প্রধানমন্ত্রীগী লোইশঙ
প্রধান মন্ত্রীনা ভিক্সিৎ ভারত অমা শেমগৎপদা অখন্নবা নুপীশিংনা লৌরিবা থৌদাংশিং থাগৎখ্রে
থাগৎখিবা:
08 MAR 2025 11:54AM by PIB Imphal
হন্দক্কী মালেমগী নুপীশিংগী নুমিৎ অসিদা প্রধান মন্ত্রী শ্রী নরেন্দ্র মোদীনা লম কয়াদা শীংথানীংঙাই ওইনা মায়পাক্লবা নুপীশিংদা মহাক্কী সোসিএল মেদিয়া প্লেৎফোর্মশিং খুৎশিন্নদুনা ভারত শিনবা থুংবদা লৈরিবা নুপীশিংনা চাউনা শরুক তমখিবশিং অদু থাগৎনবা অচৌবা খোঙথাং অমা লৌখৎখ্রে।
শ্রী মোদীনা হায়খি মদুদি অয়ুক্তগী হৌনা ঐখোয়না অখন্নবা নুপীশিংনা মখোয়গী মশাগী খোঙচৎশিং অমসুং অতোপ্পা নুপীশিংদা ইথিল পীরিবা পোস্তশিং শেয়র তৌবা উবা ফংলি। “মখোয়গী অচেৎপা ফিরেপ অমসুং মায়পাকপা অসিনা ঐখোয়না নুপীশিংদা লৈরিবা ঙমখৈ লৈত্রবা পোতেন্সিএল অদুবু নীংশিংহল্লি। ঙসি অমসুং নুমিৎ খুদিং ঐখোয়না ভিক্সিৎ ভারত অমা শেম্বদা মখোয়না লৌরিবা থৌদাংশিংবু থাগৎলি”, হায়না প্রধান মন্ত্রীনা মখা তাখি।
Xতা প্রধান মন্ত্রীনা পোস্ত তৌখি:
“অয়ুক্তগী হৌনা ঐখোয়না অখন্নবা নুপীশিংনা মখোয়গী মশাগী খোঙচৎশিং অমসুং অতোপ্পা নুপীশিংদা ইথিল পীরিবা পোস্তশিং শেয়র তৌবা ঐখোয় পুম্নমক্না উবা ফংলি। নুপীশিং অসি ভারতকী তোঙান-তোঙানবা শরুকশিংদগীনি অমসুং তোঙান-তোঙানবা লমশিংদা মায়পাক্লি, অদুবু মসিগী নুংদা থিম অমা লৈ – ভারতকী নারী শক্তিগী মতিক-ময়াই।
মখোয়গী অচেৎপা ফিরেপ অমসুং মায়পাকপা অসিনা ঐখোয়না নুপীশিংদা লৈরিবা ঙমখৈ লৈত্রবা পোতেন্সিএল অদুবু নীংশিংহল্লি। ঙসি অমসুং নুমিৎ খুদিং ঐখোয়না ভিক্সিৎ ভারত অমা শেম্বদা মখোয়না লৌরিবা থৌদাংশিংবু থাগৎলি।"
***
(রিলিজ আই.দি.: 2109350)
ভিজিতর কাউন্তর : 87
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam