ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ (ଏମଆଇବି) ଇଣ୍ଡିଆନ୍ କମିକ୍ସ ଆସୋସିଏସନ୍ (ଆଇସିଏ) ଏବଂ ଆସିଫା ଇଣ୍ଡିଆର ମିଳିତ ସହଯୋଗରେ ୱେଭ୍ସ କ୍ରିଏଟର୍ ଇନ୍ ଇଣ୍ଡିଆ ଚ୍ୟାଲେଞ୍ଜ ଅଧୀନରେ ଦୁଇଟି ସମ୍ମାନଜନକ ପ୍ରତିଯୋଗିତା - ୱେଭ୍ସ କମିକ୍ସ କ୍ରିଏଟର ଚାମ୍ପିୟନଶିପ୍ ଏବଂ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ ପାଇଁ ଫାଇନାଲିଷ୍ଟ ଘୋଷଣା କରିଛି।

ବିଷୟବସ୍ତୁ ସୃଷ୍ଟି, ବୌଦ୍ଧିକ ସମ୍ପତ୍ତି ଏବଂ ବୈଷୟିକ ଅଭିନବତା ପାଇଁ ଏକ ବିଶ୍ୱସ୍ତରୀୟ କେନ୍ଦ୍ର ଭାବରେ ଦେଶର ସମ୍ଭାବନା ଉପରେ ଆଲୋକପାତ କରି ଏହି ପ୍ରତିଯୋଗିତାଗୁଡିକ ସମଗ୍ର ଭାରତ ଏବଂ ଅନ୍ତର୍ଜାତୀୟ ସ୍ତରରୁ ଅଂଶଗ୍ରହଣକୁ ଆକର୍ଷିତ Â କରିଛି । ମେ ୧ ରୁ ୪, ୨୦୨୫ ପର୍ଯ୍ୟନ୍ତ ମୁମ୍ବାଇରେ ଅନୁଷ୍ଠିତ ହେବାକୁ ଥିବା ୱାର୍ଲ୍ଡ ଅଡିଓ ଭିଜୁଆଲ ଆଣ୍ଡ ଏଣ୍ଟରଟେନମେଣ୍ଟ ସମିଟ (ୱେଭ୍ସ ୨୦୨୫)ରେ ବିଜେତାଙ୍କ ନାମ ଘୋଷଣା କରାଯିବ।

ପିଆଇବି, ଭୋପାଳର ଅତିରିକ୍ତ ମହାନିର୍ଦେଶକ ଶ୍ରୀ ପ୍ରଶାନ୍ତ ପଥରବେ କହିଛନ୍ତି ଯେ, ୱେଭ୍ସ ହେଉଛି ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ , ଯାହା ବୃତ୍ତିଗତ ଉଦ୍ୟୋଗୀ, ନିବେଶକ, ଉତ୍ପାଦକ ଏବଂ ଉଦ୍ଭାବକମାନଙ୍କୁ ମନୋରଞ୍ଜନ କ୍ଷେତ୍ର ସହିତ ଯୋଡିବା, ସହଯୋଗ କରିବା, ଉଦ୍ଭାବନ କରିବା ଏବଂ ଯୋଗଦାନ କରିବା ପାଇଁ ଏକ ବିଶ୍ୱସ୍ତରୀୟ ପ୍ଲାଟଫର୍ମ ପ୍ରଦାନ କରେ ।

ୱେଭ୍ସ କମିକ୍ସ କ୍ରିଏଟର ଚାମ୍ପିୟନଶିପ୍ :

ଇଣ୍ଡିଆନ୍ କମିକ୍ସ ଆସୋସିଏସନ୍ (ଆଇସିଏ)ର ସଭାପତି ଅଜିତେଶ ଶର୍ମା କହିଛନ୍ତି ଯେ ଆଇସିଏ ଫାଇନାଲ ରାଉଣ୍ଡ ପାଇଁ ୧୦ଟି ଦଳ ଚୟନ କରିଛି ଏବଂ ଚୂଡ଼ାନ୍ତ ରାଉଣ୍ଡ ପାଇଁ ପ୍ରାର୍ଥୀ ଚୟନ କରାଯାଇଛି।

କମିକ୍ସ କ୍ରିଏଟର ଚାମ୍ପିୟନଶିପ୍ ର ଫାଇନାଲିଷ୍ଟମାନେ ହେଉଛନ୍ତି :

ଫାଇନାଲିଷ୍ଟ - ବୃତ୍ତିଗତ ବର୍ଗ :

୧. ମୋହିତ ଶର୍ମା (ମିରଟ) – ଆୟୁଷ କୁମାର (ଦିଲ୍ଲୀ)

୨. ଅପର୍ଣ୍ଣା ଚୌରାସିଆ (ଛତ୍ରପୁର)

୩. ବିଜୟ ରବୀନ୍ଦ୍ରନ (ଦିଲ୍ଲୀ)- ତଦମ ଗୟାଦୁ (ଦିଲ୍ଲୀ)

୪. ପୁନିତ ଶୁକ୍ଳା (ଗୋରଖପୁର) - ପୀୟୂଷ କୁମାର (ରାଞ୍ଚି)

୫. ତେଜସ ଜନାର୍ଦ୍ଦନ କାମ୍ବଲେ (ମୁମ୍ବାଇ)

ଫାଇନାଲିଷ୍ଟ - ଆମେଚର ବର୍ଗ:

୧. ଶୁଭୋଜିତ ପାଲ (ହାଓଡା) - ବିବେକ ପ୍ରଧାନ (ରାୟପୁର)

୨. ବିନ୍ଧ୍ୟାର୍ଶ ମିଶ୍ର (ବରେଲି)

୩. ରୋହିତ ଶୁକ୍ଳା (ଚେନ୍ନାଇ) - ଶିବାଙ୍ଗୀ ଶେଲି (ଇନ୍ଦୋର)

୪. ରିତେଶ ପାତ୍ର (କୋଲକାତା)

୫. ରଣଦୀପ ସିଂହ (କେନ୍ଦ୍ରାପଡ଼ା)

କମିକ୍ସ କ୍ରିଏଟର ଚାମ୍ପିୟନଶିପ୍ ପାଇଁ ଜୁରି ପ୍ୟାନେଲ୍

ପ୍ରତିଯୋଗିତାର ମୂଲ୍ୟାଙ୍କନ ପାଇଁ ୫ ଜଣିଆ ଜୁରି ସଦସ୍ୟମାନେ ହେଉଛନ୍ତି : ଦିଲୀପ କଦମ - ପ୍ରସିଦ୍ଧ ହାସ୍ୟ କଳାକାର ଏବଂ ଚିତ୍ରକାର; ନିଖିଲ ପ୍ରାଣ - ପ୍ରଖ୍ୟାତ ହାସ୍ୟ ନିର୍ମାତା ତଥା ପ୍ରାଣ କୁମାର ଶର୍ମାଙ୍କ ପୁଅ; ଜାଜିଲ ହୋମବୀର - ୱେବ୍ ମାଙ୍ଗ ଦ ବିଷ୍ଟ ଲିଜିଅନର ପ୍ରସ୍ତୁତକର୍ତ୍ତା; ସଞ୍ଜୟ ଗୁପ୍ତା - ରାଜ କମିକ୍ସର ପ୍ରତିଷ୍ଠାତା; ପ୍ରୀତି ବ୍ୟାସ - ଅମର ଚିତ୍ର କଥାର ଅଧ୍ୟକ୍ଷ ଓ ସିଇଓ । ଜୁରୀ ପ୍ୟାନେଲ ଏବେ ସେମିଫାଇନାଲିଷ୍ଟଙ୍କ ଏଣ୍ଟ୍ରିର ମୂଲ୍ୟାୟନ କରି ବିଜେତା ଚୟନ କରିବ। ଚୟନ ହୋଇଥିବା ୧୦ ଜଣ ଫାଇନାଲିଷ୍ଟ ୧ ରୁ ୪ ମଇ ୨୦୨୫ ପର୍ଯ୍ୟନ୍ତ ମୁମ୍ବାଇ ୱେଭ୍ସ କାର୍ଯ୍ୟକ୍ରମରେ ଅଂଶଗ୍ରହଣ କରିବେ | ଫାଇନାଲ ପ୍ରତିଯୋଗିତା ମୁମ୍ବାଇର ୱେଭ୍ସ ୨୦୨୫ରେ ଅନୁଷ୍ଠିତ ହେବ, ଯେଉଁଠାରେ ଭାରତୀୟ କମିକ୍ସର ଶ୍ରେଷ୍ଠ ପ୍ରତିଭାମାନଙ୍କୁ ଅନ୍ତର୍ଜାତୀୟ ସ୍ତରରେ ସ୍ୱୀକୃତି ଦିଆଯିବ |

ୱେଭ୍ସ ଆୱାର୍ଡ ଅଫ୍ ଏକ୍ସଲେନ୍ସ ଘୋଷଣା କଲା ଆସିଫା

କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜ ଅଧୀନରେ ଆସିଫା (ଆସୋସିଏସନ୍ ଇଣ୍ଟରନ୍ୟାସନାଲ ଡୁ ଫିଲ୍ମ ଡେ' ଆନିମେସନ୍) ଇଣ୍ଡିଆ ପକ୍ଷରୁ ଆୟୋଜିତ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସରେ ୨୮ଟି ଭାରତୀୟ ରାଜ୍ୟ ଓ ୧୩ଟି ଦେଶରୁ ୧୩୩୧ଟି ଏଣ୍ଟ୍ରି ଗ୍ରହଣ କରାଯାଇଛି।

ୱେଭ୍ସ କମିକ୍ସ କ୍ରିଏଟର ଚାମ୍ପିୟନଶିପ୍ ଏବଂ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ ଫାଇନାଲିଷ୍ଟମାନଙ୍କୁ ସମ୍ବୋଧିତ କରି ଆସିଫା ଇଣ୍ଡିଆର ସଭାପତି ଶ୍ରୀ ସଞ୍ଜୟ ଖିମେସାରା ଉଦବୋଧନ ଦେଇଥିଲେ।

ୱେଭ୍ସ ଉତ୍କର୍ଷ ପୁରସ୍କାର ପାଇଁ ଜୁରୀ

ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ (ୱେଭ୍ସ ଉତ୍କର୍ଷ ପୁରସ୍କାର) ପାଇଁ ମୂଲ୍ୟାୟନ ପ୍ରକ୍ରିୟାର Â ନେତୃତ୍ୱ ଏକ ସମ୍ମାନଜନକ ପାଞ୍ଚ ଜଣିଆ ଆନ୍ତର୍ଜାତିକ ଜୁରିଙ୍କ ଦ୍ୱାରା କରାଯାଇଥିଲା, ଯାହା ଚୟନରେ ବିଶ୍ୱସ୍ତରୀୟ ମାନଦଣ୍ଡ ସୁନିଶ୍ଚିତ କରିଥିଲା । ସେହି ଜୁରି ସଦସ୍ୟମାନେ ହେଉଛନ୍ତି ଡକ୍ଟର ଆନା​‌ସ୍ଥାସିଆ ଦିମିତ୍ରା (ଗ୍ରୀସ୍) - ଉପାଧ୍ୟକ୍ଷ, ଆସିଫା ଇଣ୍ଟରନ୍ୟାସନାଲ ଆଣ୍ଡ ଆନିମେସନ୍ ଏଜୁକେଟର; ବ୍ରିୟାନା ୟାରହାଉସ୍ (ଆମେରିକା) - ନିର୍ଦ୍ଦେଶକ, ଆୱାର୍ଡସ ଅଫ୍ ଏକ୍ସଲେନ୍ସ ଆଣ୍ଡ ପ୍ରଫେସର; ପ୍ରମିତା ମୁଖାର୍ଜୀ (ଆମେରିକା) - ସିନିୟର କ୍ରିଏଚର, ଏଫଏକ୍ସ ଡେଭଲପର, ଡ୍ରିମ୍ ୱାର୍କସ; ଧୀମନ୍ତ ବ୍ୟାସ (ଭାରତ) - ପ୍ରଫେସର ଅଫ୍ ପ୍ରାକ୍ଟିସ୍ , ଆଇଡିସି ସ୍କୁଲ ଅଫ୍ ଡିଜାଇନର, Â ବି.ଏନ୍. ବିଚାର (ଭାରତ) - ଟେକ୍ନିକୋଲର ଗେମ୍ସର କଳା ନିର୍ଦ୍ଦେଶକ।

ବିଜେତା ଏଣ୍ଟ୍ରିଗୁଡ଼ିକୁ Â ଶିଳ୍ପ ନେତୃତ୍ଵଙ୍କ ସହ ମାର୍ଗଦର୍ଶନ, ବୈଶ୍ଵିକ ପ୍ରଦର୍ଶନ ଏବଂ ନେଟୱାର୍କିଂ ସୁଯୋଗ ମିଳିବ।

ଚୂଡ଼ାନ୍ତ ନାମାଙ୍କନ -Â ପେସାଦାର

ଶ୍ରେଷ୍ଠ ୨୬ଟି ମନୋନୀତ କୃତି ମଧ୍ୟରେ ମଧ୍ୟପ୍ରଦେଶ, ମହାରାଷ୍ଟ୍ର, କେରଳ, ପଶ୍ଚିମବଙ୍ଗ, ଚଣ୍ଡିଗଡ଼, ପଞ୍ଜାବ, ରାଜସ୍ଥାନ, ଉତ୍ତରାଖଣ୍ଡ, ହରିୟାଣା, ଗୁଜରାଟ, ନୂଆଦିଲ୍ଲୀ ସମେତ ସମଗ୍ର ଭାରତରୁ ଆସିଥିବା ଛାତ୍ରଛାତ୍ରୀମାନଙ୍କର ଶୋÂ’ ରିଲ୍ / ସର୍ଟସ୍ ଅନ୍ତର୍ଭୁକ୍ତ ।

ଚୂଡ଼ାନ୍ତ ନାମାଙ୍କନ – ଛାତ୍ରଛାତ୍ରୀ

ୱେଭ୍ସ ବିଷୟରେ

ମେ ୧ ରୁ ୪, ୨୦୨୫ ପର୍ଯ୍ୟନ୍ତ ମହାରାଷ୍ଟ୍ରର ମୁମ୍ବାଇ ଠାରେ ଭାରତ ସରକାରଙ୍କ ଦ୍ୱାରା ଗଣମାଧ୍ୟମ ଏବଂ ମନୋରଞ୍ଜନ (ଏମ୍ ଆଣ୍ଡଇ) କ୍ଷେତ୍ର ପାଇଁ ଏକ ମାଇଲଖୁଣ୍ଟ କାର୍ଯ୍ୟକ୍ରମ ପ୍ରଥମ ବିଶ୍ୱ ଅଡିଓ ଭିଜୁଆଲ୍ ଆଣ୍ଡ ଏଣ୍ଟରଟେନମେଣ୍ଟ ସମ୍ମିଳନୀ (ୱେଭ୍ସ) ଆୟୋଜନ କରାଯିବ।

ଆପଣ ଜଣେ ଶିଳ୍ପ ପେସାଦାର, ନିବେଶକ, ନିର୍ମାତା କିମ୍ବା ଉଦ୍ଭାବକ ହୁଅନ୍ତୁ, ଶିଖର ସମ୍ମିଳନୀ ଏମ ଆଣ୍ଡଇ ପରିଦୃଶ୍ୟକୁ ସଂଯୋଗ କରିବା, ସହଯୋଗ କରିବା, ଉଦ୍ଭାବନ କରିବା ଏବଂ ଯୋଗଦାନ କରିବା ପାଇଁ ଚରମ ବୈଶ୍ୱିକ ପ୍ଲାଟଫର୍ମ ପ୍ରଦାନ କରେ ।

ୱେଭ୍ସ ଭାରତର ସୃଜନଶୀଳ ଶକ୍ତିକୁ ବୃଦ୍ଧି କରିବ ଏବଂ ବିଷୟବସ୍ତୁ ସୃଷ୍ଟି, ବୌଦ୍ଧିକ ସମ୍ପତ୍ତି ଏବଂ ବୈଷୟିକ ଅଭିନବତାର ଏକ କେନ୍ଦ୍ର ଭାବରେ ଏହାର ସ୍ଥିତିକୁ ବଢ଼ାଇବ । ବ୍ରଡକାଷ୍ଟିଂ, ପ୍ରିଣ୍ଟ ମିଡିଆ, ଟେଲିଭିଜନ, ରେଡିଓ, ଫିଲ୍ମ, ଆନିମେସନ, ଭିଜୁଆଲ ଇଫେକ୍ଟସ, ଗେମିଂ, କମିକ୍ସ, ସାଉଣ୍ଡ ଆଣ୍ଡ ମ୍ୟୁଜିକ, ବିଜ୍ଞାପନ, ଡିଜିଟାଲ ମିଡିଆ, ସୋସିଆଲ ମିଡିଆ ପ୍ଲାଟଫର୍ମ, ଜେନେରେଟିଭ ଏଆଇ, ଅଗମେଣ୍ଟେଡ ରିଅଲିଟି (ଏଆର), ଭର୍ଚୁଆଲ ରିଅଲିଟି (ଭିଆର) ଏବଂ ଏକ୍ସଟେଣ୍ଡେଡ ରିଅଲିଟି (ଏକ୍ସଆର) ଆଦି ଶିଳ୍ପ ଓ କ୍ଷେତ୍ର ଉପରେ ଗୁରୁତ୍ୱ ଦିଆଯାଇଛି ।

* * *

SSP