مرکزی وزیر داخلہ اور کوآپریٹیو  کے وزیر جناب امت شاہ نے آج سری نگر میں مرکزی زیر انتظام جموں و کشمیر میں ترقیاتی پروجیکٹوں پر ایک جائزہ میٹنگ کی صدارت کی۔ میٹنگ میں جموں و کشمیر کے لیفٹیننٹ گورنر جناب منوج سنہا، وزیر اعلیٰ عمر عبداللہ، مرکزی داخلہ سکریٹری اور مرکزی اور جموں و کشمیر حکومتوں کے سینئر افسران نے شرکت کی۔

مرکزی وزیر داخلہ نے کہا کہ مودی حکومت ایک ترقی یافتہ جموں و کشمیر کی تعمیر کے لیے غیر متزلزل عزم کے ساتھ کام کر رہی ہے۔ انہوں نے کہا کہ وزیر اعظم جناب نریندر مودی کی انتھک کوششیں ترقی اور فلاحی اقدامات کے ذریعے ہر شہری کے لیے خوشحالی کے ایک نئے دور کا آغاز کر رہی ہیں۔ جناب شاہ نے کہا کہ جموں و کشمیر ہر شعبے میں ترقی کی راہ پر گامزن ہے۔

جموں و کشمیر میں ترقی کی رفتار کو تیز کرنے کے لیے مودی حکومت کی انتھک کوششوں کے نتیجے میں مرکز کے زیر انتظام علاقے میں تمام شعبوں میں جامع تبدیلیاں آئی ہیں۔ جائزہ میٹنگ کے دوران مرکزی وزیر داخلہ کو بجلی، رابطہ کاری، صنعت، سیاحت، زراعت وغیرہ کے شعبوں میں مرکز کے زیر انتظام علاقے کی کامیابیوں کو پیش کیا گیا۔ اس کے علاوہ مرکزی وزارت داخلہ کے ذریعہ جموں و کشمیر کو اب تک دی گئی مالی امداد اور مالی سال 2024-25 میں مختلف سربراہوں کے تحت مرکزی زیر انتظام علاقہ کو مختص کی گئی مالی امداد کا بھی پریزنٹیشن میں ذکر کیا گیا۔ وزیر داخلہ نے جموں و کشمیر میں ترقی کی رفتار کو مزید تیز کرنے کے لیے تمام ضروری اقدامات اٹھانے کی ہدایت دی تاکہ مرکز کے زیرانتظام علاقے کی پوری صلاحیت کو بروئے کار لایا جا سکے۔

وزیر اعظم جناب نریندر مودی کی قیادت میں حکومت ہند جموں و کشمیر میں ترقی کی نئی جہتیں قائم کرنے اور مقامی لوگوں کے لیے خوشحالی کی راہ ہموار کرنے کے لیے پوری طرح پرعزم ہے۔ عوامی فلاح و بہبود کے ہر پہلو میں ہمہ گیر ترقی، مثبت اصلاحات کے ذریعے جموں و کشمیر کو تبدیل کرنے کے مودی حکومت کے عزم کو واضح کرتی ہے۔

****

ش ح۔ ف خ ۔ خ م

U.No:9701