|
প্রধানমন্ত্রীগী লোইশঙ
অম্বেদকার জয়েন্তি থৌরমদা, এপ্রিল ১৪ দা প্রধান মন্ত্রী হরিয়ানাদা চৎকনি
হিসারদগী অয়োধ্যা ফাওবগী কম্মর্সিয়েল ফ্লাইত লমথাগনি অমসুং হিসার এয়ারপোর্তকী অনৌবা তর্মিনেল বিল্দিংগী উরেপ-উয়ুং তমগনি প্রধান মন্ত্রীনা দীবন্ধু ছোতু রাম থর্মেল পৱার প্লান্তগী মেগাৱাত ৬০০গী মোদর্ন থর্মেল পৱার য়ুনিত অমসুং যমুনাগরদা কমপ্রেস বাইওগ্যাস প্লান্ত অমগী উরেপ-উয়ুং তমগনি প্রধান মন্ত্রীনা ভারতমালা পরিয়োজনাগী মখাদা রেৱারি বাইপাস প্রোজেক শঙ্গাগনি
Posted On:
12 APR 2025 4:48PM by PIB Imphal
অম্বেদকার জয়েন্তি থৌরমদা, এপ্রিল ১৪ দা প্রধান মন্ত্রী শ্রী নরেন্দ্র মোদী হরিয়ানাদা চৎকনি। মহাক হিসারদা চৎকনি অমসুং চাউরাক্না অয়ুক্কী পুং ১০:১৫ রোম তাবদা, মহাক্না হিসারদগী অয়োধ্যা ফাওবগী কম্মর্সিয়েল ফ্লাইত লমথাগনি অমসুং হিসার এয়ারপোর্তকী অনৌবা তর্মিনেল বিল্দিংগী উরেপ-উয়ুং তমগনি। মহাক্না মীয়ামগী মীতিন অমদশু ৱা ঙাংগনি।
তুংদা, চাউরাক্না নুমিৎয়ুংবা মতুং পুং ১২:৩০ তাবদা, মহাক্না যমুনাগরদা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি অমসুং থৌরম অদুদা মীয়ামদা ৱা ঙাংগনি।
অশোই-অঙাম লৈতনা, মমল হোংনা অমসুং ইরাই লাইনা মথক্ত চৎথোক-চৎশিন য়ানবা মহাক্না পীখিবা থাজবগী মতুংইন্না, হিসারদা মহারাজ অগ্রাসেন এয়রপোর্তকী অনৌবা তর্মিনেল বিল্দিং লুপা করোর ৩১০ চংনা শানবা প্রধান মন্ত্রীনা উরেপ-উয়ুং তমগনি। মসিদা অনৌবা পেসেঞ্জর তর্মিনেল অমা, কার্গো তর্মিনেল অমা অমসুং এ.তি.সি বিল্দিং অমা য়াওরি। মহাক্না হিসারদগী অয়োধ্যা ফাওবগী অহানবা ফ্লাইতশু লমথাগনি। হিসারদগী অয়োধ্যাদা চয়োল অমদা অহুমলক, জম্মু, অহমেদবাদ, জয়পুর অমসুং চান্দিগরদা চয়োল অমদা ফ্লাইত অহুম লৈগনি অমসুং মসিনা হরিয়ানাদা মথক্ত চৎথোক-চৎশিনগী থবক হেন্না নুংঙাইহল্লগনি।
অথাপ্পা মফমদা ইলেক্ত্রিসিতি য়ৌহন্নবা পান্দমগা লোয়ননা লমদম অসিদা পৱার ইনফ্রাস্ত্রকচর ফগৎহন্দুনা, প্রধান মন্ত্রীনা যমুনাগরদা দীবন্ধু ছোতু রাম থর্মেল পৱার প্লান্তগী মেগাৱাত ৬০০গী মোদর্ন থর্মেল পৱার য়ুনিত উরেপ-উয়ুং তমগনি। য়ুনিত অসি লম একর ২৩৩ রোমদা লৈগনি, চাউরাক্না লুপা করোর ৮,৪৭০ রোম চংগনি, মসিনা হরিয়ানাগী মশাগী ওক্নবা মৈ পুথোকপা শিংথাবা য়ানা হেনগৎহনগনি অমসুং রাজ্য অসিদা মৈ মুৎপা নাইদনা ফংহনগনি।
গোবর্ধান (গালভানাইজিং ওর্গানিক বাইও-এগ্রো রিছোর্সেস ধন) গী পান্দম মাঙলোমদা পুখৎলদুনা, যমুনাগরগী মুকারাবপুরদা প্রধান মন্ত্রীনা কমপ্রেস বাইওগ্যাস প্লান্ত অমগী উরেপ-উয়ুং তমগনি। প্লান্ত অসিনা চহি অমদা মেত্রিক তন ২,৬০০ পুথোকপা ঙমগনি অমসুং মৈখু থাংদবা ইনর্জি পুথোকপা অমসুং মহৌশাগী অকোয়বগী ফিবম ঙাক-শেনবদা মতেং পাংবগা লোয়ননা, ওর্গানিক ওইবা অমোৎপা লোইশিনবদা মতেং পাংগনি।
প্রধান মন্ত্রীনা ভারতমালা পরিয়োজনাগী মখাদা লুপা করোর ১,০৭০ রোম চংবা কিমি ১৪.৪ শাংবা রেৱারি বাইপাস প্রোজকশু শঙ্গাগনি। মসিনা রেৱারি সহরদা চিনবা হন্থহনগনি, দিল্লি-নারনাউল চৎপগী মতম চাউরাক্না পুং ১ দা হন্থহনগনি অমসুং লমদম অসিগী শেন-থুম অমসুং খুন্নাইগী থবকশিং ফগৎহনগনি।
****
(Release ID: 2121243)
|