حکومت ہند کے تحت قومی معیار بندی کے ادارے بیورو آف انڈین اسٹینڈرڈز (بی آئی ایس) نے معیاربندی کے شعبے میں اپنے شراکت دار اداروں کے 500 طلبہ کے لیے انٹرن شپ کا اعلان کیا ۔اس انٹرن شپ کا اعلان حال ہی میں منعقدہ بی آئی ایس اسٹینڈرڈائزیشن چیئرز اور ایم او یو پارٹنر اداروں کی نوڈل فیکلٹی کے سالانہ کنونشن میں کیا گیا ۔

انٹرن شپ 4 سالہ ڈگری کورسز ، 5 سالہ انٹیگریٹڈ ڈگری کورسز ، پوسٹ گریجویٹ ڈگری اور ڈپلومہ پروگراموں میں زیر تعلیم طلبہ کو پیش کی جائے گی ۔8 ہفتوں کی انٹرن شپ میں دو کلیدی صنعتوں میں پری اسٹینڈرڈائزیشن کا کام شامل ہے؛ بی آئی ایس دفاتر کے اشتراک سے کیو سی او (کوالٹی کنٹرول آرڈر)کا تعمیلی سروے ، اور بڑے پیمانے کی اکائیوں ، ایم ایس ایم ایز اور لیبارٹریوں کا دورہ شامل ہوگا ۔طلبہ مینوفیکچرنگ اور جانچ کےطریقوں ، خام مواد ، پروسس کے اندرکا کنٹرول ، اور مصنوعات کے معیار اور مطابقت کی تشخیص کے دیگر پہلوؤں پر تفصیلی مطالعہ کریں گے ۔

بی آئی ایس-اکیڈمیا انٹرفیس کی اہم حصولیابیوں میں درج ذیل چیزیں شامل ہیں:

• 15 اداروں کے نصاب میں معیاربندی  کےماڈیولز کو شامل کیا گیا ہے ۔
• 130 سے زیادہ تحقیقی اور ترقیاتی منصوبے شروع کیے جا چکے ہیں ۔
• 50 سے زیادہ اداروں نے بی آئی ایس کارنرز اور اکیڈمک ڈیش بورڈز قائم کیے ہیں ۔
• 52 اداروں میں کل 198 اسٹینڈرڈ کلب بنائے گئے ہیں ۔
• قومی کوئز میں 74 اداروں کے 3,400 سے زیادہ طلبہ نے حصہ لیا ۔
• تعلیمی سال 2025-26 کے لئے 500 طلبہ کی انٹرنشپ کامنصوبہ بنایا گیا۔

بی آئی ایس کے ڈائریکٹر جنرل جناب پرمود کمار تیواری نے اپنے افتتاحی خطاب میں کہا کہ یہ شراکت داری تمام تعلیمی اداروں میں معیاربندی اور معیار کی ثقافت کو سرایت  کرنے کے لیے مشترکہ قومی مشن ہے ۔بی آئی ایس کے ڈپٹی ڈائریکٹر جنرل (اسٹینڈرڈائزیشن)جناب راجیو شرما نے اداروں کو ایکشن پر مبنی تال میل کو فروغ دینے اور ملک کے معیاری ماحولیاتی نظام میں فعال طور پر تعاون کرنے کی ترغیب دی ۔

کنونشن میں نصاب کےنفاذ ، معیارسازی ، اسٹینڈرڈز کلب کے ذریعے طلبہ کی شمولیت اور دیگر پروموشنل سرگرمیوں پر تکنیکی نشستیں منعقد کی گئیں ۔اوپن ہاؤس ڈسکشن میں ، شراکت دار اداروں نے تعلیمی اشتراک کے لیے بہترین طریقوں اور اختراعی ماڈلز کاتبادلہ کیا ۔

یہ پروگرام طلبہ اور فیکلٹی کو قومی اور عالمی معیار کے نظام کے ساتھ بامعنی طور پر منسلک ہونے کے لیے بااختیار بنانے کے واسطےپورے ہندوستان کے تعلیمی اداروں میں معیاربندی کے کلچر کو مضبوط کرنے کے اجتماعی عزم کے ساتھ اختتام پذیر ہوا۔

کنونشن میں58 پارٹنر اداروں کے نمائندوں نے شرکت کی۔ ایم او یو کے مطابق پانچ اداروں-آئی آئی ٹی روڑکی،ایس ایس ای سی چنئی،این آئی ٹی جالندھر،ایس وی سی ای چنئی، اورپی ایس این اے سی ای ٹی ، ڈنڈی گل کوبی آئی ایس سے متعلقہ سرگرمیوں میں اپنی غیر معمولی کارکردگی کے لیے اعزاز سے نوازا گیا۔

********

ش ح۔م ش ع۔م ش

U-118