নুপী অমসুং অঙাংশিংগী চাওখৎ থৌরাং মন্ত্রালয়না ২০২৫ এপ্রিল ৮ দগী ২২ ফাওবা মচি ওইবা চীঞ্জাক ৱাৎপগী লায়নাশিং কোকহন্নবা ভারত লৈঙাক্না পায়খৎলিবা থৌরাংশিংগী মনুং চন্না পোসন পক্ৱারাগী ৭শুবা ইদিসন পাঙথোক্কদৌরি‍। চহি অসিগী পোসন পখ্বারানা মরুওইবা থীম মরি: পুন্সিগী অহান্বা নুমিৎ ১০০ নিদা মীৎয়েঙ থম্বা, পোসন ত্রেক্করগী বেনিফিসরী/সিতিজন মোদুল পোপুলরাইজেসন তৌবা, সি.এম.এ.এম.গী খুত্থাঙদা মেলন্যুত্রিসন মেনেজ তৌবা, অমদি অঙাংশিংদা মশা নোয়বা কোকহন্নবা মশা মউ ফবা পুন্সি মহিং হায়বসিদা মীৎয়েঙ থমগনি‍।

প্রধান মন্ত্রীনা হৌদোকখিবা ফ্লেগসিপ ওইবা থৌরাং পোসন অভিয়ান্না মীরোনবী নুপী, খোমজিংলিবা মমা, ইনখৎলক্লিবী নুপীমচাশিং, অমদি চহি ০৬ কী মখাদা লৈবা অঙাংশিংদা মেলন্যুত্রিসন থেংননবা অমদি মচি ওইবা চীঞ্জাক চাবা হেনগৎহন্নবা মাগী পান্দমদা মাঙদা চঙশিল্লি‍। চহি অসিগী পোসন পখ্বারানা কন্তেন্ত, দেলিভরী, আউতরীচ, অমদি আউতকম মপাঙ্গল কনখৎহনবদা মরুওইবা থৌদাং লৌগনি‍। হেন্না পাক চাউবা মিসন সক্সম অঙ্গনৱাদি অমদি পোসন ২.০গী মনুং চন্না, থৌশিল অসিনা হকচাঙ ফবা, তিঞ্জং কায়জঙদবা, অমদি লায়না অমসুং মেলন্যুত্রিসনগী মায়োক্তা ইম্ম্যুনিতী কনখৎহনবদা মীৎয়েঙ থম্লি‍।

পোসন পখ্বারা হৌদোকপা নুমিত্তা দব্লিউ.সি.দি.গী রাজ্য মন্ত্রী শ্রীমতি সাবিত্রি থাকুরনা ৱেবকাস্ত অমগী খুত্থাঙদা পার্ত্নর মন্ত্রালয় ১৮ অমদি স্তেত দব্লিউ.সি.দি. দিপার্তমেন্তকী ওফিসরশিং, অমদি স্তেত/য়ু.তি. পুম্নমক্কী অঙ্গনৱাদী ৱর্করশিংগী মফমদা ৱা ঙাংগনি‍‍। ৱেবকাস্ত লিঙ্ক: https://webcast.gov.in/mwcd (এপ্রিল ৮, ২০২৫, নুমিৎয়ুংবা পুং ১২)

নুপী অমসুং অঙাংশিংগী চাওখৎ থৌরাংগী কেন্দ্র মন্ত্রী, শ্রীমতি অনুপুর্ন দেবীনা পখ্বারাগী অহানবা চয়োলদা অরুনাচল প্রদেশকী নুপী অমসুং অঙাংশিং মপাঙ্গল কনখৎহন্নবা পান্দম থমদুনা পায়খৎলিবা থৌশিলশিং য়েংশিন্নবা স্তেত অদুদা চৎকনি‍। খোঙচঙ অসি খুদোংচাবা ৱাৎলবা কাঙলুপশিংগী য়াইফ-থৌরাংগী থবক থৌরমশিং ফগৎহন্নবা অমদি মখোয়গী ঙাকশেল অমদি মশা মউ ফবা হেনগৎহন্নবা লৈঙাক্না লেপ্তনা পায়খৎলিবা থৌরাংগী পরিংদনি‍।

পোসন পখ্বারা অসি ফংগদবা মহৈদা য়ুম্ফম ওইগনি‍। মসিনা খুঙ্গং, ব্লোক, অমদি দিস্ত্রিক্তকী থাক্তা য়ুম য়ুমদা চত্তুনা, কম্ম্যুনিতী আউতরীচ থৌরম, শক খঙদোক্নবা দ্রাইব অমদি কেম্পশিং পাঙথোক্তুনা গ্রাসরুতকী থাক্তা ন্যুত্রিসনগী ফীভম ফগৎহন্নবা তোঙান তোঙানবা স্তেকহোল্দরশিং পুনশিন্নহন্নবা পান্দম থম্লি‍। মসিনা মীয়ামবু মপুং ফাবা ন্যুত্রিসনগী মরমদা খঙহনবা, মপুং ফানা মচাদা খোম পীথকপা অমদি অৱাৎপা মেনশিনবা ওইনা অতৈ চীঞ্জাক পীজবগী থৌওং য়োকখৎপা, অমদি পোসন ত্রেকরগী বেনিফিসরী/সিতিজন মোদুলবু মীয়াম মপাঙ্গল হাপ্নবা অমদি শরুক য়াহন্নবা খুৎলায় অমা ওইনা শীজিন্নবগী থৌওং মীয়ামদা পাক শন্না য়ৌহনবদা মীৎয়েঙ থমগনি‍।

পোসন অভিয়ান হৌদোকপদগী হৌনা, লৈবাক শিনবা থউংনা পোসন পখ্বারাগী থৌরম তরুক্লক পাঙথোকখ্রে‍। পোসন পখ্বারা মনুংদা পাঙথোক্লিবা জন অন্দোলনগী থবক থৌরমশিং অসি মন্ত্রালয়খক্তদা লোইবা নত্তনা, অকনবা পুম্নমক পুনশিন্দুনা থবক পায়খৎপগী মচাক অমসু য়াওদুনা, খুঙ্গং চাওখৎ থৌরাং, হকশেল অমদি য়াইফ-য়ুম্বাল, জল শক্তি, পঞ্চায়তি রাজ, মহৈ মশিংগী মন্ত্রালয়শিংনচিংবা খোঙবু ওইরিবা মন্ত্রালয়শিংনা মতম অসিদা তোঙান তোঙানবা থৌরম/দ্রাইবশিং পাঙথোকই‍। পোসন পখ্বারা ২০২৫ মনুংদা লৈবাক থুংনা স্তেত/য়ু.তি.শিংনা থৌরাং তৌরিবা তোঙান তোঙানবা থবক থৌরমশিংনসু ‘এক ভারত শ্রেস্থ ভারত’ কী ৱাখল্লোন অকনবা মওংদা উত্থোক্কনি‍।

মীয়ামবু পাক শন্না শরুক য়াহন্দুনা, পোসন পখ্বারা ২০২৫ না লনাই, মীয়াম, অমদি লৈবাক্কী থাক খুদিংদা মচি ওইবা মচলগী মরুওইবগী মতাঙদা পাক শন্না খঙহন্নবা, - অমদি প্রধান মন্ত্রীগী মঙলানগা চুননা সুপোসিত ভারত অমা পুরক্নবা থবক তৌনবা পান্দমদা লেপ্তনা চঙশিনখিগনি‍।

****