ஜம்மு காஷ்மீர் யூனியன் பிரதேசத்தில் வளர்ச்சித் திட்டங்கள் குறித்த ஆய்வுக் கூட்டம் மத்திய உள்துறை மற்றும் கூட்டுறவுத்துறை அமைச்சர்  திரு அமித் ஷா தலைமையில் ஸ்ரீநகரில் இன்று நடைபெற்றது. இந்தக் கூட்டத்தில் ஜம்மு காஷ்மீர் துணைநிலை ஆளுநர் திரு. மனோஜ் சின்ஹா, முதலமைச்சர் திரு. உமர் அப்துல்லா, மத்திய உள்துறை செயலாளர் மற்றும் மத்திய மற்றும் ஜம்மு காஷ்மீர் அரசுகளின் மூத்த அதிகாரிகள் கலந்து கொண்டனர்.

வளர்ச்சியடைந்த ஜம்மு-காஷ்மீரை உருவாக்க மோடி அரசு அசைக்க முடியாத தீர்மானத்துடன் செயல்பட்டு வருவதாக மத்திய உள்துறை அமைச்சர் கூறினார். பிரதமர் திரு. நரேந்திர மோடியின் அயராத முயற்சிகள், வளர்ச்சி மற்றும் நலத்திட்டங்கள் மூலம் ஒவ்வொரு குடிமகனுக்கும் வளம் என்ற புதிய சகாப்தத்தை உருவாக்கி வருவதாக அவர் கூறினார். ஜம்மு-காஷ்மீர் ஒவ்வொரு துறையிலும் வளர்ச்சிப் பாதையில் வேகமாக சென்று கொண்டிருக்கிறது என்று திரு ஷா கூறினார்.

ஜம்மு-காஷ்மீரில் வளர்ச்சியின் வேகத்தை விரைவுபடுத்துவதற்கான திரு மோடி அரசின் அயராத முயற்சிகள், யூனியன் பிரதேசத்தின் அனைத்துத் துறைகளிலும் விரிவான மாற்றங்களை ஏற்படுத்தியுள்ளன. ஆய்வுக் கூட்டத்தின் போது, மின்சாரம், இணைப்பு, தொழில், சுற்றுலா, விவசாயம் போன்ற துறைகளில் யூனியன் பிரதேசத்தின் சாதனைகள் மத்திய உள்துறை அமைச்சரிடம்  தெரிவிக்கப்பட்டன. இது தவிர, மத்திய உள்துறை அமைச்சகம் இதுவரை ஜம்மு-காஷ்மீருக்கு வழங்கிய நிதி உதவி மற்றும் 2024-25 நிதியாண்டில் பல்வேறு தலைப்புகளின் கீழ் யூனியன் பிரதேசத்திற்கு ஒதுக்கப்பட்ட நிதி உதவியும் விளக்கக்காட்சியில் குறிப்பிடப்பட்டுள்ளது. ஜம்மு-காஷ்மீரில் வளர்ச்சியின் வேகத்தை மேலும் விரைவுபடுத்த தேவையான அனைத்து நடவடிக்கைகளையும் எடுக்குமாறு உள்துறை அமைச்சர் அறிவுறுத்தினார், இதனால் யூனியன் பிரதேசத்தின் முழு திறனையும் பயன்படுத்த முடியும்.

பிரதமர் திரு நரேந்திர மோடியின் தலைமையின் கீழ், ஜம்மு-காஷ்மீரில் வளர்ச்சியின் புதிய பரிமாணங்களை நிறுவவும், உள்ளூர் மக்களின் வளத்திற்கு வழி வகுப்பதற்கும் இந்திய அரசு முழுமையாக உறுதிபூண்டுள்ளது. பொது நலனின் ஒவ்வொரு அம்சத்திலும் அனைத்தையும் உள்ளடக்கிய வளர்ச்சி, நேர்மறையான சீர்திருத்தங்கள் மூலம் ஜம்மு-காஷ்மீரை மாற்றுவதற்கான திரு மோடி அரசின் உறுதிப்பாட்டை அடிக்கோடிட்டுக் காட்டுகிறது.

******

RB/DL