প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শেনবা চহি 2024-25গীদমক 'লো-ভেল্যু BHIM-UPI ত্রাঞ্জেক্সনশিং (পার্সন তু মার্চেন্ত - P2M)’ প্রমোৎ তৌনবা ইন্সেন্তিব স্কিম'গী অয়াবা পীখ্রে। খোঙথাং অসিনা দিজিতেল পেমেন্তশিং হেনগৎহনবা, অপীকপা মার্চেন্তশিংবু UPI শীজিন্নবদা পুক্নিং থৌগৎনবা, অমসুং ফাইনান্সিএল ইনক্লুজন প্রমোৎ তৌনবা সরকারগী পান্দমশিংদা মতেং ওইরগনি।

ভারতকী দিজিতেল পেমেন্ত ইকোসিস্তেম মপাঙ্গল কনখৎহনবা

দিজিতেল পেমেন্ত প্রমোসন তৌবা অসি শেল-থুমগী লমদা য়াওহন্নবা অমসুং মীচম প্রজাদা পাক-শন্না শেল থাদবগী অপাম্বশিং ফংহন্নবা সরকারগী থৌরাংগী তঙাই ফদবা শরুক অমনি।

দিজিতেল পেমেন্ত ইন্দস্ত্রীনা কস্তমর/মার্চেন্তশিংদা সর্ভিসশিং পীনবগীদমক চংবা শেনফম অসি মার্চেন্ত দিস্কাউন্ত রেৎ (MDR) গী খুত্থাংদা ফংগনি। মার্চেন্ত দিস্কাউন্ত রেৎ (MDR) হায়বসি মর্চেন্তশিং অমসুং অতৈ বিজিনেসশিংনা দেবিৎ নত্ত্রগা ক্রেদিৎ কার্দ ত্রাঞ্জেক্সনশিংদা পেমেন্ত প্রোসেসিং কম্পনী অমদা পীগদবা ফি অদুবুনি। MDR অসি ত্রাঞ্জেক্সনগী শেনফমগী চাদা অমগী মওংদা লাকই।

RBIগী মতুং ইন্না ত্রাঞ্জেক্সন ভেল্যুগী 0.90% ফাওবগী MDR অসি দেবিৎ কার্দকী কার্দ নেৎৱার্ক পুম্নমক্তা চৎনগনি। NPCIগী মতুং ইন্না UPI P2M (পার্সন তু মার্চেন্ত) ত্রাঞ্জেক্সনশিংগীদমক 0.30% ফাওবগী MDR এপ্লিকেবল ওই। MDR দিজিতেল ত্রাঞ্জেক্সনশিং প্রমোৎ তৌনবা জনুৱারী 2020দগী হৌনা, রুপে দেবিৎ কার্দ অমসুং BHIM-UPI ত্রাঞ্জেক্সনশিংগী MDR অসি পেমেন্ত এন্দ সেতলমেন্ত সিস্তেম এক্ত, 2007গী সেক্সন 10A অমসুং ইনকম তেক্স এক্ত, 1961গী সেক্সন 269SUদা অমেন্দমেন্তশিং তৌবগী খুত্থাংদা জিরো ওইহনখ্রে।

পেমেন্ত ইকোসিস্তেমদা শরুক য়ারিবশিংদা ইফেক্তিব সর্ভিস দেলিভরীদা মতেং পাংনবা, সরকারনা কেবিনেৎকী অয়াবা লৌদুনা রুপে দেবিৎ কার্দশিং অমসুং লো-ভেল্যু BHIM UPI ত্রাঞ্জেক্সনশিং (P2M) প্রমোৎ তৌনবা ইন্সেন্তিব স্কিম চৎনহনখ্রে। ইন্সেন্তিব অসি সরকারনা এক্বেরিং বেঙ্ক (মার্চেন্তকী বেঙ্ক) দা শেল থাদৈ অদুগা অতোপ্পা স্তেকহোল্দরশিং: ইসুয়র বেঙ্ক (কস্তমরগী বেঙ্ক), পেমেন্ত সর্ভিস প্রোভাইদর বেঙ্ক (UPI ওনবোর্দিং/API ইন্তিগ্রেসন লাইথোকহল্লি), অমসুং এপ প্রোভাইদরশিং (TPAPশিং)গী মরক্তা শেয়র তৌই। হৌখিবা শেনবা চহি অহুমগী মনুংদা সরকারনা পীখিবা চহিগী ওইবা ইন্সেন্তিব পেমেন্ত (করোর রোমদা):

স্কিমগী শমলপ্পা ৱারোল

লো ভেল্যু BHIM-UPI ত্রাঞ্জেক্সনশিং (P2M) প্রমোৎ তৌনবা ইন্সেন্তিব স্কিম অসি লুপা করোর 1,500গী আউৎলেগা লোয়ননা এপ্রিল 1, 2024দগী মার্চ 31, 2025 ফাওবগী মনুংদা পায়খৎকনি। মসিনা UPI (পার্সন তু মার্চেন্ত - P2M) ত্রাঞ্জেক্সনশিংদা লুপা 2,000 ফাওবগী শেনফম খক্তমক কোনশিল্লি। মসিনা অখন্ননা অপীকপা মর্চেন্তশিংদা দিজিতেল পেমেন্তশিং গ্রাসরুৎ লেভেলদা শীজিন্ননবা পুক্নিং থৌগৎনবা পান্দম থম্লি।

UPI ত্রাঞ্জেক্সনশিং অসি হৌখিবা চহিশিংদা চাউনা হেনগৎলক্লি। FY 2019-20দা অপুনবা ত্রাঞ্জেক্সন ভেল্যু অসি লুপা করোর লাখ 21.3দগী জনুৱারী 2025 ফাওবদা লুপা করোর লাখ 213.8দা হেনগৎলক্লি। মসিগী মনুংদা, পার্সন তু মার্চেন্ত (P2M) ত্রাঞ্জেক্সনশিং লেপ্পা লৈতনা হেনগৎলক্লি, মসিদা লুপা করোর লাখ 59.3 য়ৌরে, মসিনা মার্চেন্তশিংগী মরক্তা দিজিতেল পেমেন্ত শীজিন্নবা হেনগৎলক্লিবা তাক্লি।

P2P-পর্সন তু পর্সন, P2M-পর্সন তু মার্চেন্ত

স্কিমগী পান্দমশিং

• BHIM-UPI প্লেৎফোর্ম প্রোমোৎ তৌবা: FY 2024-25গী মনুংদা ত্রাঞ্জেক্সন ভোল্যুম লুপা করোর 20,000 য়ৌহন্নবা পান্দম থম্লি।
• পেমেন্ত ইনফ্রাস্ত্রকচর মপাঙ্গল কনখৎহনবা: সেক্যুর দিজিতেল পেমেন্ত সিস্তেম শেমগৎপদা শরুক য়ারিবশিংদা মতেং পাংবা।
• থাজবা লৈহনবা: অৱাংবা অপতাইম ঙাকপা অমসুং তেক্নিকেলগী ওইবা অশোয়বা হন্থহনবা।
• রুরেল পেনেত্রেসন: তায়র 3দগী 6 ফাওবগী শহরশিং অমসুং অরাপ্পা মফমশিংদা UPI সর্ভিসশিং মখাগীশিং অসি শীজিন্নদুনা পাকথোক চাউথোকহনবা:
  • UPI 123PAY (ফীচর ফোনশিংগীদমক)
  • UPI লাইৎ অমসুং UPI লাইৎএক্স (ওফলাইন পেমেন্তশিংগীদমক)

ইন্সেন্তিব স্কিমশিং

অয়াবা পীরবা স্কিম অসিগী মখাদা, ইন্সেন্তিবশিং অসি মার্চেন্ত কেতেগোরী অমসুং ত্রাঞ্জেক্সন ভেল্যুদা য়ুম্ফম ওইদুনা শেম্মি। অপীকপা মার্চেন্তশিংগী ওইনা, 2,000 ফাওবগী UPI ত্রাঞ্জেক্সনশিংদা মার্চেন্ত দিস্কাউন্ত রেৎ (MDR) জিরো ওইগনি অমসুং ত্রাঞ্জেক্সন ভেল্যুগী 0.15%গী ইন্সেন্তিব ফংহনগনি। লুপা 2,000গী মথক্তা ত্রাঞ্জেক্সন তৌবদা, MDRদি জিরো ওইগনি অদুবু ইন্সেন্তিব লৈরোই। অচৌবা ত্রেদরশিংগী ওইনদি, ত্রাঞ্জেক্সন পুম্নমক্তা, শেলগী চাং য়েংদনা, MDR অসি জিরো ওইগনি অমসুং মসিদা ইন্সেন্তিব অমত্তা য়াওরোই।

রিইমবর্সমেন্তগী মেকানিজম

1. এক্বেরিং বেঙ্কশিংনা এদমিত তৌরবা ক্লেমগী চাংগী 80%দি ক্বাতর খুদিংগী কন্দিসন লৈতনা দিসবর্স তৌগনি।
2. লেমহৌরিবা 20% অসি মখাদা পীরিবা পর্ফোমেন্স ক্রাইতেরিয়াদা য়ুম্ফম ওইদুনা পীগনি:

• এদমিৎ তৌরবা ক্লেমগী 10%দি করিগুম্বা এক্বেরিং বেঙ্ককী তেক্নিকেল দিক্লাইন রেৎ (মখোয়গী মায়কৈদা তেক্নিকেল ইসুশিংনা মরম ওইদুনা মাইপাকপা ত্রাঞ্জেক্সনশিং) অসি 0.75%দগী হন্থরবদি পীগনি।
• এদমিৎ তৌরবা ক্লেমগী লেমহৌরিবা 10% অসিদি করিগুম্বা এক্বেরিং বেঙ্ককী সিস্তেম অপতাইম (মখোয়গী সিস্তেমশিং ফংহনবা) অসি 99.5%দগী হেন্না লৈরবদি পীগনি।

UPI – মার্চেন্তশিংদা পীরিবা কান্নবশিং

স্কিমগী মরু কান্নবশিং

• কন্বেন্তিন্স অমসুং স্পীদ: অপনবা লৈতব, সেক্যুর অমসুং খোংজেল য়াংনা শেল থাদবনা কেশ ফ্লো ফগৎহল্লি অমসুং দিজিতেল ক্রেদিৎ ফংহল্লি।
• অহেনবা চার্জ লৈতে: নাগরিকশিংনা অহেনবা চার্জ থীদনা দিজিতেলগী মওংদা শেল পীবা ঙম্মী।
• অপীকপা মার্চেন্তশিংদা তেংবাং পীনবা: কোস্ত-সেন্সিতিব মার্চেন্তশিংদা UPI পেমেন্তশিং লৌনবা পুক্নিং থৌগৎলি।
• কেশ মশিং হন্থবা শেন্মিৎলোন: ফোর্মেল, একাউন্তেবল দিজিতেল ত্রান্সসেক্সনশিং প্রোমোৎ তৌই।
• সিস্তেম ইফিসিএন্সী: অৱাংবা অপতাইম অমসুং অশোয়বা হন্থবগী চাংনা 24x7 পেমেন্ত সর্ভিসশিং থাজবা য়াবা ওইহল্লি।
• বেলেন্স তৌরবা এপ্রোচ: সরকারগী শেল থাদোকপবু চেকশিন্না মেনেজ তৌদুনা দিজিতেল গ্রোথপু পুক্নিং থৌগৎলি।

BHIM-UPIগী তোপ তোপ্পা ফীচরশিং

UPIবু মালেমনা শকখঙনবা

UPI অমসুং রুপে ঙমখৈ লান্না পাকথোক চাউথোকলকপগা লোয়ননা ভারতকী দিজিতেল পেমেন্ত মুবমেন্তনা মালেমগী মীৎয়েং চীংশিল্লি। UPI অসি হৌজিক লৈবাক তরেৎতা ওপরেস্নেল ওইরে: UAE, সিঙ্গাপুর, ভুতান, নেপাল, শ্রী লঙ্কা, ফ্রান্স অমসুং মোরিসিয়স।

• ফ্রান্সনা য়ুরোপতা UPI অহানবা ওইনা শীজিন্নরি। মসিনা মপান লৈবাক্তা লৈরিবা ভারত মচাশিংগীদমক্তা শেল থাবগী খুদোংচাবা পীরি।
• UPIবু BRICS গ্রুপকী মনুংদসু প্রমোৎ তৌদুনা রেমিতেন্স, ফাইনান্সিএল ইনক্লুজন অমসুং গ্লোবেল রিকগনিসন হেনগৎহল্লি।
• ACI ৱার্ল্দৱাইদ রিপোর্ত 2024গী মতুং ইন্না 2023দা মালেমগী ওইবা রিএল-তাইম ত্রাঞ্জেক্সনশিংগী 49% ভারতনা ওইখি। মসিনা দিজিতেল পেমেন্ত ইন্নোবেসনদা ভারতনা লুচিংবা ওইবগী মওং উৎলি।

ইনক্লুসিব দিজিতেল ইকনোমী অমগী মাইকৈদা

2024-25গীদমক অয়াবা পীরবা ইন্সেন্তিব স্কিম অসিনা ভারতকী দিজিতেলগী খোঙচৎতা অচৌবা খোঙথাং অমা ওইরে। মসিনা অপীকপা ত্রেদরশিংগী মরক্তা BHIM-UPI শীজিন্নবদা মতেং পাংবতা নত্তনা লৈবাক অসিগী ফাইনান্সিএল ইনফ্রাস্ত্রকচরসু মপাঙ্গল কনখৎহল্লি। UPIনা মালেমগী থাক্তা মাংজিল থাদুনা, ভারতনা ইন্নোবেসন, ইনক্লুজন অমসুং সেক্যুর দিজিতেল পেমেন্তশিংদা বেঞ্চমার্কশিং লেপ্তনা থম্লি। খোঙথাং অসিগী খুত্থাংদা, সরকার অসিনা মরুওইনা গ্রাসরুৎতা লৈরিবা, সাইজ পুম্নমক্কী বিজিনেসশিংনা অপনবা লৈতবা, সেক্যুর, অমসুং কোস্ত ইফেক্তিব ওইবা কেশলেস ত্রাঞ্জেক্সনশিংদগী কান্নবা ফংগনি হায়না থাজবা পীরি।

রিফরেন্সশিং:

.https://pib.gov.in/PressReleasePage.aspx?PRID=2112874

· https://static.pib.gov.in/WriteReadData/specificdocs/documents/2024/dec/doc2024121462101.pdf

· https://www.npci.org.in/what-we-do/upi/product-overview

· https://www.npci.org.in/what-we-do/upi-lite/upi-lite-x/product-overview

.http://npci.org.in/what-we-do/upi-123pay/product-overview

*****