বিশ্ব অডিঅ’ ভিজুৱেল এণ্ড এণ্টাৰটেইনমেণ্ট ছামিট (ৱেভছ) ২০২৫ৰ পূৰ্বে ‘ক্ৰিয়েট ইন ইণ্ডিয়া’ চেলেঞ্জৰ অধীনত অনুষ্ঠিত হোৱা মাৰ্কিন প্ৰতিযোগিতা ‘ৰেজ’নেট: দ্য ইডিএম চেলেঞ্জ’ই ইলেক্ট্ৰনিক ডান্স মিউজিক (ইডিএম)ৰ বিশ্বব্যাপী প্ৰতিভাক একত্ৰিত কৰি সংগীত নিৰ্মাণ আৰু লাইভ প্ৰদৰ্শনত উদ্ভাৱন, সৃষ্টিশীলতা, আৰু সহযোগিতাক উদযাপন কৰিছে।

ভাৰতীয় সংগীত উদ্যোগৰ সহযোগত তথ্য আৰু সম্প্ৰচাৰ মন্ত্ৰালয়ে আজি ‘‘ৰেজ’নেট: দ্য ইডিএম চেলেঞ্জ ’ৰ বাবে শীৰ্ষ ১০ গৰাকী নিৰ্বাচন কৰা অংশগ্ৰহণকাৰীৰ নাম ঘোষণা কৰিছে।

• কঠোৰ নিৰ্বাচন প্ৰক্ৰিয়া আৰু শ শ  প্ৰতিযোগীৰ প্ৰৱেশৰ অন্তত ২০২৫ চনৰ ১-৪ মে’লৈ মুম্বাইত অনুষ্ঠিত হ’বলগীয়া ৱেভছৰ  বিশ্বজনীন  মঞ্চত অনুষ্ঠিত হ’বলগীয়া গ্ৰেণ্ড ফিনালেত লাইভ অনুষ্ঠান পৰিৱেশন কৰিবলৈ তলত উল্লেখ কৰা দহজন শিল্পীক নিৰ্বাচন কৰা হৈছে:

• শ্ৰীকান্ত ভেমুলা, মুম্বাই, মহাৰাষ্ট্ৰ

• মায়ংক হৰিশ বিধানী, মুম্বাই, মহাৰাষ্ট্ৰ

• ক্ষীতিজ নাগেশ খোদৱে, পুনে, মহাৰাষ্ট্ৰ

• আদিত্য দিলবাঘী, মুম্বাই, মহাৰাষ্ট্ৰ

• আদিত্য উপাধ্যায়, কুমাৰীকাটা, অসম।

দেৱাঞ্চ ৰাস্তোগী, নতুন দিল্লী

• সুমিত বিল্টু চক্ৰৱৰ্তী, মুম্বাই, মহাৰাষ্ট্ৰ

• মাৰ্ক ৰিয়ান ছিয়েমলিহ, মুম্বাই, মহাৰাষ্ট্ৰ।

দিব্যজিৎ ৰায়, বঙাইগাঁও, অসম।

নৱজ্যোতি বৰুৱা, মুম্বাই, মহাৰাষ্ট্ৰ

এই শীৰ্ষ ১০ গৰাকী শিল্পীয়ে ভাৰতৰ ইলেক্ট্ৰনিক সংগীত সম্প্ৰদায়ৰ এক সজীৱ শিতানক  প্ৰতিনিধিত্ব কৰিছে, য’ত এম্বিয়েণ্টৰ পৰা আৰম্ভ কৰি উচ্চ শক্তিৰ নৃত্য সংগীতলৈকে অনন্য শব্দ সংযোজিত হৈ আছে। এই প্ৰত্যাহ্বানৰ লক্ষ্য আছিল ইলেক্ট্ৰনিক সংগীত সৃষ্টি  আৰু ডিজেৰ ক্ষেত্ৰত ভাৰতীয়ৰ লগতে বিশ্বব্যাপী উদীয়মান প্ৰতিভাক উজলাই তোলা আৰু উন্নীত কৰা। এই প্ৰত্যাহ্বানৰ সফলতাই সংগীত সংযোজন, ইলেক্ট্ৰনিক সংগীত আৰু ডিজে কৰা শিল্পকলাৰ বিশ্বব্যাপী কেন্দ্ৰ হিচাপে ভাৰতৰ স্থানকো শক্তিশালী কৰে। এই নিৰ্বাচিত ফাইনেলিষ্টসকলে এতিয়া তেওঁলোকৰ গ্ৰেণ্ড ফিনালে প্ৰদৰ্শনৰ বাবে প্ৰস্তুতি চলাব, য’ত তেওঁলোকে ৱেভছ বিশ্ব মাঞ্চত নিজৰ প্ৰতিভা উপস্থাপন কৰিব।

প্ৰাৰম্ভিক ৰাউণ্ডৰ বাবে জুৰী পেনেল:

প্ৰাৰম্ভিক ৰাউণ্ডৰ বিচাৰ কৰে ভাৰতৰ প্ৰিমিয়াৰ সংগীত প্ৰডাকচন আৰু ডিজে প্ৰশিক্ষণ প্ৰতিষ্ঠান জ্ঞান অংশীদাৰ লষ্ট ষ্ট’ৰীজ একাডেমীৰ সংগীত পেছাদাৰীসকলে। জুৰীৰ ভিতৰত আছিল আমেই জিচকাৰ আৰু অংশুমান প্ৰজাপতি। ৰেকৰ্ডিং আৰু মিক্সিঙৰ দশকৰো অধিক অভিজ্ঞতা আছে আমেই এজন অভিজ্ঞ অডিঅ’ অভিযন্তা আৰু সংগীত প্ৰযোজক। তেওঁ বলীউড, বিজ্ঞাপন জিংগল, আৰু ডাঙৰ ডাঙৰ ব্ৰেণ্ড অভিযানত ব্যাপকভাৱে কাম কৰিছে। তেওঁৰ উল্লেখযোগ্য প্ৰকল্পসমূহৰ ভিতৰত আছে ভিৰে ডি ৱেডিং, লাইলা মাজনু, অক্টোবৰ, আৰু চি আৰ ই ডি, ফ্লিপকাৰ্ট, আৰু আপষ্টক্সৰ বাবে বাণিজ্যিক কাম। বিটবক্সিঙৰ ১০ বছৰৰো অধিক অভিজ্ঞতা থকা অংশুমানে যোৱা তিনি বছৰ সংগীত প্ৰযোজক হিচাপে অভজ্ঞতা লভিছে। অংশুমান লোফি হিপ-হপ সংগীতত বিশেষজ্ঞ আৰু তেওঁৰ পৰীক্ষামূলক শব্দ আৰু সৃষ্টিয়ে সমাদৰ লভিছে৷

ৱেভছৰ  বিষয়ে:

ভাৰত চৰকাৰে মহাৰাষ্ট্ৰৰ মুম্বাইত ২০২৫ চনৰ ১ মে’ৰ পৰা ৪ মে’লৈ আয়োজন কৰিব মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ  অনুষ্ঠান (WAVES)।আপুনি এজন উদ্যোগ পেছাদাৰী, বিনিয়োগকাৰী, সমল সৃষ্টিকৰ্তা বা উদ্ভাৱক যিয়েই হওক, শীৰ্ষ সন্মিলনে সংযোগ, সহযোগিতা, উদ্ভাৱন আৰু এম এণ্ড ই খণ্ডত  অৰিহণা যোগাবলৈ বিশ্বব্যাপী মঞ্চ এখন  প্ৰদান কৰিছে।ৱেভছে  ভাৰতৰ সৃষ্টিশীল শক্তিৰ বিকাশ সাধন কৰিবলৈ সাজু হৈছে, কন্টেন্ট সৃষ্টি, বৌদ্ধিক সম্পত্তি, আৰু প্ৰযুক্তিগত উদ্ভাৱনৰ কেন্দ্ৰ হিচাপে ইয়াৰ স্থান বৃদ্ধি কৰিব। এই অনুষ্ঠানত গুৰুত্ব দিয়া উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি (এ আৰ),ভাৰ্চুৱেল ৰিয়েলিটি (ভি আৰ), আৰু এক্সটেণ্ডেড ৰিয়েলিটি (এক্সআৰ)।Have কিবা প্ৰশ্ন আছে নেকি? ইয়াত উত্তৰ বিচাৰি পাওক

আহক, আমাৰ সৈতে একেলগে এই মহাযাত্ৰাৰ সহযোগী হওঁক! ৱেভছৰ বাবে এতিয়াই পঞ্জীয়ন  কৰক (অতিশীঘ্ৰে আহি আছে!)।

পিআইবি টীম ৱেভছৰ  শেহতীয়া ঘোষণাৰ বিষয়ে অৱগত হৈ থাকক

আহক, আমাৰ যাত্ৰাৰ সংগী হওঁক!ৱেভছৰ বাবে এতিয়াই পঞ্জীয়ন কৰক

****

PIB TEAM WAVES 2025 | Sayyid Rabeehashmi /Sriyanka Chatterjee/ Parshuram Kor/DM