কোর্পোরেৎ এফিয়র্স মন্ত্রালয়
প্রধান মন্ত্রীগী ইন্তর্নশিপ স্কিম – নহারোলবু শক্তি পীবা, কেরিয়রশিং শেমগৎপা
Posted On:
21 MAR 2025 5:39PM by PIB Imphal
|
“পি.এম. ইন্তর্নশিপ স্কিমগীদমক চাউনা শৌগৎপা উবা অসি পুক্নিং থৌগৎনীংঙাই ওই। মসি ঐখোয়গী নহারোলশিংবু শক্তি পীনবা অমসুং তুংলমচৎকীদমক শেম-শারবা ৱার্কফোর্স অমা শেমগৎনবা অচৌবা খোঙথাং অমনি।”
- প্রধান মন্ত্রী নরেন্দ্র মোদী
|
ৱাহৌদোক
লৈবাক অসিগী চাউখৎপা পুরক্নবা হোৎনরিবা নহাশিংগী মশিং হেনগৎলকপগা লোয়ননা ভারত অসি দেমোগ্রাফিক দিবিদেন্দগী মায়কৈদা চংশিল্লি। মসিগী মতিক ময়াই অসি খঙলদুনা ভারত সরকারনা ওক্তোবর 3, 2024দা প্রধান মন্ত্রী ইন্তর্নশিপ স্কিম (PMIS) হৌদোকখি। মীৎয়েং শান্না উবা ঙমবা ইনিসিএতিব অসিনা লাক্কদৌরিবা চহি মঙা অসিদা নহা ওইরিবা ভারত মচা করোর অমা লৈবাক অসিগী খ্বাইদগী মকোক থোংবা কম্পনীশিংদা থা 12গী পেদ ইন্তর্নশিপ পীনবা পান্দম থমদুনা মসিনা একাদমিক লর্নিং অমসুং ইন্দস্ত্রীগী দিমান্দশিংগী মরক্তা লৈরিবা অৱাৎপা অদু কোকহল্লগনি। ক্লাসরুমগী লৌশিংগা প্রাক্তিকেল এক্সপরিয়েন্সগা পুনশিন্নদুনা, PMISনা হৈ-শিংলবা অমসুং চাউখৎলক্লিবা মালেমগী শেন্মিৎলোনগী ফিভমগা চুনবা ঙম্বা শিন্মী মশিং শেমগৎনবা পান্দম থম্লি। মসিগী অখন্নবা স্কিম অসিনা ভারতপু মালেমগী স্কিল কেপিতেল ওইহন্নবা পান্দম থমদুনা নহারোলশিংবু থবক ওইনা পাংথোকপা ঙম্নবা শক্তি পীরি।
হৌজিক্তি প্লেতফোর্ম অসিনা দিস্ত্রিক্ত, স্তেৎ, সেক্তর অমসুং লোকেসন রেদিয়সনা খুদোংচাবশিং অসি লায়না ফিল্তর তৌবা য়াহন্নবা দেদিকেতেদ মোবাইল এপ অমগা লোয়ননা সিম্প্লিফাইদ PMIS পোর্তেল অমা পীরি। মসিগী আউতচরিজ অমসুং এক্সেসিবিলিতি মপাঙ্গল কনখৎহন্দুনা, শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সীতারমননা PMIS কীদমক্তা অখন্নবা মোবাইল এপ অসি 2025গী মার্চ 17দা ওফিসিএল ওইনা হৌদোকখি। কেন্দিদেৎশিংনা এপ অসিগী খুত্থাংদা ইন্তর্নশিপ অহুম ফাওবা অমুক্তা এপ্লাই তৌবা য়াগনি। মসিনা মখোয়দা হেন্না ফ্লেক্সিবিলিতী পীগনি। হেন্না পাক শন্না শরুক য়ানবা পুক্নিং থৌগৎনবগীদমক, ইকুই কুইদ্রিঙৈদা কোলেজশিং, ITIশিং অমসুং রোজগর মেলাশিংদা আউতরীচ ইভেন্ত 80 হেন্না পাংথোকখ্রে। মসিগী মথক্তা, নেস্নেল দিজিতেল কেম্পেনশিং অমসুং ইনফ্লুয়েন্সরশিংনা লমজিংবা এৱারনেস দ্রাইবশিং অসি মখা তানা মসিগী মতাংদা শন্দোক্নবগীদমক চত্থরি। খ্বাইদগী ফবা থবকশিং পাংথোকপা রাজ্যশিং অমসুং য়ুনিয়ন তেরিতোরীশিংবু মশক খঙনবা অমসুং মনা পীবগীদমক এসেসমেন্ত ফ্রেমৱার্ক অমসু হৌদোকখ্রে।
মসিগী মথক্তা, এপ অসিনা শীজিন্নরিবা মীওইশিংদা কোর্পোরেৎ এফিয়র্স মন্ত্রালয়না হৌদোকপা রিফরেল প্রোগ্রামদা শরুক য়াবা য়াহল্লি। রেজিস্তর তৌরবা য়ুজরশিংনা অতোপ্পা ইলিজিবল ওইরবা কেন্দিদেৎশিংবু রিফর তৌবা ঙম্মী অমসুং রিৱার্দ ফংবসু য়াহল্লি। রিফরেল প্রোগ্রাম অসি PMIS ৱেব পোর্তেলদা ফংই। PMIS এপ অসিনা ইন্তর্নশিপশিং অসি হেন্না ফংহনবদা মরুওইবা থৌদাং অমা লৌগনি। মসিনা নহাশিংবু মমল য়াম্লবা খুদোংচাবশিংগা লায়না শম্নহনবদা মতেং পাংগনি।
এপ অসিগী লিঙ্ক মসিদা লৈরে - https://play.google.com/store/apps/details?id=com.mca.pm_internship
PMISগী পান্দম অমসুং লম
পাইলোৎ ফেস ইমপ্লিমেন্ত তৌবা
পাইলোৎ ফেসতা ফংখিবা মায়পাকপশিং – রাউন্দ I (ওক্তোবর-দিসেম্বর 2024)
পাইলোৎ ফেস পাকথোক চাউথোকহনবা - রাউন্দ II (জনুৱারী-মার্চ 2025)
রাউন্দ Iগী মায় পাকপগী মতুং ইন্না, ইন্তর্নশিপ ইনিসিএতিবকী রাউন্দ II অসি য়াম্না চাউনা পাকথোক চাউথোক্লে। রাউন্দ Iদগী মখা তানা লৌখৎকদবা থৌদাংশিং য়াওনা মমিং লৈরবা কম্পনী 327না শরুক য়াদুনা, জিলা 735দা ইন্তর্নশিপ লাখ 1.18+ পীরি। খুদোংচাবশিং অসি ওতোমোবাইল, ত্রেবেল অমসুং হোস্পিতালিতী, বেঙ্কিং অমসুং ফাইনান্স, মেন্যুফেকচরিং, মেতল্স অমসুং মাইনিং, FMCG অমসুং অতোপ্পা তোঙান তোঙানবা সেক্তরশিং অমসুং তোঙান-তোঙানবা এজুকেস্নেল বেকগ্রাউন্দশিংদগী কেন্দিদেৎশিংদা ফংহল্লি।
|
রাউন্দ IIগী ইন্তর্নশিপ এপ্লিকেসন ৱিন্দো অসি মার্চ 31, 2025 ফাওবা হাংগনি। ইলিজিবল ওইরবা কেন্দিদেৎশিংনা অনৌবা মোবাইল এপ্লিকেসনগী খুত্থাংদা নৎত্রগা https://pminternship.mca.gov.in/দা এক্সেস তৌবা য়াবা পোর্তেলগী খুত্থাংদা এপ্লাই তৌবা য়াই।
|
পাইলোৎ ফেসকী রাউন্দ IIগী মরু ওইবা হায়লাইৎশিং
ইন্তর্নশিপকী রোলশিং:
- গ্রেজ্যুএৎশিংগীদমক 37,000 (BA, B.Sc, B.Com, BBA, BCA, অসিনচিংবা)
|
- ITI হোল্দরশিংগীদমক 23,000
|
|
|
- 12 পাস তৌরবা কেন্দিদেৎশিংগীদমক 15,000
|
- 10 পাস তৌরবা কেন্দিদেৎশিংগীদমক 25,000
|
তেংবাং অমসুং কান্নবশিং
ইন্দস্ত্রী পার্তনরশিপশিং: পার্তনর কম্পনীশিংগী লিস্ত
PMISনা লৌউ-শিংউ, ওতোমোতিব, এভিয়েসন অমসুং দিফেন্স, বেঙ্কিং অমসুং ফাইনান্স সর্বিসেস, সিমেন্ত অমসুং বিল্দিং মেতরিএল, কেমিকেল ইন্দস্ত্রী, কন্সল্তিং সর্বিসেস, দাইভর্সিফাইদ কংগ্লোমরেৎ, ফাস্ত মুভিং কঞ্জুমর গুদস (FMCG), জেমস অমসুং জ্যুয়েলরী, হেল্থকেয়র, হাউজিং, ইনফ্রাস্ত্রকচর অমসুং কন্সত্রক্সন, IT অমসুং সোফৱেয়র দিবেলপমেন্ত, লেদর অমসুং প্রদক্তশিং, মেন্যুফেকচরিং অমসুং ইন্দস্ত্রীএল, মীদিয়া, এন্তর্তেনমেন্ত অমসুং এজুকেসন, মেতল্স অমসুং মাইনিং, ওইল, গ্যাস অমসুং ইনর্জী, ফার্মাস্যুতিকেল্স, রিতেল অমসুং কঞ্জুমর দ্যুরেবল্স, স্পোর্তস, তেলিকোম, তেক্সতাইল, মেন্যুফেকচরিং, ত্রেভেল এন্দ হোস্পিতেলিতী অসিগুম্বা মকোক থোংবা কম্পনীশিংগা পার্তনরশিপ তৌরি। কোলাবোরেসন অসিনা ইন্তর্নশিং অসি মকোক থোংবা কম্পনীশিংদা মমল য়াম্লবা এক্সপোজর অমসুং এক্সপরিয়েন্স ফংহনবদা থাজবা পীরি।
কম্পনীশিংগী মপুং ফাবা লিস্ত মসিদা লৈরে- https://pminternship.mca.gov.in/assets/docs/Partner_Companies.pdf
ৱারোইশিন
প্রধান মন্ত্রীগী ইন্তর্নশিপ স্কিম অসি থবক পীবগী থৌরাং খক্তা নত্তে, মসি ভারতকী তুংলমচৎকীদমক অহোংবা পুরক্নবা শেন থাদবনি। একাদেমিক লৌশিংগা রিএল-ৱার্ল্দ ইন্দস্ত্রীগী এক্সপরিয়েন্সপু থোইদোক হেন্দোক্না পুনশিন্দুনা, PMISনা থাজবা লৈরবা, হৈ-শিংলবা অমসুং ইন্দস্ত্রীগীদমক শেম-শারবা নহাশিংগী মীরোল অমা শেমগৎলি। স্কীম অসি স্কেল তৌদুনা অনিশুবা রাউন্দদা চঙশিল্লকপগা লোয়ননা, মসিনা ভারতকী হ্যুমেন কেপিতেল পোতেন্সিএল, ইনোবেসন, ওন্তপ্রিন্যুওরশিপ থৌগৎপা অমসুং ইনক্লুসিব ইকোনোমিক গ্রোথ ফংহনবদা নৌনা ৱাহন্থোক পীগনি। PMISকী খুত্থাংদা, ভারতনা নহাশিংবু শরুক য়ারিবশিং খক্তা নত্তনা, লৈবাক অসিগী চাউখৎপগী আর্কিতেক্তশিং ওইনা, মালেমগী লুচিংবা অমসুং চাউখৎপগী তুংলমচৎ অমা লুচিংবা, মপাঙ্গল কনখৎহনবা অমসুং শেমগৎপা ঙম্বগী মপাঙ্গল ফংহল্লি।
রিফরেন্সশিং
***
(Release ID: 2113890)
Visitor Counter : 31