કેન્દ્રીય ગૃહ મંત્રી અને સહકારિતા મંત્રી શ્રી અમિત શાહની અધ્યક્ષતામાં આજે શ્રીનગરમાં કેન્દ્ર શાસિત પ્રદેશ જમ્મુ અને કાશ્મીરમાં વિકાસલક્ષી પરિયોજનાઓ પર સમીક્ષા બેઠક યોજાઈ હતી. આ બેઠકમાં જમ્મુ અને કાશ્મીરનાં ઉપરાજ્યપાલ શ્રી મનોજ સિંહા, મુખ્યમંત્રી શ્રી ઓમર અબ્દુલ્લા, કેન્દ્રીય ગૃહ સચિવ અને કેન્દ્ર અને જમ્મુ-કાશ્મીર સરકારનાં વરિષ્ઠ અધિકારીઓ ઉપસ્થિત રહ્યાં હતાં.

કેન્દ્રીય ગૃહમંત્રીએ કહ્યું કે મોદી સરકાર વિકસિત જમ્મુ-કાશ્મીરના નિર્માણની દિશામાં અતૂટ સંકલ્પ સાથે કામ કરી રહી છે. તેમણે કહ્યું હતું કે, પ્રધાનમંત્રી શ્રી નરેન્દ્ર મોદીનાં અથાગ પ્રયાસોથી વિકાસ અને કલ્યાણકારી પહેલો મારફતે દરેક નાગરિક માટે સમૃદ્ધિનાં નવા યુગનો પ્રારંભ થયો છે. શ્રી શાહે જણાવ્યું હતું કે, જમ્મુ અને કાશ્મીર દરેક ક્ષેત્રમાં વૃદ્ધિનાં માર્ગે અગ્રેસર છે.

જમ્મુ-કાશ્મીરમાં વિકાસની ગતિને વેગ આપવા માટે મોદી સરકારના અથાગ પ્રયત્નોને પરિણામે કેન્દ્રશાસિત પ્રદેશના તમામ ક્ષેત્રોમાં વ્યાપક ફેરફારો થયા છે. આ સમીક્ષા બેઠક દરમિયાન કેન્દ્ર શાસિત પ્રદેશની સત્તા, જોડાણ, ઉદ્યોગ, પ્રવાસન, કૃષિ વગેરે ક્ષેત્રોમાં મેળવેલી સિદ્ધિઓને કેન્દ્રીય ગૃહમંત્રી સમક્ષ રજૂ કરવામાં આવી હતી. આ ઉપરાંત કેન્દ્રીય ગૃહ મંત્રાલય દ્વારા જમ્મુ-કાશ્મીરને અત્યાર સુધી આપવામાં આવેલી આર્થિક સહાય અને કેન્દ્ર શાસિત પ્રદેશને નાણાકીય વર્ષ 2024-25માં વિવિધ મથાળા હેઠળ ફાળવવામાં આવેલી આર્થિક સહાયનો પણ રજૂઆતમાં ઉલ્લેખ કરવામાં આવ્યો હતો. ગૃહમંત્રીએ કેન્દ્ર શાસિત પ્રદેશની સંપૂર્ણ ક્ષમતાનો ઉપયોગ કરી શકાય તે માટે જમ્મુ-કાશ્મીરમાં વિકાસની ગતિને વધુ ઝડપી બનાવવા માટે જરૂરી તમામ પગલાં ભરવાનો નિર્દેશ આપ્યો હતો.

પ્રધાનમંત્રી શ્રી નરેન્દ્ર મોદીના નેતૃત્વમાં ભારત સરકાર જમ્મુ-કાશ્મીરમાં વિકાસના નવા આયામો સ્થાપિત કરવા અને સ્થાનિક લોકો માટે સમૃદ્ધિનો માર્ગ મોકળો કરવા સંપૂર્ણપણે પ્રતિબદ્ધ છે. જનકલ્યાણના દરેક પાસામાં સર્વસમાવેશક વિકાસ હકારાત્મક સુધારાઓ દ્વારા જમ્મુ-કાશ્મીરની કાયાપલટ કરવાની મોદી સરકારની કટિબદ્ધતાને રેખાંકિત કરે છે.

AP/IJ/GP/JD