انڈین نیول میٹریل مینجمنٹ سروس اور انڈین نیول آرمامنٹ سروس کےتربیت حاصل کرنے والے افسران نے آج (17 مارچ 2025) کو راشٹرپتی بھون میں صدر جمہوریہ  ہندمحترمہ دروپدی مرمو سے ملاقات کی۔

اس موقع پر خطاب کرتے ہوئے صدر جمہوریہ نے کہا کہ ایسے وقت میں جب عالمی جغرافیائی سیاسی کشیدگی  میں اضافہ ہو رہا ہے ، ممالک سمندری تعاون کو بڑھا رہے ہیں اور مشترکہ مشقیں کر رہے ہیں ۔  انہوں نے کہا کہ ہندوستان کے عالمی سطح پر ایک بڑا کردار حاصل کرنے کے ساتھ  نیول میٹریل مینجمنٹ سروس اور نیول آرمامینٹ سروس کے افسران جدید ٹیکنالوجیز کا فائدہ اٹھاتے ہوئے موثر لاجسٹک مینجمنٹ کے ذریعے ہندوستانی بحریہ کی مدد کرنے میں اہم کردار ادا کریں گے ۔

صدر جمہوریہ نے افسران کو مشورہ دیا کہ وہ دنیا بھر میں ہونے والی جدید ترین تکنیکی پیش رفت کے بارے میں اپنے علم کو مسلسل اپ ڈیٹ کریں ۔  انہوں نے ان سے کہا کہ انوینٹری مینجمنٹ اور سروس ڈیلیوری سسٹم کو ہموار اور موثر بنانے کے لیے اختراعی نقطہ نظر اپنائیں ۔ انہوں نے افسران پر زور دیا کہ وہ قوم اور ہندوستانی بحریہ کی خدمت کے لیے خود کو وقف کریں ۔  انہوں نے اس اعتماد کا اظہار کیا کہ وہ ہندوستانی بحریہ کو بہترین خدمات فراہم کرکے قوم کی تعمیر میں اپنا تعاون دیں گے ۔

**********

ش ح۔ م ع ن-م ذ

Urdu No. 8346