କର୍ପୋରେଟ କାର୍ଯ୍ୟ ମନ୍ତ୍ରଣାଳୟ ପୂର୍ବ ଅଧିବେଶନର ସଫଳତାକୁ ଆଗକୁ ବଢାଇ ୨୭ ମାର୍ଚ୍ଚ ୨୦୨୫ରେ ଅପରାହ୍ଣ ୩ ଟାରୁ ସନ୍ଧ୍ୟା ୪.୪୫ ପର୍ଯ୍ୟନ୍ତ ପିଏମ୍‌ ଇଣ୍ଟର୍ଣ୍ଟସିପ୍‌ ଯୋଜନା ପାଇଁ ଆଉ ଏକ ମହତ୍ତ୍ୱପୂର୍ଣ୍ଣ କ୍ୟାଣ୍ଡିଡେଟ୍‌ ଓପନ୍‌ ହାଉସ୍‌ର ଆୟୋଜନ କରିଥିଲେ। ଯୋଗ୍ୟ ପ୍ରାର୍ଥୀଙ୍କୁ ସମର୍ଥନ ଦେବାରେ ନିଜର ନିରନ୍ତର ପ୍ରତିବଦ୍ଧତାର ଅଂଶସ୍ୱରୂପ ଏହି ସଂବାଦାତ୍ମକ ମଞ୍ଚ ଆବେଦକଙ୍କର ଆବଶ୍ୟକ ପ୍ରଶ୍ନ ପାଇଁ ମୂଲ୍ୟବାନ ସୂଚନା ଏବଂ ବାସ୍ତବ ସମୟ ଅନୁସାରେ ଉତ୍ତର ଦେଇଛି। ସାପ୍ତାହିକ ଭାବେ ଆୟୋଜିତ ହେଉଥିବା ଏହି ଓପେନ୍ ହାଉସ୍ ଅଧିବେଶନ ଆବେଦନ ପ୍ରକ୍ରିୟାରେ ଶାମିଲ ହେବାକୁ ଚାହୁଥିବା ପ୍ରାର୍ଥୀଙ୍କ ପାଇଁ ଏକ ମହତ୍ତ୍ୱପୂର୍ଣ୍ଣ ମାର୍ଗଦର୍ଶନ ଭାବେ କାର୍ଯ୍ୟ କରେ।

ନୂତନ ଅଧିବେଶନରେ ୬୮୪ରୁ ଅଧିକ ପ୍ରତ୍ୟକ୍ଷ ଉପସ୍ଥିତ ଲୋକମାନଙ୍କର ଅଭିନବ ଭାଗୀଦାରୀ ରହିଥିଲା। ଏକ ସୁବ୍ୟବସ୍ଥିତ ଓ କୁଶଳ ଆଲୋଚନା ସୁନିଶ୍ଚିତ କରିବା ପାଇଁ, ପ୍ରାର୍ଥୀଙ୍କୁ ଏକ ନିର୍ଦ୍ଦିଷ୍ଟ ଅନ୍‌ଲାଇନ୍‌ ଲିଙ୍କ ମାଧ୍ୟମରେ ତାଙ୍କର ପ୍ରଶ୍ନ ପ୍ରସ୍ତୁତ କରିବା ପାଇଁ ପ୍ରୋତ୍ସାହିତ କରାଯାଇଥିଲା, ଯାହା ଇମେଲ୍ ମାଧ୍ୟମରେ ଦିଆଯାଇଥିଲା। ଅନ୍‌ଲାଇନ୍‌ ଲିଙ୍କ ମାଧ୍ୟମରେ ପ୍ରସ୍ତୁତ ୧, ୭୬୫ ରୁ ଅଧିକ ପ୍ରଶ୍ନକୁ ପିଏମଆଇଏସ୍ ଦଳର ସଦସ୍ୟଙ୍କ ଦ୍ୱାରା ପ୍ରତ୍ୟକ୍ଷ ରୂପେ ସମ୍ବୋଧନ କରାଯାଇଥିଲା। ପ୍ରଶ୍ନଗୁଡିକ ମୂଖ୍ୟ ଭାବେ ଚୟନ ମାନଦଣ୍ଡ, ପ୍ରାର୍ଥୀତ୍ୱ ଆବଶ୍ୟକତା ଏବଂ ଯୋଜନା ମଧ୍ୟରେ କ୍ଷେତ୍ର-ବିଶିଷ୍ଟ ସୁଯୋଗ ବିଷୟରେ ଥିଲା। ଅଧିବେଶନ ସମୟରେ ଚାଟବକ୍ସ ମାଧ୍ୟମରେ ଉଠାଯାଇଥିବା ପ୍ରଶ୍ନର ମଧ୍ୟ ତୁରନ୍ତ ଉତ୍ତର ଦିଆଯାଇଥିଲା।

ଏହି ଓପେନ ହାଉସ ବିଶେଷ ଭାବରେ ପ୍ରଭାବଶାଳୀ ରହିଥିଲା, ଏଥିରେ ମହିନ୍ଦ୍ରା ଏଣ୍ଡ ମହିନ୍ଦ୍ରାର ଫାର୍ମ ଡିଭିଜନର କୌଶଳ ବିକାଶ ଏବଂ ଶିକ୍ଷା ପ୍ରମୁଖ, ଉଦ୍ୟୋଗ ବିଶେଷଜ୍ଞ ଶ୍ରୀ ଡନ ଲୁଇସ୍ ଶାମିଲ ହୋଇଥିଲେ। ଶ୍ରୀ ଲୁଇସ୍ ଇଣ୍ଟର୍ଣ୍ଣଶିପ୍, କ୍ୟାରିୟର୍ ନିର୍ମାଣ ରଣନୀତି ଏବଂ ବୃତ୍ତିଗତ ବିକାଶ ଉପରେ ମୂଲ୍ୟବାନ ଉପଦେଶ ଦେଇଥିଲେ। ସେ ଯୁବ ସମ୍ପ୍ରଦାୟକୁ ଉଦ୍ୟୋଗ ଜଗତର ପ୍ରମୁଖମାନଙ୍କ ସହିତ ଯୋଡିବା ଏବଂ ବ୍ୟବହାରିକ ଅନୁଭବ ପାଇବା ପାଇଁ ଏକ ପାରଦର୍ଶୀ ଏବଂ ସୁଲଭ ମଞ୍ଚ ପ୍ରଦାନ କରିଥିବା ପିଏମ୍‌ ଇଣ୍ଟର୍ଣ୍ଣସିପ୍‌ ଯୋଜନାର ପ୍ରଶଂସା କରିଥିଲେ। ସେ କହିଥିଲେ ଯେ, କିପରି ଭାବେ ଏକ ଶୀର୍ଷ କମ୍ପାନୀରେ ଇଣ୍ଟର୍ଣ୍ଣଶିପ୍ ଗୋଟିଏ ପ୍ରାର୍ଥୀର ଚାକିରି ସମ୍ଭାବନାକୁ ଅନେକ ମାତ୍ରାରେ ବଢାଇପାରେ। ସେ ପ୍ରାର୍ଥୀଙ୍କୁ ଚୟନ ପ୍ରକ୍ରିୟା କ୍ଷେତ୍ରରେ ସଚେତନ ରହିବାକୁ ପରାମର୍ଶ ଦେଇଥିଲେ ଏବଂ ସେମାନଙ୍କୁ ପୋର୍ଟାଲରେ ନିୟମିତ ଭାବରେ ଅପଡେଟ୍ ରହିବା ପାଇଁ ପ୍ରୋତ୍ସାହିତ କରିଥିଲେ।

ଶ୍ରୀ ଲୁଇସ ମହିନ୍ଦ୍ରା ସମୂହ ମଧ୍ୟରେ ଥିବା ରାଷ୍ଟ୍ରବ୍ୟାପୀ ସୁଯୋଗଗୁଡିକର ଉପଲବ୍ଧତା ଉପରେ ମଧ୍ୟ ଗୁରୁତ୍ୱ ଦେଇଥିଲେ, ଯାହାର ଫଳସ୍ୱରୂପ ପ୍ରାର୍ଥୀମାନଙ୍କୁ ତାଙ୍କର ମନପସନ୍ଦ ସ୍ଥାନ, ଶିକ୍ଷା ଏବଂ ଅନ୍ୟାନ୍ୟ କାରଣଗୁଡ଼ିକ ଆଧାରରେ ଆବେଦନ କରିବାର ସୁଯୋଗ ମିଳିବ।

ଭାଷା ଏବଂ ସ୍ଥାନର ସୀମା ବନ୍ଧନରୁ ମୁକ୍ତ : ଅଙ୍କିତ ଏମ୍‌ସିଏ ଓପନ୍‌ ହାଉସ୍‌ରେ ପିଏମ୍‌ଆଇଏସ୍‌ ଇଣ୍ଟର୍ଣ୍ଣ ଭାବରେ ନିଜର ବିକାଶଯାତ୍ରା ସେୟାର କଲେ

କର୍ପୋରେଟ କାର୍ଯ୍ୟ ମନ୍ତ୍ରଣାଳୟ ଦ୍ୱାରା ଆୟୋଜିତ ପିଏମ୍‌ ଇଣ୍ଟର୍ଣ୍ଣସିପ୍‌ ଯୋଜନା ପାଇଁ ତୃତୀୟ କ୍ୟାଣ୍ଡିଡେଟ୍ ଓପେନ୍ ହାଉସ୍‌ରେ ତିନି ପିଏମ୍‌ଆଇଏସ୍‌ ଇଣ୍ଟର୍ଣ୍ଣ ଶ୍ୱେତା ଜୋଶୀ, ଅଙ୍କିତ କୁମାର ଏବଂ ବିଦ୍ୟାସାଗର ପାଟିଲ୍ ତାଙ୍କର ଇଣ୍ଟର୍ଣ୍ଟଶିପ ଯାତ୍ରାରୁ ବ୍ୟକ୍ତିଗତ କାହାଣୀ ସେୟାର କରିଥିଲେ। ତାଙ୍କର କାହାଣୀ ସୁଯୋଗର ସମ୍ଭାବନାଙ୍କୁ ଉଲ୍ଲେଖ କରିଥିଲା ଏବଂ ପ୍ରମାଣ କରିଥିଲା ଯେ ଭାଷା, ସ୍ଥାନ ଏବଂ ପୃଷ୍ଠଭୂମି କାହାରି ସ୍ୱପ୍ନକୁ ପୂରଣ କରିବାରେ କୌଣସି ବାଧା ନୁହେଁ।

ମହାରାଷ୍ଟ୍ରର ନାଶିକରେ ମହିନ୍ଦ୍ରା ଏଣ୍ଡ ମହିନ୍ଦ୍ରା ଲିମିଟେଡରେ ପେଣ୍ଟର୍ ଇଣ୍ଟର୍ନ ଅଙ୍କିତ କୁମାର, ଯିଏକି ହରିୟାଣାର ମୂଳ ବାସୀନ୍ଦା କହିଥିଲେ ଯେ, କିପରି ଆଇଟିଆଇରେ ତାଙ୍କ ଗୁରୁଜୀ ତାଙ୍କୁ ଇଣ୍ଟର୍ଣ୍ଣସିପ୍‌ କରିବା ପାଇଁ ପ୍ରୋତ୍ସାହିତ କରିଥିଲେ। ଯଦିଓ ଏହା ତାଙ୍କ ଘରଠାରୁ ବହୁତ ଦୂରରେ ଥିଲା। ସେ ପ୍ରଥମରୁ ଆସିଥିବା ସମସ୍ୟାଗୁଡ଼ିକ ଉପରେ ଖୋଲାଖୋଲି କହିଥିଲେ, ବିଶେଷ ଭାବରେ ଏଇଥିପାଇଁ କାରଣ ସେ କେବଳ ହରିୟାଣା ଭାଷା କହୁଥିଲେ, ସେ ନିଜ ଗୁରୁ ଏବଂ ପର୍ଯ୍ୟବେକ୍ଷକଙ୍କ ଠାରୁ ମିଳିଥିବା ସମର୍ଥନର ପ୍ରଶଂସା କରିଥିଲେ, ଯିଏ ତାଙ୍କୁ ସ୍ୱାଗତ କରିଥିଲେ। ଅଙ୍କିତ୍‌ ଇଣ୍ଟର୍ଣ୍ଣସିପ୍‌ ଅବସରରେ ମିଳିଥିବା ଅନୁଭବଗୁଡ଼ିକ ସମ୍ପର୍କରେ ମଧ୍ୟ କହିଥିଲେ। ଯେଉଁଥିରେ ଶପ୍‌ ଫ୍ଲୋର୍‌ରେ ବ୍ୟବହାରିକ ଶିକ୍ଷା ଏବଂ କାର ଗୁଡ଼ିକ ବିଷୟରେ ଗଭୀର ତଥ୍ୟ ଯାହା ବିଷୟରେ ସେ ଆଗରୁ କେବଳ ଶୁଣିଥିଲେ।

ମଧ୍ୟପ୍ରଦେଶରୁ ଆସିଥିବା ଆଉ ଏକ ପ୍ରଶିକ୍ଷକ ଶ୍ୱେତା ଜୋଶୀ ବର୍ତ୍ତମାନ ଟେକ୍ ମହିନ୍ଦ୍ରା ସହିତ ଏସୋସିଏଟ୍ ସଫ୍ଟୱେର୍ ପ୍ରଶିକ୍ଷକ ଭାବରେ ଇଣ୍ଟର୍ଣ୍ଟସିପ୍‌ କରୁଛନ୍ତି। ସେ ଏସକ୍ୟୁଏଲ୍, ଏଡବ୍ଲ୍ୟୁଏସ କ୍ଲାଉଡ୍‌ବାଚ୍ ଏବଂ ଏନାଲିଟିକ୍ସ ସହିତ ଶିଖୁଥିବା ନୂଆ ଟୁଲ୍‌ ଏବଂ ବୈଷୟିକ ଜ୍ଞାନ ସମ୍ପର୍କରେ କଥାହେଲେ। ଗୋଟିଏ ବର୍ଷର ଇଣ୍ଟର୍ଣ୍ଣସିପ୍‌ ପୂରଣ କରିବା ପରେ ତାଙ୍କର ଯୋଜନା ସମ୍ପର୍କରେ ପଚରାଯିବାରୁ, ସେ କହିଲେ ଯେ ଇଣ୍ଟର୍ଣ୍ଣସିପ୍‌ ଦ୍ୱାରା ଅମୂଲ୍ୟ ଅନୁଭବ ପ୍ରାପ୍ତ କରିବା ପରେ, ସେ ଗୋଟିଏ ଅଗ୍ରଣୀ କମ୍ପାନୀରେ ଦୀର୍ଘକାଳୀନ ପଦ ପାଇବା ପାଇଁ ଆଶା କରୁଛନ୍ତି। ସେ ତାଙ୍କର ଏହି ମତାମତ ଏହି ମାନ୍ୟତାକୁ ମଧ୍ୟ ବ୍ୟକ୍ତ କରିଛନ୍ତି ଯେ ଗୋଟିଏ ଅଗ୍ରଣୀ ବହୁରାଷ୍ଟ୍ରୀୟ କମ୍ପାନୀ ସହିତ କାମ କରିବାର ଅନୁଭବ ତାଙ୍କର ରୋଜଗାର ସମ୍ଭାବନାକୁ ଖୁବ ମଜବୁତ୍‌ କରିବ।

ବୈଷୟିକ, ନୀତିଗତ ଏବଂ ପ୍ରକ୍ରିୟା-ସମ୍ବନ୍ଧୀ ପ୍ରଶ୍ନଗୁଡ଼ିକର ସମାଧାନ ମନ୍ତ୍ରଣାଳୟର ବୈଷୟିକ ଅଂଶୀଦାର, ବିଆଇଏସ୍‌ଏଜୀ, ସହିତ ଏମ୍‌ସିଏର ପ୍ରକଳ୍ପ ପ୍ରବନ୍ଧନ ଦଳ ଦ୍ୱାରା ସମାଧାନ ହୋଇଛି। ଓପେନ ହାଉସରେ ଭାଗ ନେଇଥିବା ବରିଷ୍ଠ ଏମସିଏ ଅଧିକାରୀମାନେ, ଯେଉଁମାନେ ପ୍ରଧାନ ପ୍ୟାନଲିଷ୍ଟ ଭାବରେ କାମ କରିଛନ୍ତି, ପିଏମଆଇଏସ ପୋର୍ଟାଲକୁ ନିର୍ଦ୍ଦେଶନା କରିବା ଏବଂ ଇଣ୍ଟର୍ଣ୍ଟସିପ୍‌ ପାଇଁ କୁଶଳୀ ବିକଳ୍ପଗୁଡିକୁ ସୃଷ୍ଟି କରିବାରେ ପ୍ରାର୍ଥୀଙ୍କୁ ମୂଲ୍ୟବାନ ମାର୍ଗଦର୍ଶନ ଦେଇଥିଲେ। ପ୍ରାର୍ଥୀଙ୍କୁ ପୋର୍ଟାଲର ଉନ୍ନତ ସୁବିଧାମାନ ଗ୍ରହଣ କରି ଏହିପରି ଅବସର ଚୟନ କରିବା ପାଇଁ ପ୍ରୋତ୍ସାହିତ କରାଯାଇଥିଲା ଯାହା ତାଙ୍କର ଶୈକ୍ଷିକ ପୃଷ୍ଠଭୂମିର ଅନୁକୂଳ ହୋଇଥିବ, ଏଥିସହ ନୂତନ କ୍ଷେତ୍ର ଏବଂ ବିଭିନ୍ନ ସ୍ଥାନର ଅନ୍ୱେଷଣ କରିବ। ଏହା ଉପରେ ଗୁରୁତ୍ୱ ଦିଆଯାଇଥିଲା ଯେ ପ୍ରାର୍ଥୀଙ୍କୁ ତାଙ୍କର ବୃତ୍ତିଗତ ଲକ୍ଷ୍ୟଗୁଡିକୁ ଅଦ୍ୱିତୀୟ ଅନୁଭବ ଲାଭ କରିବା, ଭିନ୍ନ ସଂସ୍କୃତି ଅନ୍ୱେଷଣ କରିବା ଏବଂ ତାଙ୍କର କ୍ୟାରିୟରର ସମ୍ଭାବନାଗୁଡିକୁ ବିସ୍ତାର କରିବାରେ ସନ୍ତୁଳିତ କରିବା ଉଚିତ, ଅନ୍ତତଃ ଇଣ୍ଟର୍ଣ୍ଣଶିପ୍ କାର୍ଯ୍ୟକ୍ରମ ଦ୍ଵାରା ପ୍ରସ୍ତୁତ ଅନନ୍ୟ ଶିକ୍ଷଣ ଅବସରଗୁଡ଼ିକର ଅଧିକ ଲାଭ ଉଠାଇବା ଉଚିତ୍‌।

ଏମସିଏ ଦ୍ୱାରା ପ୍ରତି ସପ୍ତାହରେ ଆୟୋଜିତ ଓପନ ହାଉସ୍ ଅଧିବେଶନ ଇଚ୍ଛୁକ ପ୍ରାର୍ଥୀଙ୍କୁ ଯଥାର୍ଥ ସମୟରେ ସେମାନଙ୍କର ପ୍ରଶ୍ନସମୂହର ସମାଧାନ ପାଇବା, ଉଦ୍ୟୋଗ ବିଶେଷଜ୍ଞ ଓ ପିଏମଆଇଏସ୍ ପ୍ରଶିକ୍ଷକମାନଙ୍କ ସହ ଯୋଗାଯୋଗ ଯୋଡିହେବା ଏବଂ ପୋର୍ଟାଲର ବିଶେଷତାଗୁଡିକ ବିଷୟରେ ଜାଣିବା ପାଇଁ ସୁଯୋଗ ପ୍ରଦାନ କରେ।

*****

MT