مرکزی وزیر داخلہ اور تعاون کے وزیر جناب امت شاہ نے آج چھترپتی شیواجی مہاراج کی 345 ویں برسی کے موقع پر رائے گڑھ، مہاراشٹر کے قلعہ رائے گڑھ میں منعقدہ ایک پروگرام سے خطاب کیا۔ اس موقع پر مہاراشٹر کے وزیر اعلیٰ دیویندر فڑنویس، نائب وزیر اعلیٰ ایکناتھ شندے اور شری اجیت پوار، اور تعاون کے مرکزی وزیر مملکت مرلیدھر موہول سمیت کئی معززین موجود تھے۔

پروگرام سے خطاب کرتے ہوئے مرکزی وزیر داخلہ جناب امت شاہ نے کہا کہ تاریخی رائے گڑھ قلعہ کا دورہ کرنا بڑی خوش قسمتی کی بات ہے، جہاں ہندوی سوراج کا سنہری تخت قائم کیا گیا تھا۔ انہوں نے کہا کہ چھترپتی شیواجی مہاراج نے ہندوستان کے کونے کونے میں ایک لافانی جذبہ روشن کیا اور اپنے مذہب، زبان اور سوراج کے لیے اپنی جان قربان کرنے کے لیے آمادہ ہوئے۔ جلد ہی، مہاراشٹر کا خطہ، جو عادل شاہی، مغل اور نظام شاہی طاقتوں سے گھرا ہوا تھا، ہندوی سوراج میں تبدیل ہو گیا۔ چند ہی سالوں میں سوراج کا خواب اٹک سے کٹک تک اور پورے ملک میں بنگال سے لے کر جنوب میں تامل ناڈو تک پورا ہونے لگا۔

مرکزی وزیر داخلہ جناب امت شاہ نے کہا کہ جب شیواجی مہاراج پیدا ہوئے تھے، ملک کے لوگ گہرے اندھیرے میں ڈوبے ہوئے تھے۔ ماحول ایسا تھا کہ سوراج کا تصور کرنا بھی محال لگتا تھا۔ دیواگیری کے زوال کے بعد صرف سو سال کے اندر مہاراشٹر اور پورے جنوبی خطہ کا زوال ہوا اور رفتہ رفتہ اپنے مذہب اور خود حکمرانی کی بات کرنا جرم سمجھا جانے لگا۔

لیکن ایسے وقت میں، ایک 12 سالہ لڑکے نے، اپنی ماں راج ماتا جیجا بائی سے متاثر ہو کر، دریائے سندھ سے کنیا کماری تک ایک بار پھر زعفرانی پرچم بلند کرنے کا عہد لیا۔ جناب شاہ نے کہا کہ انہوں نے دنیا بھر کے بہت سے عظیم لیڈروں کی سوانح عمری پڑھی ہے، لیکن ایسی غیر متزلزل قوت ارادی، بے مثال ہمت، ناقابل تصور حکمت عملی، اور سماج کے ہر طبقے کو ایک ناقابل تسخیر فوج بنانے کے لیے متحد کرنے کی صلاحیت ، چھترپتی شیواجی مہاراج جیسا کسی نے نہیں کیا۔

جناب امت شاہ نے کہا کہ چھترپتی شیواجی مہاراج کے پاس نہ تو قسمت تھی، نہ طاقتور میراث، نہ دولت اور نہ ہی بڑی فوج۔ پھر بھی، بہت چھوٹی عمر میں، اپنی اٹوٹ ہمت اور پختہ عزم کے ذریعے، اس نے پوری قوم کو سوراج کے منتر سے متاثر کیا۔ کچھ ہی وقت میں، اس نے مغل سلطنت کو ٹکڑے ٹکڑے کرنے میں اہم کردار ادا کیا، جس نے 200 سال سے زیادہ عرصے تک حکومت کی تھی۔

جب شیواجی مہاراج کی فوجیں اٹک، بنگال، کٹک اور تمل ناڈو پہنچیں، تب پورے ملک کے لوگ ایک بار پھر یقین کرنے لگے - کہ قوم، اس کے مذہب، زبانوں اور ثقافت کو بچا لیا گیا ہے۔

مرکزی وزیر داخلہ نے کہا کہ ہندوستان کو ہر میدان میں دنیا کا بہترین بنانے کا وژن سب سے پہلے شیواجی مہاراج نے رکھا تھا۔ انہوں نے مزید کہا کہ آج، ہندوستان کی آزادی کے 75 سال بعد، ہم دنیا کے سامنے فخر کے ساتھ کھڑے ہیں، اور ہم یہ عزم کرتے ہیں کہ جب ہندوستان آزادی کے 100 سال مکمل کرے گا، تو یہ ملک ہر شعبے میں عالمی سطح پر نمبر ایک مقام حاصل کرے گا۔

جناب امت شاہ نے کہا کہ راج ماتا جیجا بائی نے نہ صرف چھترپتی شیواجی مہاراج کو جنم دیا بلکہ انہیں سوراج، سودھرم اور سوبھھاشا کو بحال کرنے کی ترغیب دی۔ جب شیواجی ابھی بہت چھوٹے تھے، یہ جیجا بائی تھی جس نے ان میں پورے ملک کو آزاد کرنے اور ہندوی سلطنت کا بانی بننے کا خیال پیدا کیا۔

جناب شاہ نے کہا کہ راج ماتا جیجا بائی نے نوجوان شیواجی کو اقدار اور خوبیاں عطا کیں اور شیواجی نے ان اقدار کو ایک طاقتور برگد کے درخت میں بدل دیا۔ انہوں نے مزید کہا کہ شیواجی کے بعد سنبھاجی مہاراج، مہارانی تارابائی، سانتا جی اور تانا جی اپنی موت تک مغل بادشاہ اورنگ زیب کے خلاف لڑتے رہے۔ نتیجے کے طور پر، وہ شخص جو خود کو ’عالمگیر‘ (فاتح دنیا) کہتا تھا، بالآخر مہاراشٹر میں شکست کھا گیا، اور اس کا مقبرہ اس کی گواہی کے طور پر یہاں موجود ہے۔

جناب شاہ نے زور دے کر کہا کہ یہ یقینی بنانا ہمارا فرض ہے کہ ہندوستان کا ہر بچہ شیواجی کی زندگی اور میراث کے بارے میں سیکھے۔ انہوں نے کہا کہ شیواجی مہاراج کو مہاراشٹر تک محدود نہیں رہنا چاہئے – پورا ملک اور یہاں تک کہ دنیا بھی ان سے تحریک لے سکتی ہے۔

مرکزی وزیر داخلہ نے کہا کہ سودھرم، سوراج اور سوبھاشا کا انسانی زندگی کی عزت نفس سے گہرا تعلق ہے۔ شیواجی مہاراج نے عزت نفس کی ان تین بنیادی اقدار کو قوم اور دنیا کے سامنے لایا۔ اس نے یہ کام ایسے وقت میں کیا جب حملہ آوروں نے ہمیں کچل کر شکست دی تھی اور غلامی کی ذہنیت معاشرے میں جڑ پکڑ چکی تھی۔ لیکن شیواجی مہاراج نے محکومی کی اس ذہنیت کو توڑا اور لوگوں میں فخر، مزاحمت اور آزادی کے جذبے کو بحال کرتے ہوئے ہندوی سلطنت کو دوبارہ قائم کیا۔

جناب امت شاہ نے کہا کہ شیواجی مہاراج کی پوری تاریخ – ان کی پیدائش سے لے کر آخری سانس تک – رائے گڑھ کی اس مقدس سرزمین سے جڑی ہوئی ہے۔ انہوں نے آزادی کے عظیم جنگجو بال گنگادھر تلک کو بھی یاد کیا، جنہوں نے اس مقدس مقام کا تصور "شیو اسمرتی" کے طور پر کیا تھا۔

جناب شاہ نے کہا کہ انگریزوں نے جان بوجھ کر رائے گڑھ قلعہ کو تباہ کرنے کی کوشش کی، کیونکہ یہ سوراج کی ایک طاقتور علامت تھی۔ تلک مہاراج نے اس اہمیت کو تسلیم کیا اور اپنے مشہور نعرے ’’سوراج میرا پیدائشی حق ہے‘‘ کے ذریعے شیواجی مہاراج کے سوراج کے وژن سے وابستگی کو دوبارہ قائم کیا۔

انہوں نے مزید کہا کہ تلک مہاراج نے اس یادگار کے تحفظ کے لیے تحریک شروع کی، حالانکہ یہ کام ان کی زندگی میں مکمل نہیں ہو سکا۔ تاہم، برطانوی راج کے دوران بھی، یہ سائٹ ایک علامت بن گئی - شیو جینتی سے لے کر سوراج تک، جو ہندوستان کی آزادی کی جدوجہد کا آغاز ہے۔

جناب شاہ نے کہا کہ مہاراشٹر حکومت اب تلک مہاراج کی طرف سے اس وراثت کے احترام اور تحفظ کے لیے شروع کیے گئے نیک کام کو جاری رکھے ہوئے ہے۔

مرکزی وزیر داخلہ نے کہا کہ مرکزی اور مہاراشٹر کی حکومتیں رائے گڑھ کی یادگار کو نہ صرف سیاحتی مقام میں تبدیل کرنے کے لیے پرعزم ہیں، بلکہ اسے مختلف جدید سہولیات فراہم کرکے ملک کے نوجوانوں کے لیے تحریک کا ذریعہ ہے۔ انہوں نے مہاراشٹر کے وزیر اعلیٰ سے اپیل کی کہ وہ اس بات کو یقینی بنائیں کہ کلاس 7 سے 12 تک کا ہر طالب علم کم از کم ایک بار اس مقدس مقام کا دورہ کرے، تاکہ وہ چھترپتی شیواجی مہاراج کی وراثت اور نظریات سے جڑ سکیں۔

جناب امت شاہ نے کہا کہ چھترپتی شیواجی مہاراج نے انتظامیہ کے میدان میں بے شمار اصول قائم کئے۔ ان کا آشٹا پردھان منڈل (آٹھ وزراء کی کونسل) کا تصور آج کابینہ کی شکل میں اپنایا گیا ہے، اور کابینہ بنیادی طور پر آشٹا پردھان منڈل کا ایک وسیع تر ورژن ہے۔

انہوں نے یہ بھی بتایا کہ شیواجی مہاراج نے انصاف کے لیے کئی اصول قائم کیے جنہیں اقتدار میں رہنے والوں نے نافذ کیا۔ اپنے عمل سے شیواجی مہاراج نے اچھی حکمرانی (سوشاسن) کی مثال قائم کی۔

مرکزی وزیر داخلہ نے کہا کہ شیواجی مہاراج کا آخری پیغام تھا کہ سوراج کے لیے جدوجہد، سودھرم کا احترام، اور سوبھاشا کی لافانییت کو کبھی نہیں روکنا چاہیے۔ جناب شاہ نے مزید کہا کہ وزیر اعظم جناب نریندر مودی کی قیادت میں یہ جدوجہد آج فخر کے ساتھ آگے بڑھ رہی ہے۔ پی ایم مودی نے عالمی سطح پر ہندوستان کو ایک شاندار مقام دلانے کا کام کیا ہے۔

انہوں نے مزید کہا کہ شیواجی مہاراج نے کاشی وشوناتھ مندر کی بحالی، تمام جیوترلنگوں تک رسائی اور رام جنم بھومی کے احیاء کا تصور کیا۔ یہ کام پی ایم مودی کے دور میں پورے ہوئے ہیں۔ کاشی وشوناتھ مندر، جسے اورنگ زیب نے تباہ کر دیا تھا، وزیر اعظم جناب نریندر مودی کے دور حکومت میں کاشی وشوناتھ کوریڈور کے ذریعے دوبارہ زندہ کیا گیا۔

جناب شاہ نے کہا کہ پورا ملک شیواجی مہاراج کے پیغام کو پوری طرح سے محسوس کرنے کے لیے باقی کاموں کو مکمل کرنے کے لیے پرعزم ہے۔ جناب امت شاہ نے کہا کہ چھترپتی شیواجی مہاراج عزم، لگن، قربانی، بہادری، عزت نفس اور سوراج کے لافانی جذبے کی نمائندگی کرتے ہیں۔ انہوں نے ذکر کیا کہ مہاراشٹر حکومت نے چھترپتی شیواجی مہاراج کی وراثت کو ہر گھر تک پہنچانے کی مہم شروع کی ہے۔

انہوں نے مزید روشنی ڈالی کہ وزیر اعظم جناب نریندر مودی نے شیواجی مہاراج کی شاہی مہر کو ہماری بحریہ کا نشان بنا کر دنیا کے سامنے یہ اعلان کر دیا ہے کہ ہمارا ملک اور ہمارا سوراج مکمل طور پر محفوظ ہے۔

جناب شاہ نے یہ بھی کہا   کہ وزیر اعظم مودی اور مہاراشٹر حکومت 12 تاریخی قلعوں کو یونیسکو کی عالمی ثقافتی ورثہ سائٹس کے طور پر تسلیم کرانے کے لیے کام کر رہی ہے۔

 ش ح ۔ ال

U-9842