‘ఇన్నొవేట్2 ఎడ్యుకేట్: హ్యాండ్‌హెల్డ్ డివైస్ డిజైన్ ఛాలెంజ్‌’లో అగ్రగామి 10 ఫైనలిస్టులను ఇండియన్ డిజిటల్ గేమింగ్ సొసైటీ (ఐడీజీఎస్) ప్రకటించింది. సమాచార, ప్రసార మంత్రిత్వ శాఖతో కలిసి ఈ పోటీని ఐడీజీఎస్ త్వరలో ప్రారంభం కానున్న ప్రపంచ దృశ్య, శ్రవణ వినోద శిఖరాగ్ర సదస్సు (వరల్డ్ ఆడియో విజువల్ ఎంటర్‌టైన్‌మెంట్ సమ్మిట్ (WAVES)) 2025లో భాగంగా ఏర్పాటు చేసింది. టెక్నాలజీ, విద్య, గేమింగ్‌ రంగంలో నవకల్పన పట్ల మొగ్గు చూపేలా యువతను ప్రోత్సహించడంతోపాటు, నేర్చుకొనే అనుభవాలలో సరికొత్త మార్పులను తీసుకురాగల ఆధునిక ఆలోచనలను, చేతులతో పట్టుకోవాల్సిన పరికరాలను రూపొందించేలా యువతలో ప్రేరణ కలిగించడం ఇన్నొవేట్2 ఎడ్యుకేట్: హ్యాండ్‌హెల్డ్ డివైస్ డిజైన్ ఛాలెంజ్‌ లక్ష్యం.
వేవ్స్ 2025 లో ‘క్రియేట్ ఇన్ ఇండియా ఛాలెంజ్’ విభాగంలో ఒక కీలక కార్యక్రమంగా ప్రారంభించిన ‘ఇన్నొవేట్2 ఎడ్యుకేట్ (Innovate2Educate)
ఛాలెంజ్’లో, వివిధ యూజర్ గ్రూపులకు వినోదంతోపాటు విద్య నేర్పే అత్యంత అధునాతన పోర్టబుల్ ఉపకరణాల్ని రూపొందించాల్సిందిగా అన్ని దేశాల విద్యార్థులనూ, డిజైనర్లనూ, అంకురసంస్థలనూ, టెక్నాలజీ అంటే ఉత్సాహం కలిగిన వారినీ ఆహ్వానించారు.
రిజిస్ట్రేషన్ ప్రక్రియ పూర్తి అయిన 1856 కొత్త కొత్త ఆలోచనలను పరిశ్రమ రంగంలోని ప్రముఖులు, టెక్నాలజిస్టులు, విద్యరంగ ప్రముఖులు, డిజైనర్లతో కూడిన జ్యూరీ ప్యానెల్ కచ్చిత ప్రమాణాలను అనుసరించి మదింపు చేసి అగ్రగామి 10 ఫైనలిస్టులను ఎంపిక చేసింది. ఎరుడిటియో సహసంస్థాపకుడు శ్రీ ఇంద్రజీత్ ఘోష్, హ్యూయియాన్ భారత్, సార్క్‌ కంట్రీ మేనేజర్ శ్రీ రాజీవ్ నాగర్‌లతోపాటు స్క్విడ్ అకాడమీ సహ సంస్థాపకుడు, ప్రాడక్ట్ హెడ్ శ్రీ జెఫ్రీ క్రే వంటి నిపుణులు జ్యూరీగా వ్యవహరించారు.  
...........................................................................................
10 ఫైనలిస్టులు :
...........................................................................................
1. కర్నాటక పర్వ - కోడ్ క్రాఫ్ట్ జూనియర్ (కర్నాటక)
2. విద్యార్థి - బాలల కోసం స్మార్ట్ లెర్నింగ్ టాబ్లెట్: ఇంటరాక్టివ్ పద్ధతిలో అనుకూలంగా నడుచుకొనే విద్యానేస్తం (కర్నాటక, ఆంధ్రప్రదేశ్)
3. టెక్ టైటన్స్ -  ఇంటరాక్టివ్ లేఖనానికి సాయపడే స్మార్ట్ హ్యాండ్‌ రైటింగ్ లెర్నింగ్ పరికరం.
4. ప్రోటోమైండ్స్ – ఎడ్యుస్పార్క్ (ఢిల్లీ, కేరళ, ఉత్తరప్రదేశ్, బీహార్)
5. ఎపెక్స్ అచీవర్స్ - బాడ్‌మాస్ క్వెస్ట్: స్మార్టర్ ఎడ్యుకేషన్‌కు ఉద్దేశించిన గేమిఫైడ్ మ్యాథ్ లెర్నింగ్
6. సైన్స్‌వర్స్ - బాలలు ఇంటరాక్టివ్ పద్ధతిలో విద్య నేర్చుకోవడానికి  ఉపయోగించి తీరాల్సిన చేతులతో పట్టుకోవాల్సిన సాధనాలు (హ్యాండ్‌హెల్డ్ డివైస్‌లు)
7. వీ20 - వీఫిట్ - ఆట ఆడుతూ విద్య నేర్చుకొనే ఇంటరాక్టివ్ పద్ధతి (తమిళనాడు)
8. వారియర్స్ - మహా- శాస్త్ర (ఢిల్లీ)
9. కిడ్డీమైత్రి - చేతులతో పట్టుకోవాల్సిన మేథమేటికల్ గేమింగ్ కన్సోల్ (ముంబయి, ఒడిశా, కర్నాటక)
10. ఈ-గ్రూట్స్  (E-GROOTS ) - మైక్రో కంట్రోలర్ మాస్టరీ కిట్ (తమిళనాడు)
...........................................................................................

ఇండియన్ డిజిటల్ గేమింగ్ సొసైటీ అధ్యక్షుడు శ్రీ రాజన్ నవానీ మాట్లాడుతూ, భారత్‌లో సృజనాత్మక ప్రతిభావంతులు, సాంకేతిక ప్రతిభావంతులు గేమిఫికేషన్, ఇంటరాక్టివ్  కంటెంట్‌లకున్న శక్తిని  ఉపయోగించుకొంటూ విద్యారంగం సిసలైన అవసరాల్ని తీర్చే పరిష్కారాలను ఎలా రూపొందించగలిగిందీ ఈ పోటీ చాటి చెప్పిందన్నారు.
ఇన్నొవేట్2 ఎడ్యుకేట్ ఛాలెంజ్ నిర్వహణకు బాధ్యత వహిస్తున్న సమాచార, ప్రసార శాఖ నోడల్ అధికారి శ్రీ ఆశుతోష్ మోహ్లే మాట్లాడుతూ, వేవ్స్ హ్యాండ్‌హెల్డ్ వీడియోగేమ్ డిజైన్ ఛాలెంజ్ కేవలం గేమింగ్ గురించే కాదనీ, ఇది భారత్‌లోని హార్డ్‌వేర్ అనుబంధ విస్తారిత వ్యవస్థలో నవకల్పనకు సంబంధించిన కొత్త ప్రయత్నాలను ప్రోత్సహించడానికి కూడా సంబంధించిందన్నారు. ‘‘మైక్రో కంట్రోలర్ల‌ను ఉపయోగించుకొంటూ భారత్ సెమీకండక్టర్ మిషన్ లక్ష్యాలను సంధానించి, స‌ృజనశీలత, సాంకేతికతల కలబోత ద్వారా కలలు కనేందుకూ, డిజైన్ చేసేందుకూ, తుదిరూపాన్ని ఇవ్వడానికీ యువతకు మేం ప్రేరణనిస్తున్నామ’’న్నారు.

తాత్కాలికంగా ఎంపికైన అగ్రగామి 10 బృందాలు వాటి ఆలోచనలను, ముంబయిలో వేవ్స్ 2025ను నిర్వహించే సందర్బంగా ఒక ప్రత్యేక కార్యక్రమంలో సమర్పించనున్నాయి. ఛాలెంజిలో విజేతలుగా నిలిచే బృందాలను మంత్రిత్వ శాఖ గ్రాండ్ ఫినాలేలో సన్మానిస్తుంది.                               

ఇండియన్ డిజిటల్ గేమింగ్ సొసైటీ గురించి:
భారత్‌లో వీడియో గేమింగ్‌కూ, ఈస్పోర్ట్‌స్‌ కూ, ఇంటరాక్టివ్ మీడియా, డిజిటల్ వినోదాలకూ ప్రోత్సాహాన్ని అందిస్తున్న ఓ ముఖ్య పారిశ్రామిక సంస్థే ఐడీజీఎస్. ఇది ప్రతిభకు మెరుగులు దిద్దడం, నవకల్పనలతోపాటు పరిశ్రమ సహకారపూర్వక కార్యక్రమాలకు వెన్నుదన్నుగా నిలుస్తోంది.
వేవ్స్ గురించి:
ప్రసార మాధ్యమాలు, వినోద (ఎం అండ్ ఈ) రంగంలో సరికొత్త ప్రస్థానం కానున్న తొలి ప్రపంచ దృశ్య, శ్రవణ, వినోద శిఖరాగ్ర సదస్సు (వరల్డ్ ఆడియో వీడియో అండ్ ఎంటర్‌టైన్‌మెంట్ సమ్మిట్.. ‘వేవ్స్’)ను భారత ప్రభుత్వం మే 1 నుంచి 4 వరకు మహారాష్ట్ర లోని ముంబయిలో నిర్వహించనుంది.
ఈ రంగంలో నిపుణులు, పెట్టుబడిదారుడు, రూపకర్త, ఆవిష్కర్త... ఏ పాత్రను మీరు పోషిస్తున్నా సరే... ప్రసార మాధ్యమాలు, వినోద రంగంతో అనుసంధానం కావడానికీ, సహకారం పెంపొందించుకోవడానికీ, నూతన ఆవిష్కరణలు చేయడానికీ, మీ వంతు తోడ్పాటు అందించడానికీ అంతర్జాతీయ వేదికను ఈ శిఖరాగ్ర సదస్సు మీకు అందిస్తుంది.
భారత్ సృజనాత్మక శక్తిని ప్రోత్సహించడానికి వేవ్స్ సన్నద్ధమవుతోంది. దీంతో కంటెంట్ రూపకల్పన, మేధోహక్కులు, సాంకేతిక నవకల్పనలకు కూడలిగా భారత్‌ స్థానం బలోపేతం కానుంది. ఈ సందర్భంగా ప్రత్యేక దృష్టిని కేంద్రీకరించే రంగాలు, పరిశ్రమలలో ప్రసార రంగం, ప్రింట్ మీడియా, టెలివిజన్, రేడియో, చలనచిత్రాలు, యానిమేషన్, విజువల్ ఎఫెక్ట్స్, గేమింగ్, కామిక్స్, ధ్వని- సంగీతం, ప్రకటనలు, డిజిటల్ మీడియా, సామాజిక మాధ్యమ వేదికలు, జనరేటివ్ ఏఐ, ఆగ్మెంటెడ్ రియాల్టీ (ఏఆర్), వర్చువల్ రియాల్టీ (వీఆర్), ఎక్స్‌‌టెండెడ్ రియాల్టీ (ఎక్స్‌ఆర్) వంటివి ఉన్నాయి.
మీరేమైనా ప్రశ్నలు అడగదలచుకొన్నారా? వాటికి సమాధానాలు చూడండిక్కడ :    here
పీఐబీ టీం వేవ్స్‌ ( PIB Team WAVES ) విడుదల చేసే అత్యంత తాజా ప్రకటనలను ఎప్పటికప్పుడు తెలుసుకుంటూ ఉండండి

వేవ్స్ కోసం నమోదు చేసుకోండి:  now

***