حکومت ہند نے ورجینیا تمباکو کے کاشتکار کے طور پر رجسٹریشن کے سرٹیفکیٹ کی تجدید کرنے کا فیصلہ کیا ہے اور کاروبار کرنے میں آسانی کے حصے کے طور پر گودام کے لائسنس کی ایک  سال کے بجائے 3 سال تک تجدید کرنے کا فیصلہ کیا ہے، تاکہ ورجینیا تمباکو کے کاشتکار کے لائسنس اور آپریشن کے لائسنس کے طور پر رجسٹریشن کے سالانہ تجدید کے بوجھ کو کم کیا جا سکے۔ اس کا مطلب ہے، رجسٹریشن/ لائسنس ہر سال تجدید کرنے کے موجودہ طریقہ کار  کے بجائے 3 سال کے لیے درست ہوں گے۔

کاشتکاروں کو 3 سال میں ایک بار اس رجسٹریشن/ لائسنس کی تجدید کرنے میں سہولت فراہم کرنے کے لیے، حکومت ہند نے ضابطہ نمبر 33 کے ذیلی ضابطے (5)، (6) اور (7) اور تمباکو بورڈ کے ضابطوں، 1976 کے ضابطہ 34این  کے ذیلی ضابطے(2) اور (3) میں ترمیم کی ہے۔ مذکورہ بالا ٹوبیکو بورڈ کے ضوابط، 1976 میں ترمیم کو گزٹ آف انڈیا میں وزارت تجارت اور صنعت، محکمہ تجارت، حکومت ہند نے شائع کیا تھا۔ یہ آندھرا پردیش میں فصل کے سیزن 2025-26 سے لاگو ہوگا۔

وقفہ کو ایک سے تین سال تک بڑھانے کی یہ ترمیم آندھرا پردیش، کرناٹک، تلنگانہ اور اڈیشہ ریاستوں میں اپنے رجسٹریشن/ لائسنس کی تجدید میں تقریباً 83,500 کسانوں کے لیے بہت مددگار ثابت ہو گی، جو تقریباً 91,000 گوداموں پر محیط ہیں۔

ورجینیا تمباکو کو ہندوستان میں پارلیمنٹ کے ایک ایکٹ یعنی ٹوبیکو بورڈ ایکٹ، 1975 اور اس کے تحت نوٹیفائی کئے گئے قوانین کے ذریعے منضبط کیا جا رہا ہے۔ تمباکو بورڈ ایکٹ، 1975 اور اس کے تحت نوٹیفائی کئے گئے ضابطوں  کے مطابق، ورجینیا تمباکو کی کاشت کرنے کے خواہشمند  ہر کاشتکار کو بطور کاشتکار رجسٹریشن کا سرٹیفکیٹ اور گودام چلانے کا لائسنس حاصل کرنا ہوگا۔ اسی مناسبت سے، تمباکو بورڈ سالانہ بنیادوں پر رجسٹریشن / لائسنس دینے میں سہولت فراہم کر رہا ہے۔

ہندوستان دنیا میں (2023 کے دوران قدر کے حساب سے)  اور خزانہ کے لئے آمدنی کے لحاظ سے  غیر تیار شدہ تمباکو کی پیدا وار  کرنے والا  دوسرا سب سے بڑا  ملک اور چوتھا سب سے بڑا برآمد کار ہے۔  مالی سال25-2024  کے دوران تمباکو کی برآمدات نے ہندوستانی خزانے میں 1979 امریکی ڈالر (16,728 کروڑ روپے) کا تعاون کیا۔

************

U.No:123

ش ح۔ا ع خ ۔ق ر