କେନ୍ଦ୍ର ସରକାର ୨୦୨୪-୨୫ ଆର୍ଥିକ ବର୍ଷ ପାଇଁ ତ୍ରିପୁରା ଏବଂ କର୍ଣ୍ଣାଟକର ଗ୍ରାମୀଣ ସ୍ଥାନୀୟ ସଂସ୍ଥାଗୁଡ଼ିକ ପାଇଁ ପଞ୍ଚଦଶ ଅର୍ଥ କମିଶନ (XV FC) ଅନୁଦାନର ଦ୍ୱିତୀୟ ପର୍ଯ୍ୟାୟ ଜାରି କରିଛନ୍ତି, ଯାହା ସ୍ଥାନୀୟ ଶାସନକୁ ସୁଦୃଢ଼ ​​କରିବ ଏବଂ ଗ୍ରାମୀଣ ପରିବର୍ତ୍ତନକୁ ତ୍ୱରାନ୍ୱିତ କରିବ। ତ୍ରିପୁରାରେ ସରକାର ସମସ୍ତ ବ୍ଲକ ପଞ୍ଚାୟତ, ଜିଲ୍ଲା ପଞ୍ଚାୟତ ଏବଂ ପାରମ୍ପରିକ ସ୍ଥାନୀୟ ସଂସ୍ଥା ଏବଂ ୫୮୯ ଯୋଗ୍ୟ ଗ୍ରାମ ପଞ୍ଚାୟତକୁ ଲାଭ ପହଞ୍ଚାଇବା ପାଇଁ ୩୧ହଜାର ୧୨୫୯ କୋଟି ଟଙ୍କା ଦ୍ୱିତୀୟ କିସ୍ତି ଆବଣ୍ଟନ କରିଛନ୍ତି। କର୍ଣ୍ଣାଟକ ପାଇଁ, ରାଜ୍ୟ ସାରା ଗ୍ରାମୀଣ ସ୍ଥାନୀୟ ସଂସ୍ଥାଗୁଡ଼ିକୁ ସମର୍ଥନ କରିବା ପାଇଁ ୫୩୭୫ ଯୋଗ୍ୟ ଗ୍ରାମ ପଞ୍ଚାୟତକୁ ଅନଟାଇଡ୍ ଗ୍ରାଣ୍ଟ (ଦ୍ୱିତୀୟ କିସ୍ତି) ଭାବରେ ୪୦୪.୯୬୭୮ କୋଟି ଟଙ୍କା ପ୍ରଦାନ କରାଯାଇଛି।

ଏହି ଅନୁଦାନଗୁଡ଼ିକ ପଞ୍ଚାୟତିରାଜ ପ୍ରତିଷ୍ଠାନଗୁଡ଼ିକୁ (PRIs) ସଶକ୍ତ କରିଥାଏ, ଯାହା ସେମାନଙ୍କୁ ସମ୍ବିଧାନର ଏକାଦଶ ଅନୁସୂଚୀରେ ଉଲ୍ଲେଖ କରାଯାଇଥିବା ୨୯ଟି ବିଷୟ ଅଧୀନରେ ସ୍ଥାନ-ନିର୍ଦ୍ଦିଷ୍ଟ ଆବଶ୍ୟକତା ପୂରଣ କରିବାକୁ ସକ୍ଷମ କରିଥାଏ। ଏହି ପାଣ୍ଠି ଗୁଡ଼ିକ ଦରମା ଏବଂ ପ୍ରତିଷ୍ଠାନ ଖର୍ଚ୍ଚକୁ ବାଦ ଦେଇ ବିକାଶମୂଳକ ପଦକ୍ଷେପ ପାଇଁ ବ୍ୟବହୃତ ହୁଏ। ଏହି ଅନୁଦାନଗୁଡ଼ିକୁ ଦୁଇଟି ବର୍ଗରେ ବିଭକ୍ତ କରାଯାଇଛି:

ଅନଟାଇଡ୍ ଗ୍ରାଣ୍ଟ: ଏଗୁଡ଼ିକୁ ବିଭିନ୍ନ ସମ୍ପ୍ରଦାୟ-ନିର୍ଦ୍ଦିଷ୍ଟ ଆବଶ୍ୟକତା ପାଇଁ ବ୍ୟବହାର କରାଯାଇପାରିବ ଏବଂ ସ୍ଥାନୀୟ ଭିତ୍ତିଭୂମି ଏବଂ ବିକାଶ ପ୍ରକଳ୍ପଗୁଡ଼ିକୁ ବୃଦ୍ଧି କରିବା ପାଇଁ ଲକ୍ଷ୍ୟ ରଖାଯାଇଛି।

ବନ୍ଧିତ ଅନୁଦାନ: ସ୍ୱଚ୍ଛତା (ଖୋଲାରେ ମଳତ୍ୟାଗ କରିବାରୁ ନିବୃତ ରହିବା, ପରିଷ୍କାର ପରିଚାଳନା ଏବଂ ମଳ ପଙ୍କ ପରିଚାଳନା ସମେତ) ପାନୀୟ ଜଳ (ବୃଷ୍ଟିଜଳ ଅମଳ ଏବଂ ଜଳ ପୁନଃଚକ୍ରଣ ସମେତ) ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ର ପାଇଁ ସ୍ୱତନ୍ତ୍ର ଭାବରେ ଆବଣ୍ଟନ କରାଯାଇଛି।

ଏହି ପାଣ୍ଠିର ମୁକ୍ତି ସମ୍ବଳର ବିକେନ୍ଦ୍ରୀକରଣ ଏବଂ ସ୍ଥାନୀୟ ସରକାରଙ୍କୁ ସଶକ୍ତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ପଞ୍ଚାୟତିରାଜ ମନ୍ତ୍ରଣାଳୟ ଏବଂ ଜଳ ଶକ୍ତି ମନ୍ତ୍ରଣାଳୟ ଦ୍ୱାରା ପରିଚାଳିତ ପଞ୍ଚଦଶ ଅର୍ଥ କମିଶନ ଅନୁଦାନ ତୃଣମୂଳ ସ୍ତରର ବିକାଶକୁ ପ୍ରୋତ୍ସାହିତ କରିବା, ସ୍ଥାନୀୟ ପ୍ରଶାସନକୁ ଉନ୍ନତ କରିବା ଏବଂ ଗ୍ରାମୀଣ ସମ୍ପ୍ରଦାୟର ନିର୍ଦ୍ଦିଷ୍ଟ ଆବଶ୍ୟକତା ଅନୁଯାୟୀ ପଦକ୍ଷେପଗୁଡ଼ିକୁ ସମର୍ଥନ କରିବା ପାଇଁ ପ୍ରସ୍ତୁତ କରାଯାଇଛି।

sws