ایک قابل ذکر کامیابی میں، ہندوستان کے کوئلے کے شعبے نے مالی سال 2024-25 کے لیے مجموعی پیداوار میں ایک بلین ٹن (بی ٹی ) سنگ میل عبور کر لیا ہے۔ یہ بے مثال کارنامہ کوئلہ کی وزارت کی پیداوار کو بڑھانے، ترسیل کو ہموار کرنے اور ملک کی توانائی کی حفاظت کو مضبوط بنانے کی انتھک کوششوں کی عکاسی  کرتا ہے۔

مالی سال 2024-25 میں کوئلے کی مجموعی پیداوار اب ایک بلین ٹن کے نشان کو عبور کر چکی ہے، مالی سال 2023-24 میں 997.83 ایم ٹی  کے مقابلے 1047.57 (عارضی) تک پہنچ گئی ہے، جس میں 4.99فیصد  کی خاطر خواہ اضافہ ریکارڈ کیا گیا ہے۔ کمرشل اور کیپٹیو، اور دیگر اداروں نے بھی 197.50 ایم ٹی (عارضی) کوئلے کی شاندار پیداوار ریکارڈ کی ہے، جو کہ گزشتہ سال کی اسی مدت کے مقابلے میں 28.11 فیصد اضافہ کی عکاسی کرتی ہے جو کہ 154.16 ایم ٹی  پر ریکارڈ کی گئی تھی۔

اسی طرح، کوئلے کی ترسیل نے بھی قابل ذکر پیش رفت کا مظاہرہ کیا ہے، مالی سال 2024-25 میں کوئلے کی مجموعی ترسیل بھی ایک بی ٹی  سنگ میل سے تجاوز کر گئی ہے، جو کہ 1024.99ایم ٹی  (عارضی) تک پہنچ گئی ہے، جبکہ مالی سال 2023-24 میں 973.01 ایم ٹی کے مقابلے میں، نمایاں اضافہ کی عکاسی کرتا ہے۔ کمرشل، کیپٹیو اور دیگر اداروں سے ترسیل میں بھی نمایاں اضافہ دیکھا گیا، جو کہ 196.83ایم ٹی  (عارضی) تک پہنچ گیا، جو پچھلے سال کی اسی مدت کے مقابلے میں 31.39 فیصد اضافہ کے ساتھ تھا جو کہ 149.81 ایم ٹی  ریکارڈ کیا گیا تھا۔

یہ سنگ میل توانائی کی بڑھتی ہوئی ضروریات کو پورا کرنے کے لیے موثر تقسیم کو یقینی بناتے ہوئے گھریلو کوئلے کی پیداوار کو بڑھانے میں ہندوستان کی پیشرفت کو نمایاں کرتا ہے۔ وزارت کوئلہ خود انحصاری کو فروغ دینے، درآمدی انحصار کو کم کرنے اور ملک کی توانائی کی حفاظت اور اقتصادی لچک کو بڑھانے کے لیے پائیدار کان کنی کے طریقوں کو آگے بڑھانے کے لیے پرعزم ہے۔

*****

ش ح ۔ ال ۔ ج