صدر جمہوریہ ہند، محترمہ دروپدی مرمو نے آج (21 مارچ 2025) آل انڈیا انسٹی ٹیوٹ آف میڈیکل سائنسز، نئی دہلی کی کنووکیشن تقریب میں شرکت کی۔

اس موقع پر خطاب کرتے ہوئے صدر جمہوریہ نے کہا کہ ایمس ، نئی دہلی ایک ایسا ادارہ ہے ، جس نے صحت کی دیکھ بھال ، طبی تعلیم اور لائف سائنسز کی تحقیق میں مہارت حاصل کرکے دنیا بھر میں وقار حاصل کیا ہے۔ یہ ان لاکھوں مریضوں کے لیے امید کی علامت ہے جو علاج کے لیے اکثر دور سے آتے ہیں۔ اس کی فیکلٹی، پیرا میڈیکس اور غیر طبی عملے کی مدد سے، پسماندہ اور مراعات یافتہ افراد کے ساتھ اسی لگن اور ہمدردی کے ساتھ سلوک کرتی ہے۔ یہ کہا جا سکتا ہے کہ ایمس گیتا کے کرم یوگ کی ایک چلتی پھرتی تجربہ گاہ ہے۔

صدر جمہوریہ نے کہا کہ ایمس نے نہ صرف قومی بلکہ عالمی سطح پر بھی صحت کی دیکھ بھال میں اہم کردار ادا کیا ہے ۔ یہ ایک قابل فخر میڈ اِن انڈیا کامیابی کی کہانی ہے اور ایک ایسا نمونہ ہے جس کی ملک بھر میں تقلید کی جا سکتی ہے۔ اپنے وجود کے 69 سالوں میں، ایمس برانڈ اقدار کے تئیں اپنے عزم کی وجہ سے وقت کی کسوٹی پر کھرا اُترا ہے۔ جدید تحقیق اور مریضوں کی دیکھ بھال کے ذریعے صحت کی دیکھ بھال کے کام کو آگے بڑھانے کے لیے انسٹی ٹیوٹ کا عزم واقعی قابل ستائش ہے۔

صدر جمہوریہ نے ان اقدامات کا ذکر کرتے ہوئے خوشی کا اظہار کیا جو ایمس نے اپنی تمام کوششوں میں اچھی حکمرانی کو یقینی بنانے، شفافیت، کارکردگی اور جواب دہی کو بڑھانے کے لیے اٹھائے ہیں۔ انہوں نے کہا کہ کسی بھی تنظیم کی صحت مند ترقی کے لیے اچھی حکمرانی ضروری ہے  اور ایمس اس سے مستثنیٰ نہیں ہے۔ اس کی ذمہ داری صحت کی دیکھ بھال، تعلیم اور تحقیق سے بھی زیادہ ہے۔ یہ ایک ایسے ماحول کو فروغ دینے تک پھیلا ہوا ہے جہاں ہر اسٹیک ہولڈر کی آواز سنی جائے، جہاں وسائل کو انصاف اور معقولیت کے ساتھ استعمال کیا جائے  اور جہاں عمدگی معمول کی بات ہو۔

جذباتی صحت کے مسئلے کے بارے میں بات کرتے ہوئے صدر جمہوریہ نے کہا کہ یہ آج کی دنیا میں ایک سنگین چیلنج ہے۔ انہوں نے کہا کہ کسی کے لیے، خاص طور پر نوجوان نسل کے لیے مایوسی کی کوئی گنجائش نہیں ہے۔ انہوں نے کہا کہ زندگی میں ہر نقصان کی تلافی ممکن ہے سوائے ایک قیمتی زندگی کے نقصان کے۔ انہوں نے ایمس کے اساتذہ پر زور دیا کہ وہ ذہنی صحت کے معاملے پر بیداری مہم شروع کریں تاکہ لوگوں کو اس چھپی ہوئی بیماری سے آگاہ کیا جاسکے ۔

فارغ التحصیل طلباء سے خطاب کرتے ہوئے صدر جمہوریہ نے کہا کہ اب انہیں اپنی تعلیم سے فائدہ اٹھانے کے لیے ایک روشن کیریئر بنانا ہوگا۔ انہوں نے ان پر زور دیا کہ وہ پسماندہ لوگوں کی مدد کرنے کے کسی بھی موقع کو کبھی نظر انداز نہ کریں۔ انہوں نے کہا کہ ملک کے بہت سے علاقوں میں کافی تعداد میں طبی پیشہ ور افراد موجود نہیں ہیں ۔ انہوں نے اس اعتماد کا اظہار کیا کہ وہ ان علاقوں میں لوگوں کی خدمت کرنے پر غور کریں گے ، چاہے وہ سال کے ایک حصے کے لیے ہی کیوں نہ ہوں۔ انہوں نے انہیں مشورہ دیا کہ وہ اپنے آس پاس کے لوگوں کا خیال رکھیں اور جسمانی اور ذہنی صحت کا خیال رکھیں۔

صدر جمہوریہ کی تقریر دیکھنے کے لیے یہاں کلک کریں ۔

***

ش ح۔ م م ۔ م ر

U-NO. 8705