প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেটে আজি ইলেক্ট্ৰনিক্স যোগান শৃংখলাত ভাৰতক আত্মনিৰ্ভৰ কৰি গঢ়ি তুলিবলৈ ২২,৯১৯ কোটি টকাৰ পুঁজিৰে ইলেক্ট্ৰনিক্স উপাদান নিৰ্মাণ আঁচনিলৈ অনুমোদন জনায়।

এই আঁচনিৰ উদ্দেশ্য হৈছে ইলেক্ট্ৰনিক্স উপাদান নিৰ্মাণ পৰিস্থিতিতন্ত্ৰত বৃহৎ বিনিয়োগ (গোলকীয়/ঘৰুৱা) আকৰ্ষিত কৰি, ক্ষমতা আৰু সামৰ্থ্য বিকাশ কৰি ঘৰুৱা মূল্য সংযোজন (ডিভিএ) বৃদ্ধি কৰি, আৰু ভাৰতীয় কোম্পানীসমূহক গ্লোবেল ভেল্যু চেইন (জিভিচি)ৰ সৈতে একত্ৰিত কৰি এক শক্তিশালী উপাদান পৰিৱেশ তন্ত্ৰ বিকশিত কৰা।

লাভালাভসমূহ:

আঁচনিখনৰ জৰিয়তে ৫৯,৩৫০ কোটি টকাৰ বিনিয়োগ আকৰ্ষিত কৰাৰ পৰিকল্পনা কৰা হৈছে, যাৰ ফলত ৪,৫৬,৫০০ কোটি টকা মূল্যমানৰ নিৰ্মাণ সম্ভৱ হ'ব আৰু ইয়াৰ বাবে ৯১,৬০০ গৰাকী ব্যক্তি অতিৰিক্ত প্ৰত্যক্ষ নিযুক্তি আৰু বহুতো পৰোক্ষ চাকৰিৰ  সৃষ্টি হ'ব।

আঁচনিখনৰ মুখ্য বিশেষত্বসমূহ:

1. এই আঁচনিখনে বিভিন্ন শ্ৰেণীৰ উপাদান আৰু উপাংশসমূহৰ বাবে বৰ্তি অহা নিৰ্দিষ্ট অক্ষমতাসমূহ দূৰ কৰাৰ বাবে নিৰ্ধাৰিত ভাৰতীয় নিৰ্মাতাসকলক পৃথক প্ৰেৰণা প্ৰদান কৰিব যাতে তেওঁলোকে প্ৰযুক্তিগত সামৰ্থ্য আহৰণ কৰিব পাৰে আৰু পৰিমাপযোগ্য অৰ্থনীতি আহৰণ কৰিব পাৰে। আঁচনিখনৰ অধীনত অন্তৰ্ভুক্ত লক্ষ্য খণ্ড আৰু আগবঢ়োৱা উদগণিসমূহ নিম্নোল্লিখিত ধৰণৰ:

2. আঁচনিখনৰ কাৰ্যকাল হৈছে প্ৰস্তুতি পৰ্বৰ এক (১) বছৰৰ সৈতে ছয় (৬) বছৰ।
3. উদগণিৰ এটা অংশৰ পৰিশোধ নিযুক্তিৰ লক্ষ্য প্ৰাপ্তিৰ সৈতে সম্পৰ্কিত।

পটভূমি:

ইলেক্ট্ৰনিক্স হৈছে বিশ্বব্যাপী সৰ্বাধিক ব্যৱসায় কৰা আৰু দ্ৰুতগতিত বিকশিত হোৱা উদ্যোগসমূহৰ অন্যতম আৰু ই বিশ্ব অৰ্থনীতি গঠন আৰু এখন দেশৰ অৰ্থনৈতিক আৰু প্ৰযুক্তিগত বিকাশত এক গুৰুত্বপূৰ্ণ ভূমিকা পালন কৰিব বুলি আশা কৰা হৈছে। যিহেতু ইলেক্ট্ৰনিক্স অৰ্থনীতিৰ সকলো ক্ষেত্ৰতে বিয়পি পৰিছে ইয়াৰ অৰ্থনৈতিক আৰু কৌশলগত গুৰুত্ব আছে। ভাৰত চৰকাৰৰ বিভিন্ন পদক্ষেপৰ সৈতে ইলেক্ট্ৰনিক্স উৎপাদন খণ্ডত যোৱা দশকত উল্লেখযোগ্য বিকাশ দেখা গৈছে। ইলেক্ট্ৰনিক সামগ্ৰীৰ ঘৰুৱা উৎপাদন ২০১৪-১৫ বিত্তীয় বৰ্ষত ১.৯০ লাখ কোটি টকাৰ পৰা ২০২৩-২৪ বিত্তীয় বৰ্ষত ১৭% তকৈয়ো অধিক চিএজিআৰত ৯.৫২ লাখ কোটি টকালৈ বৃদ্ধি হৈছে। ইলেক্ট্ৰনিক সামগ্ৰীৰ ৰপ্তানিও ২০১৪-১৫ বিত্তীয় বৰ্ষত ০.৩৮ লাখ কোটি টকাৰ পৰা ২০২৩-২৪ বিত্তীয় বৰ্ষত ২.৪১ লাখ কোটি টকালৈ বৃদ্ধি হৈছে।

***

MJPS/SKS/KB