ভারতকী অৱাং-নোংপোক লমদমদা মালেমগী ইনভেস্তমেন্ত পুক্নিং থৌগৎনবা অমসুং ইন্তর্নেস্নেল কোওপরেসন হেনগৎহন্নবা মরুওইবা খোংথাং অমা ওইনা অৱাং-নোংপোক লমদমগী চাউখৎ-থৌরাং মন্ত্রালয় (MDoNER) না 2025গী এপ্রিল 15দা ন্যু দিল্লীদা এম্বেসেদরশিংগী মীফম পাংথোকখ্রে। লৈবাক 80 হেনবগী এম্বেসেদরশিং, হায় কম্মিস্নারশিং অমসুং সেনিয়র দিপ্লোমেতিক রিপ্রজেন্তেন্তিবশিংনা শরুক য়াখি । থৌরম অসিনা অৱাং নোংপোক লমদম (NER)গী অচৌবা পোতেন্সিএল অদু উৎনবা অমসুং তুংকোইনা চৎনগদবা চাউখৎ-থৌরাংগীদমক নাকল অনিগী ওইবা মরীশিং মপাঙ্গল কনখৎহন্নবা পান্দম থমখি।

এম্বেসেদরশিংগী মীফম অদুদা অৱাং নোংপোক লমদমগী চাউখৎ-থৌরাংগী মন্ত্রী, শ্রী জ্যোতিরাদিত্য এম. সিন্ধিয়ানা ইকোনোমিক অমসুং জিওপোলিতিকেল অনিমক্তা লমদম অসিগী স্ত্রেতেজিক ওইবা মরুওইবা অদুদা মীৎয়েং থমখি। মহাক্কী মরুওইবা ৱারোলদা, ইকাই খুম্নরবা মন্ত্রীনা অৱাং নোংপোক লমদমবু কন্নেক্তিবিতী, ললোন-ইতিক অমসুং ইন্নোবেসনগী হব অমদা ওন্থোক্নবা ভারত সরকারগী অচেৎপা ফিরেপ অদু পনখি। অৱাং-নোংপোক্কী রাজ্য 8 অসিদগী অমমমদা অখন্নবা মপাঙ্গল, রিসোর্স অমসুং খুদোংচাবশিং লৈরি। মসিনা লমদম অসি ভারতকী চাউখৎপগী ৱারীদা মমল য়াম্লবা এসেৎ অমা ওইহল্লি। মাগী কলচরেল দাইভর্সিতীদগী হৌরগা মাগী মহৌশাগী ফজবা অমসুং স্ত্রেতেজিক ওইবা মফম ফাওবদা, অৱাং নোংপোক লমদম অসি লৈবাক অসিগী মকোক থোংবা শেন্মিৎলোনগী পাৱরহাউস অমা ওইনা থোরক্নবা অচৌবা পোতেন্সিএল অমা লৈ। খা-নোংপোক এসিয়াগা নক্নবনা ভারতকী এক্ত ইস্ত পোলিসীগা লোয়ননা অৱাং-নোংপোক লমদম অসিসু খা-নোংপোক এসিয়াগী লৈবাকশিংদা চঙগদবা থোং অমা ওইহল্লি। ইকাই খুম্নরবা মন্ত্রীনা শরুক য়ারিবা লৈবাকশিংদা লমদম অসিগী ইনাক খুল্লবা রিসোর্সশিং অমসুং খুৎ-শা হৈবগী হৈশিংবশিং শীজিন্নদুনা NERদা লৈরিবা খুদোংচাবশিং থিদোক্নবা তকশিনখি।

ইকাই খুম্নরবা MDoNERগী রাজ্য মন্ত্রী, দোক্তর সুকান্তা মজুমদারনা মহাক্কী ৱারোলদা অৱাং-নোংপোক লমদমগী অচৌবা ওইথোকপা য়াবশিং অদু ফোংদোকখি। ইকাই খুম্নরবা প্রধান মন্ত্রীগী মীৎয়েং অদু পল্লদুনা মহাক্না হায়খি মদুদি অৱাং-নোংপোক্কী রাজ্যশিংনা শেল থাদবগী খুদোংচাবশিং অমসুং পুন্না "ভিক্সিৎ ভারত" অমা শেমগৎপদা অচৌবা খুদোংচাবশিং পীরি। মহাক্না হৌখিবা চহি 10 অসিদা ইকাই খুম্নরবা প্রধান মন্ত্রীগী লুচিং মখাদা অৱাং নোংপোক লমদমদা ইনফ্রাস্ত্রকচর সেক্তরদা মরুওইবা চাউখৎ থৌরাংশিং পায়খৎলকপা, অতোপ্পা থবকশিং য়াওনা, এয়র, রোদ অমসুং রেল কন্নেক্তিবিতী, ৱাতরৱেজ অসিনচিংবা পাকথোক চাউথোকহনবগী মতাংদা পনখি। ‌ইকাই খুম্নরবা প্রধান মন্ত্রীনা অৱাং-নোংপোক লমদম অসি ভারতকী অস্তলক্ষ্মী, য়াম্না থুনা ইন্দস্ত্রীলাইজেসন তৌনবা শেম-শারিবা মরুওইবা শেন্মিৎলোনগী এসেৎ অমা ওইনা মরুওইনা লৌখি হায়না মহাক্না হায়খি। সেক্তর কয়াদা খুদোংচাবা কয়া লৈবনা মরম ওইদুনা, অৱাং নোংপোক ভারতনা ইনভেস্তরশিংবু মাগী পাক চাউরবা পোতেন্সিএল অদু এক্সপ্লোর তৌনবা অমসুং মাগী গ্রোথ জর্নী শরুক অমা ওইনবা তরাম্না ওক্লি হায়না মহাক্না ফোংদোকখি।

অরুনাচল প্রদেশকী মুখ্য মন্ত্রী শ্রী পেমা খন্দুনা অরুনাচল প্রদেশ য়াওনা অৱাং-নোংপোক লমদমগী অখন্নবা মপাঙ্গলগী মতাংদা ৱা ঙাংখি।

মপাল থৌরমগী ইকাঈ খুম্নরবা মন্ত্রী, শ্রী এস. জয়সঙ্করনা ভিদিও মেসেসকী খুত্থাংদা হায়খি মদুদি NERনা ভারতকী চাউখৎ-থৌরাংগী পোলিসীশিংদা মাংজিল থারি। মহাক্না কালাদান মল্তি-মোদেল ত্রাঞ্জিৎ প্রোজেক্তকী মরুওইবা অমসুং খা-নোংপোক এসিয়াগী কৈথেলশিংগী থোঙজং ওইনবা NERগী পোতেন্সিএলগী মতাংদা পনখি।

MDoNERগী সেক্রেতরী, শ্রী চঞ্চল কুমারনা NERদা লৈরিবা ইনভেস্তমেন্তকী খুদোংচাবশিংগী মতাংদা কুপ্না প্রজেন্তেসন অমা পীখি অমসুং লমদম অসিগী শীজিন্নদ্রিবা পোতেন্সিএল অদু শন্দোক্না তাকখি। IT & ITES, হেল্থকেয়র, এগ্রী অমসুং মরী লৈনবা, এজুকেসন অমসুং স্কিল দিবেলপমেন্ত, স্পোর্তস অমসুং এন্তর্তেনমেন্ত, তুরিজম অমসুং হোস্পিতালিতী, ইনফ্রাস্ত্রকচর অমসুং লোজিস্তিক্স; তেক্সতাইল, হেন্দলুম অমসুং হেন্দিক্রাফ অমসুং ইনর্জীগুম্বা সেক্তর কয়াদা লমদম অসিদা ফংলিবা খুদোংচাবশিং অদুসু মহাক্না ফোংদোকখি। সেক্তর কয়াদা খুদোংচাবা কয়া লৈবনা মরম ওইদুনা, অৱাং নোংপোক ভারতনা ইনভেস্তরশিংবু মসিগী পাক চাউরবা পোতেন্সিএল অদু এক্সপ্লোর তৌনবা অমসুং মসিগী গ্রোথ জর্নীগী শরুক অমা ওইনবা তরাম্না ওক্লি হায়না মহাক্না ফোংদোকখি। মহাক্না হায়খি মদুদি MDoNERনা দিপ্লোমেতিক মিসনশিং, ইন্তর্নেস্নেল দিবেলপমেন্ত এজেন্সীশিং, অমসুং মালেমগী ইনভেস্তরশিংগা নক্না থবক তৌমিন্নদুনা অৱাং নোংপোক লমদমদা থবক পীবা, ইনফ্রাস্ত্রকচর অমসুং হ্যুমেন কেপিতেল হেনগৎহনগদবা প্রোজেক্তশিংদা রিসোর্স অমসুং এক্সপর্তিজ চেনেল তৌনবা থৌরাং তৌরি।

মপাল থৌরম মন্ত্রালয়গী সেক্রেতরী(ইস্ত) শ্রী পেরিয়াসমি কুমারন্না মহাক্কী ৱারোলদা হায়খি মদুদি অৱাং নোংপোক লমদম অসি বাংলাদেশ, ভুতান, চাইনা, নেপাল অমসুং ম্যান্মার য়াওনা য়ুম্লোন্নরিবা লৈবাকশিংগা ইন্তর্নেস্নেল বোর্দর শেয়র তৌরি। মসিনা ভারতকীদমক্তা মসি স্ত্রেতেজিক ওইবা মফম অমা অমসুং খা-নোংপোক এসিয়াগী গেৎৱে অমা ওইহল্লি। মরম অসিনা, লমদম অসি ভারতনা এসোসিয়েসন ওফ সাউথ ইস্ত এসিয়ান নেসন্স (ASEAN) গা লোয়ননা খক্তা নত্তনা য়ুম্লোন্নরিবা লৈবাকশিংগা বঙ্গলাদেশ, ভুতান অমসুং নেপালগা লোয়ননা হেনগৎলক্লিবা শেন্মিৎলোনগী মরীশিংগী য়ুম্ফম অমা ওইনা শেমগৎপা য়াই। মহাক্না হায়খি মদুদি অৱাং নোংপোক লমদম অসি তোঙান তোঙানবা কলচরশিং, চৎনবীশিং, অমসুং পুক্নিং হুনা ফজবা মহৌশাগী ফজবশিংগী থোইদোক হেন্দোকপা মফম অমনি। মহাক্না হায়খি মদুদি এম্বেসেদরস মীৎ অসি কন্সত্রক্তিব দাইলোগশিংদা শরুক য়ানবা, পার্তনরশিপ শেমগৎনবা অমসুং ইনভেস্তমেন্তশিং পুক্নিং চিংশিন্নবগী মরুওইবা প্লেৎফোর্ম অমনি। মসিনা ইনক্লুসিব গ্রোথ অমসুং প্রোসপ্রিতী পুরক্কনি। হায়রিবা প্লেৎফোর্ম অসি অৱাং-নোংপোক্না পীরিবা তোঙান তোঙানবা খুদোংচাবশিং অদু পুথোক্নবা অমসুং নৈননবগী খুদোংচাবা অমনি।

এম্বেসেদরশিংগী মীফম অসি 2025গী মে 23 অমসুং 24দা MDoNERনা শীনবা নোর্থ ইস্ত ইনভেস্তর সম্মিৎকী প্রি-সম্মিৎকী থবক থৌরমশিংগী মনুংদা অমনি। থৌরম অদুদা চাউনা মীয়ামগী পুক্নিং চিংশিনখি। অরুনাচল প্রদেশ, আসাম, মনিপুর, মেঘালয়া, মিজোরাম, নাগালেন্দ, সিক্কিম অমসুং ত্রিপুরা হায়রিবা অৱাং নোংপোক্কী রাজ্যশিং অসিনা পীরিবা খুদোংচাবশিং অদু য়েংশিন্নবা ভারতকী স্তেকহোল্দরশিংগা খুৎশম্ননবা এম্বেসেদরশিং অমসুং দিপ্লোমেতিক এনভোইশিংনা অখন্নবা মীৎয়েং চংখি। থৌরম অসিনা মরুওইবা ৱা-তান্নবা খক্তমক পুক্নিং থৌগৎপতা নত্তনা লমদম অসিদা শেন্মিৎলোন চাউখৎপা অমসুং তুং কোইনা চাউখৎপা পুরক্নবা তুংগী ওইবা পার্তনরশিপকীদমক য়ুম্ফমসু শেমখি।

থৌরম অসিদা অৱাং নোংপোক লমদমগী চাউখৎ-থৌরাং মন্ত্রালয় অমসুং NERগী রাজ্য সরকারগী মকোক থোংবা ওফিসিএলশিংনা শরুক য়াখি।

*****