তথ্য আৰু সম্প্ৰচাৰ মন্ত্ৰালয়ৰ অধীনস্থ মিনি ৰত্ন ৰাজহুৱা খণ্ডৰ উদ্যোগ ব্ৰডকাষ্ট ইঞ্জিনিয়াৰিং কনচালটেণ্টছ ইণ্ডিয়া লিমিটেড (বিচিএল)ক ইণ্ডিয়া: এ বাৰ্ড’ছ আই ভিউ চেলেঞ্জৰ আয়োজন আৰু পৰিচালনাৰ দায়িত্ব অৰ্পণ কৰা হৈছিল।

এই প্ৰত্যাহ্বানত অংশগ্ৰহণকাৰীসকলক বাধ্যতামূলক ড্ৰ’ন চিনেমেট’গ্ৰাফীৰ জৰিয়তে ভাৰতৰ সৌন্দৰ্য্য, বৈচিত্ৰ্যময় প্ৰাকৃতিক দৃশ্য, ঐতিহ্য, সংস্কৃতি, উদ্ভাৱন, প্ৰগতি আৰু ৰূপান্তৰক উজ্জ্বল কৰি তোলা ২–৩ মিনিটৰ আকাশৰ পৰা তোলা  ভিডিঅ’ জমা দিবলৈ আমন্ত্ৰণ জনোৱা হৈছিল। অন্তৰ্ভুক্ত অংশগ্ৰহণক প্ৰসাৰিত কৰিবলৈ প্ৰত্যাহ্বানটোত দুটা শিতান আছিল:

১) মুকলি শ্ৰেণী: ছবি নিৰ্মাতা, ছাত্ৰ, সখী, পেছাদাৰী, আৰু ড্ৰোন অনুৰাগীকে ধৰি সকলো ভাৰতীয় নাগৰিকৰ বাবে মুকলি।

২) ড্ৰোন দিদি শ্ৰেণীঃ ড্ৰোন প্ৰশিক্ষণৰ জৰিয়তে গ্ৰাম্য আৰু অৰ্ধনগৰ অঞ্চলৰ মহিলাসকলক সবলীকৰণৰ লক্ষ্যৰে নমো ড্ৰোন দিদি আঁচনিৰ দৰে পদক্ষেপৰ অধীনত প্ৰশিক্ষণপ্ৰাপ্ত মহিলাসকলৰ বাবে একচেটিয়াভাৱে।

ব্যাপক সজাগতা নিশ্চিত কৰিবলৈ আৰু অংশগ্ৰহণক উৎসাহিত কৰিবলৈ বেচিলে পৰম্পৰাগত আৰু ডিজিটেল আউটৰিচ পদ্ধতি দুয়োটাকে একত্ৰিত কৰি এক বিস্তৃত ৰাষ্ট্ৰীয় সংবাদ মাধ্যম অভিযান ৰূপায়ণ কৰিছিল। এই অভিযানত সমগ্ৰ ভাৰতৰ ড্ৰ’ন একাডেমী, মিডিয়া ইনষ্টিটিউট আৰু বিশ্ববিদ্যালয়সমূহত প্ৰতিষ্ঠানিক ভ্ৰমণ আৰু আলোচনা চক্ৰৰ লগতে ছাত্ৰ-ছাত্ৰী আৰু ড্ৰ’ন প্ৰশিক্ষাৰ্থীৰ সৈতে লাইভ মত বিনিময়ৰ সৈতে তৃণমূল পৰ্যায়ৰ সংযোগ সৃষ্টি কৰা হৈছিল। নিৰৱচ্ছিন্ন পঞ্জীয়ন আৰু ভিডিঅ’ জমা দিয়াৰ সুবিধাৰ বাবে এটা নিৰ্দিষ্ট অনলাইন পৰ্টেল মুকলি কৰা হয়। ইয়াৰ উপৰি কৌশলগতভাবে গ্ৰহণ কৰা  ইমেইল অভিযানে অভিযানৰ ডিজিটেল ফুটপ্ৰিণ্ট সম্প্ৰসাৰণৰ বাবে মিডিয়া স্কুল, ড্ৰ’ন প্ৰশিক্ষণ কেন্দ্ৰ আৰু নাগৰিক সমাজৰ নেটৱৰ্কক লক্ষ্য কৰি লৈছিল। টুইটাৰ, ইনষ্টাগ্ৰাম, ফেচবুক, আৰু লিংকডইনৰ দৰে ছ’চিয়েল মিডিয়া প্লেটফৰ্মসমূহক প্ৰত্যাহ্বানৰ প্ৰতি স্থায়ী আগ্ৰহ গঢ়ি তুলিবলৈ টেইলাৰ কন্টেন্টৰ জৰিয়তে সক্ৰিয়ভাৱে লাভাৱান্বিত হৈছে। ডিজিটেল প্ৰচেষ্টাৰ পৰিপূৰক হিচাপে পোষ্টাৰ আৰু পমফ্লেটকে ধৰি ছপা সামগ্ৰী বিতৰণ কৰা হয়।এই প্ৰত্যাহ্বানটোৱে ড্ৰ’ন দিদিৰ অংশগ্ৰহণকাৰীৰ ৩৮২টা প্ৰৱেশকে ধৰি ১,৩২৪টা পঞ্জীয়ন লাভ কৰে, যিয়ে গল্প কথনৰ মাধ্যম হিচাপে ড্ৰ’ন ভিডিঅ’গ্ৰাফীৰ প্ৰতি ক্ৰমাৎ বৃদ্ধি পোৱা উৎসাহক প্ৰতিফলিত কৰে। সমগ্ৰ ভাৰতৰ পৰা প্ৰৱেশ ঢাল খাইছিল—হিমাচল প্ৰদেশৰ হিমালয় উপত্যকাৰ পৰা আৰম্ভ কৰি উত্তৰ প্ৰদেশৰ সাংস্কৃতিক কৰিড’ৰ, বিহাৰৰ ভৈয়াম, গুজৰাট আৰু কৰ্ণাটকৰ উদ্ভাৱন কেন্দ্ৰ, আৰু তামিলনাডুৰ উপকূলীয় অঞ্চললৈকে—এইটো সৃষ্টিশীলতা আৰু প্ৰগতিৰ এক প্ৰকৃত সৰ্বভাৰতীয় উদযাপন কৰি তুলিছে।

সকলো প্ৰৱেশ  এক বিশিষ্ট জুৰী পেনেলে নিখুঁতভাৱে পৰ্যালোচনা কৰিছিল য’ত আছিল:

পীয়ুষ শ্বাহ  – চিনেমাটোগ্ৰাফাৰ, প্ৰযোজক, লেখক, আৰু শব্দ ডিজাইনাৰ

শ্ৰীমান  আৰ.ভি. ৰমণি – ৰাষ্ট্ৰীয় বঁটা বিজয়ী চলচ্চিত্ৰ নিৰ্মাতা আৰু তথ্যচিত্ৰ চিনেমাটোগ্ৰাফাৰ

শ্ৰী অৰুণ বৰ্মা – ভাৰতীয় চিনেমাৰ বিশিষ্ট চিনেমাটোগ্ৰাফাৰ

কঠোৰ মূল্যায়ন প্ৰক্ৰিয়াৰ পিছত প্ৰতিটো শাখাৰ পৰা পাঁচজন চূড়ান্ত প্ৰতিযোগীক চৰ্টলিষ্ট কৰা হৈছিল, লগতে সামাজিক প্ৰতিনিধিত্বৰ বাবে বিশেষ শ্ৰেণীৰ অধীনত চাৰিটা প্ৰৱেশকাৰীক নিৰ্বাচিত কৰা হয়ঃ

এই নিৰ্বাচিত  কৰা প্ৰৱেশ পত্ৰসমূহ ৱেভছ ২০২৫ত  ত প্ৰদৰ্শিত হ’ব, আৰু শীৰ্ষ সন্মিলনত অনুষ্ঠিত হ’বলগীয়া এক বৃহৎ অনুষ্ঠানৰ সময়ত বিজয়ীসকলক ঘোষণা আৰু সম্বৰ্ধনা জনোৱা হ’ব।

অধিক তথ্য আৰু আপডেটৰ বাবে, চাওক: www.becil.com

ৱেভছৰ বিষয়ে

মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ অনুষ্ঠান ৱেভছ ভাৰত চৰকাৰে ২০২৫ চনৰ ১ মে’ৰ পৰা ৪ মে’লৈ মহাৰাষ্ট্ৰৰ মুম্বাইত আয়োজন কৰিব।

আপুনি এজন উদ্যোগ পেছাদাৰী, বিনিয়োগকাৰী, সৃষ্টিকৰ্তা, বা উদ্ভাৱক যিয়েই হওক, শীৰ্ষ সন্মিলন খনে সংযোগ, সহযোগিতা, উদ্ভাৱন আৰু মিডিয়া এণ্ড এণ্টাৰটেইনমেণ্ট খণ্ডত  অৰিহণা যোগাবলৈ আপোনাক  বিশ্বব্যাপী  এখন মঞ্চ প্ৰদান কৰিব।

ৱেভছ-এ ভাৰতৰ সৃষ্টিশীল শক্তিৰ উত্থান ঘটাবলৈ  সাজু হৈছে। সমল সৃষ্টি, বৌদ্ধিক সম্পত্তি আৰু প্ৰযুক্তিগত উদ্ভাৱনৰ কেন্দ্ৰ হিচাপে ৱেভছে ইয়াৰ স্থান উন্নত কৰিব।  ইয়াত গুৰুত্ব প্ৰদান কৰা  উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি, ভাৰ্চুৱেল ৰিয়েলিটি, আৰু এক্সটেণ্ডেড ৰিয়েলিটি।

কিবা প্ৰশ্ন আছে নেকি? ইয়াত উত্তৰ বিচাৰি পাওক (here  )

পিআইবি টীম ৱেভছৰ  শেহতীয়া ঘোষণাৰ বিষয়ে অৱগত হৈ থাকক (PIB Team WAVES)

আহক, আমি সকলোৱে একেলগে এই যাত্ৰাৰ অংশীদাৰ হওঁ! ৱেভছৰ বাবে এতিয়াই পঞ্জীয়ন কৰক (now)