کوئلہ اور کانوں کے مرکزی وزیر جناب جی کشن ریڈی نے آج لوک سبھا میں ایک تحریری جواب میں  بتایا کہ کوئلے کی پیداوار اور تقسیم میں شفافیت لانے کے لیے حسب ذیل اقدامات کئے گئے ہیں:

1. کول انڈیا لمیٹڈ (سی آئی ایل) / سنگرینی کولیریز کمپنی لمیٹڈ (ایس سی سی ایل) کے اہم انفارمیشن ٹیکنالوجی (آئی ٹی) اقدامات پر کوئلے کی پیداوار کی رپورٹنگ انٹرپرائز ریسورس پلاننگ (ای آر پی) سسٹم کے ذریعے کی جاتی ہے۔
2. سی آئی ایل /ایس سی سی ایل  شفاف طریقے سے کوئلے کی تقسیم کے لیے وزارت کوئلہ کی طرف سے جاری کردہ پالیسی اور رہنما خطوط پر عمل کرتے ہیں۔ موجودہ پالیسیاں نئی ​​کول ڈسٹری بیوشن پالیسی (این سی ڈی پی )، کوئلہ کو شفاف طریقے سے ہندوستان میں استعمال کرنے اور مختص کرنے کی اسکیم (شکتی)، نان ریگولیٹڈ سیکٹر (این آر ایس) کے لیے لنکیج نیلامی کی پالیسی، برج لنکیج پالیسی، سنگل ونڈو موڈ اگنوسٹک آکشنز، لنکج ریشنلائزیشن کی پالیسیوں میں حسب ضرورت ترمیم کی جاتی ہے۔ کوئلہ صارفین کو کوئلہ کمپنیوں اور صارفین کے درمیان ایندھن کی فراہمی کے معاہدے کے مطابق فراہم کیا جاتا ہے۔

ملک میں کوئلے کی کانوں میں ماحولیاتی پائیداری کو فروغ دینے کے لیے مختلف پائیدار اور ماحول دوست اقدامات کیے گئے ہیں جیسے کہ پودے لگانے/بائیو ریکلیمیشن، کمیونٹی کے استعمال کے لیے کان کے پانی کا استعمال، ایکو پارکس کی ترقی اور توانائی کی بچت کے اقدامات  وغیرہ ۔

اس کے علاوہ ، کامیاب بولی دہندہ اور نامزد اتھارٹی کے درمیان تجارتی کان کنی کے لیے کول بلاک کی ترقی اور پیداوار کا معاہدہ یہ حکم دیتا ہے کہ کامیاب بولی دہندہ جدید اور مروجہ ٹیکنالوجی کے مطابق کوئلے کی کان میں میکانائزڈ کوئلہ نکالنے، نقل و حمل اور انخلاء کو لاگو کرے گا۔ اس کے مطابق، کامیاب بولی دہندہ کو کوئلے کی کان کے آپریشنز سے کاربن کے اثرات کو کم سے کم کرنے کی کوشش کرنا ہوگی، اچھی صنعتی تجربے کے مطابق ماحولیاتی آلودگی کو کم کرنے اور پائیداری کو فروغ دینے کے لیے اقدامات کرنا ہوں گے۔

کوئلے کی کانوں سے کاربن کے اخراج کو کم کرنے کے لیے کوئلہ کمپنیوں کی طرف سے درج ذیل سرگرمیاں کی جا رہی ہیں:

1. باغات کے ذریعے کاربن سنک کی تخلیق۔
2. تباہ شدہ زمین کی بحالی۔
3. کول بیڈ میتھین (سی بی ایم ) اور کوئلے کے گیسی فیکیشن سمیت صاف کوئلے کی ٹیکنالوجیوں کو اپنانا۔
4. سڑک کی نقل و حمل کو کم سے کم کرنا اور میکانائزڈ کوئلے کی لوڈنگ اور ٹرانسپورٹیشن کو بڑھانا  جس میں  فرسٹ مائل کنیکٹیویٹی پروجیکٹ شامل ہیں۔
5. توانائی کی کارکردگی کے اقدامات کو نافذ کرنا۔

6.قابل تجدید توانائی کے منصوبے بشمول شمسی، ہوا، پمپڈ اسٹوریج پروجیکٹس، جیوتھرمل پروجیکٹ شروع کرنا۔

کول انڈیا لمیٹڈ (سی آئی ایل) / سنگارینی کولیریز کمپنی لمیٹڈ (ایس سی سی ایل) سی آئی ایل / ایس سی سی ایل کے اسپتالوں / ڈسپنسریوں میں اپنے ملازمین کے خود اور انحصار کنبہ کے افراد کے لئے طبی علاج کی سہولت فراہم کرتی ہے۔ مزید برآں، ملازمین اور ان کے زیر کفالت افراد کو طبی علاج کی خصوصی سہولت حاصل کرنے کے لیے، ضرورت کے مطابق، ملک بھر کے ایمپینلڈ اسپتالوں میں بھیجا جاتا ہے۔ سی آئی ایل/ ذیلی اداروں کے اداروں میں کام کرنے والے ٹھیکیداروں کے کارکنوں کو بھی ان ڈور اور او پی ڈی  کی سہولت فراہم کی جا رہی ہے، جیسا کہ کمپنی کے اسپتالوں/ ڈسپنسریوں میں دستیاب ہے۔ ایس سی سی ایل کے ناٹ آن رول ملازمین اور ان کی شریک حیات کو کنٹریبیوٹری پوسٹ ریٹائرمنٹ میڈیکیئر سکیم میں ممبرشپ کی مقررہ فیس ادا کرنے پر اندراج کیا جاتا ہے، جس میں وہ فہرست میں شامل اسپتالوں میں بہتر طبی خدمات حاصل کر سکتے ہیں۔ فی الحال سی آئی ایل /ایس سی سی ایل کے کوئلہ کان کے مزدوروں کے لیے کوئی ہیلتھ انشورنس اسکیم نہیں ہے۔

***********

ش ح۔ع و۔ ا ک م

U No. 8931