیا ہے۔ ان سپر کمپیوٹرز تک رسائی نیشنل نالج نیٹ ورک (این کے این) کے ذریعے فراہم کی جاتی ہے ۔این کے این حکومت کا ایک اور پروگرام ہے ، جو تعلیمی اداروں اور آر اینڈ ڈی لیبز کو تیز رفتار نیٹ ورک سے جوڑتا ہے ۔

تعلیمی اور تحقیق و ترقی کے اداروں کے ساتھ ساتھ کلیدی صارف محکمے/وزارتیں ان سہولیات کا استعمال کرکے حصہ لیں گی اور قومی اہمیت کے حامل ایپلی کیشنز تیار کریں گی ۔مشن میں ان ایپلی کیشنز کی ترقی کے چیلنجوں کا مقابلہ کرنے کے لیے انتہائی پیشہ ورانہ ہائی پرفارمنس کمپیوٹنگ (ایچ پی سی) سے آگاہ انسانی وسائل کی ترقی بھی شامل ہے ۔کالج کے طلباء اور محققین کے ساتھ سپر کمپیوٹنگ کے بارے میں بیداری اور واقفیت کو بڑھانے کے لیے اس شعبے میں ایچ آر ڈی کی سرگرمیوں کو پونے ، کھڑگ پور ، چنئی ، پلکڑ اور گوا میں پانچ تربیتی مراکز کے ذریعے چلایا جاتا ہے ۔

موجودہ صورتحال اور کامیابیاں

این ایس ایم کے تحت ، مارچ ، 2025 ء تک ، 35 پیٹا فلاپس کی مشترکہ کمپیوٹ صلاحیت کے ساتھ کل 34 سپر کمپیوٹرز کو مختلف تعلیمی اداروں ، تحقیقی تنظیموں  اور آر اینڈ ڈی لیبز میں تعینات کیا گیا ہے ، جن میں آئی آئی ایس سی ، آئی آئی ٹیز ، سی-ڈی اے سی  اور این ایس ایم کے تحت  ملک کے ٹیئر 2 اور ٹیئر 3 شہروں سے دیگر ادارے جیسے ممتاز ادارے شامل ہیں ۔این ایس ایم کے تحت کمیشن کردہ سپر کمپیوٹنگ سسٹم نے مجموعی طور پر 85 فی صد  سے زیادہ کے استعمال کی شرح حاصل کی ہے ، جس میں بہت سے سسٹم 95 فی صد سے زیادہ ہیں ، جو ان کی کمپیوٹیشنل صلاحیت میں اعلی سطح کے استعمال اور کارکردگی کا مظاہرہ کرتے ہیں ۔

تحقیق اور ترقی (آر اینڈ ڈی) کے شعبے میں ان سپر کمپیوٹنگ نظاموں کا تعاون انتہائی موثر رہا ہے ، جس سے 10000 سے زیادہ محققین کو سہولت ملی ہے ، جن میں ملک بھر کے 200 سے زیادہ تعلیمی اداروں اور آر اینڈ ڈی لیبز کے 1700 سے زیادہ پی ایچ ڈی اسکالرز شامل ہیں ۔ان سپر کمپیوٹنگ سسٹمز نے ڈرگ ڈسکوری ، ڈیزاسٹر مینجمنٹ ، انرجی سکیورٹی ، کلائمیٹ ماڈلنگ ، ایسٹرونومیکل ریسرچ ، کمپیوٹیشنل کیمسٹری ، فلوڈ ڈائنامکس اور میٹریل ریسرچ جیسے اہم ڈومینز میں تحقیق کی حمایت کی ہے ۔این ایس ایم نے درجے دوم اور درجے سوم کے شہروں کے محققین کے لیے جدید ترین سپر کمپیوٹنگ سہولیات تک رسائی فراہم کرکے تحقیق کرنے کے مواقع پیدا کیے ہیں ۔ان محققین نے ایک  کروڑ سے زیادہ کمپیوٹ کام مکمل کیے ہیں اور سرکردہ قومی اور بین الاقوامی جرائد میں 1500 سے زیادہ مقالے شائع کیے ہیں ۔ اس کے علاوہ ، 22000 سے زیادہ افراد کو ایچ پی سی اور اے آئی مہارتوں کی تربیت دی گئی ہے۔ اسٹارٹ اپس اور ایم ایس ایم ای اپنے ایچ پی سی پر مبنی پروجیکٹوں کو آگے بڑھانے کے لیے ان سپر کمپیوٹنگ وسائل سے فائدہ اٹھا رہے ہیں ۔

 

 

متوازی طور پر ، این ایس ایم کے تحت ، سی-ڈی اے سی نے ہندوستان کی سپر کمپیوٹنگ صلاحیتوں کو مضبوط کرتے ہوئے کمپیوٹنگ نوڈس کے درمیان ڈاٹا کی منتقلی اور مواصلات کو بڑھانے کے لیے مقامی تیز رفتار مواصلاتی نیٹ ورک ، ‘‘ تری نیترا ’’ تیار کیا ہے ۔تری نیترا کو تین مراحل میں نافذ کیا جا رہا ہے: اہم تصورات کی توثیق کرنے کے لیے ایک پروف آف کانسیپٹ سسٹم تری نیترا-پی او سی ؛ سی-ڈی اے سی پونے میں ایک پی ایف پرم رودر میں کامیابی کے ساتھ تعینات اور ٹیسٹ کیے گئے جدید کنکشن کے ساتھ ایک نیٹ ورک تری نیترا-اے (100 گیگابائٹس فی سیکنڈ) ؛ اور بہتر صلاحیتوں کے ساتھ ایک اپ گریڈ ورژن تری نیترا-بی (200 گیگابائٹس فی سیکنڈ) ، جسے سی-ڈی اے سی بنگلور میں آئندہ 20 پی ایف پرم رودر سپر کمپیوٹر میں تعینات کیا جائے گا ۔

2024  ء میں  ، وزیر اعظم نے تین پرم رودر  سپر کمپیوٹرز کو نوجوان محققین ، سائنسدانوں اور ملک کے انجینئروں کے لیے وقف کیا  ، جو طبیعیات ، ارضیاتی علوم اور کاسمولوجی میں اعلی درجے کی تعلیم میں سہولت فراہم کرتے ہیں ۔ان سپر کمپیوٹرز کو پونے ، دلّی اور کولکاتہ میں تعینات کیا گیا ہے تاکہ اہم سائنسی تحقیق کو آسان بنایا جا سکے ۔پرم رودر  سپر کمپیوٹرز کو مقامی طور پر ڈیزائن اور تیار کردہ ایچ پی سی سرورز کا استعمال کرتے ہوئے مقامی طور پر تیار کردہ سسٹم سافٹ ویئر  اسٹیک  کے ساتھ  بنایا گیا ہے ، جسے ‘‘رودرا ’’ کے نام سے جانا جاتا ہے  ۔  ‘‘ رودرا ’’ سرور ہندوستان میں اپنی نوعیت کا پہلا سرور ہے ، جو عالمی سطح پر دستیاب دیگر ایچ پی سی کلاس سرورز کے برابر ہے ۔

حکومت نے اے آئی تحقیق اور علم کے امتزاج کے لیے ایک مشترکہ کمپیوٹ پلیٹ فارم فراہم کرنے کے لیے ایک پروجیکٹ ایراوت  شروع کیا ہے۔ یہ اے آئی کمپیوٹنگ بنیادی ڈھانچہ این کے این کے تحت تمام ٹکنالوجی اختراعی ہبز، ریسرچ لیبز، سائنسی برادری، صنعت، اسٹارٹ اپس اور ادارے استعمال کریں گے۔ایراوت کے لیے پروف آف کانسیپٹ (پی او سی) کو 200 پیٹافلوپس مکسڈ پریسجن اے آئی مشین کے ساتھ تیار کیا جائے گا جو اے آئی پیٹافلوپس 790 کی زیادہ سے زیادہ کمپیوٹ تک قابل توسیع ہوگی۔ ایراوت نے انٹرنیشنل سپر کمپیوٹنگ کانفرنس (آئی ایس سی2023) میں اعلان کردہ سرفہرست 500 گلوبل سپر کمپیوٹنگ فہرست میں 75 واں مقام حاصل کیا ہے، جرمنی نے ہندوستان کو دنیا بھر میں اے آئی سپر کمپیوٹنگ ممالک میں سرفہرست رکھا ہے۔

2022 میں، انڈین انسٹی ٹیوٹ آف سائنس (آئی آئی ایس سی) ، بنگلورو نے پرم پرویگا کو انسٹال کیا ہے، جو ہندوستان کے سب سے باصلاحیت سپر کمپیوٹرز میں سے ایک ہے۔ پرم پرویگا 3.3 پیٹا فلاپ کی سپر کمپیوٹنگ کی صلاحیت کا حامل ہے، یہ سب سے بڑا سپر کمپیوٹر ہے جسے ہندوستانی تعلیمی ادارے میں نصب کیا گیا ہے۔

2019 میں، وزیر اعظم نے انڈین انسٹی ٹیوٹ آف ٹیکنالوجی، بی ایچ یو، وارانسی میں قومی سپر کمپیوٹنگ مشن کے پہلے مقامی طور پر تیار کردہ سپر کمپیوٹر ‘پرم شیوائے’  کا افتتاح کیا۔

2024-25 میں، مقامی طور پر تیار کردہ سرور اور ٹیکنالوجیز کا استعمال کرتے ہوئے کمپیوٹنگ انفراسٹرکچر کی تخلیق کے اضافی  45 ~پی ایف کا تصور کیا گیا ہے۔

این  ایس ایم انفراسٹرکچر

نیشنل سپر کمپیوٹنگ مشن کا مقصد سپر کمپیوٹنگ میں خود انحصاری حاصل کرنے کے اہداف کو حاصل کرنا، سائنسی اور تکنیکی کوششوں کے مختلف ڈومینز میں تحقیق وترقی اور مسائل کو حل کرنے کے لیے سپر کمپیوٹنگ کے استعمال کے کلچر کی تشکیل اور مختلف سماجی ایپلی کیشنز کے لیے حل تیار کرنااور ملکی سطح پر ایک کمپیوٹنگ نظام کو ایک عالمی مسابقتی سطح پر مرتب کرنا ہے۔ اس مشن کے تحت بنیادی ڈھانچے کے حصے کے طور پر بنائے گئے نظام اور سہولیات کو 3مراحل میں تقسیم کیا گیا ہے: فیز I، فیز II، اور فیز III۔

مرحلہ 1: اس مرحلے نے مختلف اداروں میں 6 سپر کمپیوٹرز کو نصب کر کے ایک بنیادی سپر کمپیوٹنگ انفراسٹرکچر بنانے پر توجہ مرکوز کی، جس کے اجزاء کا ایک اہم حصہ مقامی طور پر یکجاں کیا جا رہا ہے۔ اس کا مقصد ملک کے اندر نظام کے اجزاء کو یکجاں کرنے کے لیے ایک ماحولیاتی نظام بنانا تھا۔

مرحلہ 2: فیز 1 پر مبنی، اس مرحلے کا مقصد مقامی سافٹ ویئر اسٹیک تیار کرنے سمیت سپر کمپیوٹرز کی مقامی تیاری کی طرف بڑھنا ہے۔ اس مرحلے میں ہندوستان سے ویلیو ایڈیشن میں 40فیصد تک اضافہ دیکھا گیا۔

مرحلہ3: یہ مرحلہ بشمول ہندوستان کے اندر کلیدی اجزاء کے ڈیزائن، ترقی اور مینوفیکچرنگ مکمل طور پر ملک میں تیار کی گئی ٹکنالوجی پر توجہ مرکوز کرتاہے، اس منصوبے میں مختلف تعلیمی اور تحقیقی اداروں میں سپر کمپیوٹرز کی تنصیب کے ساتھ ساتھ اعلیٰ کارکردگی والے کمپیوٹنگ کی صلاحیت کے ساتھ ایک قومی سہولت کا قیام بھی شامل ہے۔

اس مشن کو سائنس اور ٹیکنالوجی کے محکمے (ڈی ایس ٹی) اور الیکٹرانکس اور اطلاعاتی ٹیکنالوجی کی وزارت (ایم ای آئی ٹی وائی) کے ذریعے مشترکہ طور پر چلایا جا رہا ہے اور اسے سنٹر فار ڈیولپمنٹ آف ایڈوانسڈ کمپیوٹنگ (سی- ڈی اے سی )، پونے اور انڈین انسٹی ٹیوٹ آف سائنس(آئی آئی ایس سی) ، بنگلور کے ذریعے نافذ کیا جا رہا ہے۔ مشن پر عمل درآمد ملک میں بڑے سائنسی اور ٹیکنالوجی کمیونٹی کو  سپر کمپیوٹنگ کی رسائی فراہم کرےگا اور ملک کو کثیر الشعبہ عظیم چیلنج کے مسائل کو حل کرنے کی صلاحیت کا حامل بنائےگا۔

این ایس ایم نے 20 پیٹا فلاپ سسٹم سمیت زیادہ کمپیوٹ پاور والے آئی آئی ٹیز سمیت اداروں کو منتخب کرنے کے لیے سپر کمپیوٹرز کی تعداد کو بڑھانے کا منصوبہ بنایا ہے۔ تحقیق اور دیگر متعلقہ شعبوں کے لیے سپر کمپیوٹنگ کی سہولت تیار کرنے اور فراہم کرنے کے لیے 1874 کروڑ روپے کی رقم مختص کی گئی ہے۔ اس میں بنیادی ڈھانچے کی تشکیل، لاگو علاقوں میں تحقیق و ترقی شروع کرنے، ایپلی کیشنز، ایچ آر ڈی اور مشن کے انتظام کے لیے فنڈز شامل ہیں۔

انڈیا سیمی کنڈکٹر مشن(آئی ایس ایم) کے ذریعے این ایس ایم کو مضبوط بنانا

انڈیا سیمی کنڈکٹر مشن (آئی ایس ایم)  نیشنل سپر کمپیوٹنگ مشن (آئی ایس ایم)  کو بڑ ے پیمانے پر فروغ دینے کے لیے تیار ہے۔ سپر کمپیوٹرز کو انتہائی  با صلاحیت پرزوں کی ضرورت ہوتی ہے جیسے پروسیسر، میموری چپس، اور خصوصی ایکسلریٹر - یہ سبھی جدید سیمی کنڈکٹر ٹیکنالوجی کا استعمال کرتے ہوئے بنائے گئے ہیں۔ اب تک ہندوستان کو ان پرزوں کے لیے درآمدات پر بہت زیادہ انحصار کرنا پڑتا تھا۔

آئی ایس ایم کے ساتھ، ہندوستان ان ہائی ٹیک  پرزوں کو ملک میں ہی بنانے پر توجہ مرکوز کر رہا ہے۔ یہ سپر کمپیوٹرز کو تیز تر، زیادہ توانائی کی بچت اور بہت زیادہ کم قیمت  بنائے گا۔ اس سے ہندوستان ایسے سپر کمپیوٹر بناسکے گا جو ہماری اپنی سائنسی اور صنعتی ضروریات کے مطابق  ہوں۔ ملک کے اندر ان ٹکنالوجیوں کو تیار کرنے سے، آئی ایس ایم این ایس ایم کو ہندوستان کو خود انحصار اور سپر کمپیوٹنگ میں عالمی رہنما بنانے کے اپنے خواب کے قریب جانے میں مدد کرے گا۔

نتیجہ

نیشنل سپر کمپیوٹنگ مشن ایک تبدیلی کی پہل ہے جو عالمی سپر کمپیوٹنگ میں ہندوستان کی پوزیشن کو مضبوط بناتا ہے۔ مقامی ترقی، تحقیق اور اختراع کو فروغ دے کر،این ایس ایم اہم شعبوں  میں تعاون  دیتا ہے اور ملک کو مستقبل کے تکنیکی چیلنجوں کے لیے تیار کرتا ہے۔ مسلسل سرمایہ کاری اور اسٹریٹجک تعیناتی کے ساتھ، ہندوستان اعلی ٰ کارکردگی کے حامل کمپیوٹنگ نظام  میں عالمی رہنما بننے کے لیے تیار ہے۔

حوالہ جات

https://nsmindia.in/

https://ism.gov.in/

https://pib.gov.in/PressReleasePage.aspx?PRID=1666447

https://pib.gov.in/PressReleasePage.aspx?PRID=2081061

https://pib.gov.in/PressReleasePage.aspx?PRID=1800356

https://dst.gov.in/pm-launches-country-1st-indigenously-build-supercomputer

https://pib.gov.in/PressReleseDetailm.aspx?PRID=2087506

https://pib.gov.in/PressReleasePage.aspx?PRID=2088268

https://sansad.in/getFile/loksabhaquestions/annex/184/AU2084_k8K63G.pdf?source=pqals

https://sansad.in/getFile/annex/267/AU3905_rZLY5P.pdf?source=pqars

نیشنل سپر کمپیوٹنگ مشن

 

.................. . ............................................. . ......................

( ش ح ۔ ا ک ۔ ع ا )

U. No. 323

 

(Release ID: 2124943) Visitor Counter : 17