ওগস্ত ২০১৯দগী ভারত সরকারনা রাজ্যশিংগা খুৎশম্নদুনা লৈবাক অসিগী খুঙ্গংগী য়ুমথোং খুদিংদা থক্নবা অশেংবা ঈশিং ফংহন্নবা, নুমিৎ খুদিংগী অমসুং তুং কোইনগী ওইনা, প্রেস্ক্রাইব তৌবা ক্বালিতী (BIS:10500)দা, লিতর পর কেপিতা পর দে (lpcd) ৫৫ সর্বিস লেভেলদা তোতিগী ঈশিংগী কনেক্সন ফংহন্নবা জল জীৱন মিসন (JJM) – হর ঘর জলগী থবক পাইখৎলি।

মিসন অসি ইহান-হান্না হৌদোরকপা মতমদা, খুঙ্গংগী য়ুমথোং করোর ৩.২৩ (১৬.৭%) খক্তমক তোতিগী ঈশিং ফংখি। হৌজিক ফাওবগী ওইনা ১৭.০৩.২০২৫ ফাওবদা লৈখিবা রিপোর্ত অসি, জল জীৱন মিসন (JJM) – হর ঘর জলগী মখাদা অহেনবা য়ুমথোং করোর ১২.৩০ অমশুং তোতিগী ঈশিং ফংহনখ্রে। অদুনা ১৭.০৩.২০২৫ ফাওবদা, লৈবাক অসিগী খুঙ্গংগী য়ুমথোং করোর ১৯.৩৬কী মনুংদা য়ুমথোং করোর ১৫.৫৩ (৮০.২০%)দি ময়ুমদা তোতিগী ঈশিং পুশিল্লে অমসুং লৈমহৌরিবা য়ুমথোং করোর ৩.৮৩গী থবকশু মরি লৈনবা রাজ্য/য়ু.তি.গী সেচুরেশন প্লানগী মতুং ইন্না লোইশিনবগী তোঙান-তোঙানবা তাঙ্কক কয়া অমদা লৈরে।

মিসন অসিগীদমক্তা কাইথোক্কদবা খ্বাইদগী অহানবা শেন্থং অদু লুপা করোর লাখ ৩.৬০ ওইখি, মসিদা কেন্দ্রনা লুপা করোর লাখ ২.০৮ পুথোকপনি। কেবিনেতনা অয়াবা পীখিবা কেন্দ্রগী শিয়র অদু অয়াম্বা শিজিন্নখি। মখা তারকপদা, ইকাইখুম্নরবা ফাইনান্স মন্ত্রীনা মহাক্কী ২০২৫-২৬কী বজেতকী ৱারোলদা অহেনবা শেন্থং অমগা লোইননা ২০২৮ ফাওবা জল জিৱন মিসন অসি শাংদোক্নবা লাউথোকখ্রে।

ঈশিং হায়বা অসি রাজ্যগী ওইবা ৱাফম অমা ওইবনা, থম্নবা ঈশিংগী সপ্লাইগী স্কীমশিং অসিগী প্লানিং, এপ্রুভল, ইম-প্লিমেন্তেসন, ওপরেশন অমসুংমেন্তেনেন্স অসি রাজ্য/য়ু.তি. সরকারদা লৈ।  রিভ্যু মীতিং কয়া অম তৌরবা মতুং, ফীল্দ ভিজিৎ কয়া অমা চৎলবা মতুংদা রাজ্য/য়ু.তি.শিংদা পীরিবা তোতি ঈশিংগী কনেক্সনশিং অদু নিংথিংনা মথৌ তৌহন্নবা লোইন-লোইননা ফংলিবা ঈশিং অদু JJMগী স্তেন্দার্দশিং (BIS:10500)গী মতুং ইন্না ঈশিংগী ক্বালিতী অদু ঙাক্না থম্নবা হায়খ্রে।

মসিগী মথক্তা, ৱাতর ক্বালিতী মোনিতরিং এন্দ সর্ভেলেন্স (WQM&S)কী থবক-থৌরমশিংগীদমক্তা রাজ্যশিং/য়ু.তি.শিংদা ২% ফাওবগী শেন্থং খাইদোক্লগনি, মসিদা তোঙান-তোঙানবা থাক কয়া অমদা হৌজিক-হৌজিক লৈরিবা ঈশিংগী ক্বালিতী তেস্ত তৌনবা লেবোরেতরিশিং থম্বা অমসুং অপগ্রেদ তোবা, লেবোরেতরিশিং অদুদা কেমিকেলশিং অমসুং শিজিন্ননবা পোৎলমশিং পীবা, ইক্যুইপমেন্তশিং, ইনস্ত্রুমেন্তশিং, কেমিকেলশিং/রিএজেন্তশিং, শিজিন্ননবা অতোপ্পা পোৎলমশিং লৈশিনবা, গ্রাসরুত লেভেলদা কেমিকেল (ক্লোরাইদ য়াওনা) অমসুং বেক্তরিয়োলোজিকেল ৱাতর ক্বালিতী সর্ভেলেন্সকীদমক্তা ফীল্দ তেস্ত কিতশিং (FTKশিং)/ H₂S ভাইলশিং লৈবা অমসুং  লেবোরেতরীশিংবু NABLনা এক্রেদিতেসন তৌবা/ মশক খঙবা হায়বনচিংবা অসি য়াওরি।

রাজ্যশিংদা কমন পেরামিতরশিংগা লোইন-লোইননা অখন্নবা মফম মফমগী ওইবা পেরামিতরশিং খুদম ওইনা স্কুলশিংদা আর্সেনিক অমসুং ফ্লোরাইদ, ঈশিংদগী থোরকপা লাইনাশিং ঙন্না খঙদোক্নবগীদমক্তা অঙ্গনৱাদিশিং অমসুং গ্রাম পঞ্চায়তশিং (GP)গী থাক্তা FTKশিং/বেক্তরিয়োলোজিকেল ভাইলশিং শিজিন্নদুনা ঈশিংগী ক্বালিতী তেস্ত তৌনবা খঙহনখ্রে। রাজ্যশিংনা গ্রাম পঞ্চায়ত (GP)গী থাক্তা FTK/বেক্তরিয়োলোজিকেল ভাইলশিং শিজিন্নদুনা ঈশিংগী ক্বালিতী তেস্ত তৌনবা লোকেল কম্যুনিতীদগী নুপী ৫ শক খঙদোক্কদবনি অমসুং ত্রেন তৌগদবনি।

মসিগী মথক্তা, রাজ্যশিং/য়ু.তি.শিংদশু য়ুমশিংদা পীরিবা ঈশিংগী ক্বালিতী অদু প্রেক্রাইব তৌবা ক্বালিতীদা ফংহন্নবা  চাং নাইনা ঈশিংগী ক্বালিতী তেস্ত তৌনবা অমসুং তঙাইফদনা মথৌ তাবা খুদিংদা মথৌ তাবা এক্সন লৌখৎনবা হায়খ্রে।

হৌখিবা চহি অমসুং হন্দক্কী চহি (১৭.০৩.২০২৫) ফাওবদা রাজ্যশিং/য়ু/তি.শিংনা লেবশিংদা অমসুং FTKশিং শিজিন্নদুনা তেস্ত তৌখিবা থক্নবা ঈশিংগী সেমপলশিং অদুগী অকুপ্পা মরোলশিং অদু চহিগী মতুং ইন্না মখাদা পীরি:

মসিগী ই-পাউ অসি ঙসি লোক সভাদা হংখিবা ৱাহংগী অইবা পাউখুম ওইনা জল শক্তিগী রাজ্য মন্ত্রী, শ্রী ভি. সোমন্নানা পীখিবনি।

****