প্রধানমন্ত্রীগী লোইশঙ
জপান-ইন্দিয়া ব্যুজিনেস কোওপরেসন কম্মিতিগী মীহুৎ কাংবুনা প্রধান মন্ত্রী মোদী উনখ্রে
জপানগী মীহুৎ কাংবুগী মনুংদা মেনুফেকচরিং, বেঙ্কিং, এয়রলাইন্স, ফার্মা সেক্তর, ইঞ্জিনিয়ারিং অমসুং লোজিস্তিক্সগুম্বা মরুওইবা হিরমশিংগী কোওপরেত হাওসশিংগী লুচিংবশিং য়াওখি
‘মেক ইন ইন্দিয়া, মেক ফোর দি ৱার্ল্দ’ দা জপান্না অকনবা থাজবা থম্বদা প্রধান মন্ত্রী মোদীনা থাগৎপা ফোঙদোকখ্রে
Posted On:
05 MAR 2025 7:52PM by PIB Imphal
ঙসি মেম্বর ১৭ না শাবা জপান-ইন্দিয়া ব্যুজিনেস কোওপরেসন কম্মিতি (জে আই বি সি সি) গী মীহুৎ কাংবু অমসুং মসি চিয়ারমেন তাতসৌ য়াসুনাগানা লুচিংদুনা প্রধান মন্ত্রী শ্রী নরেন্দ্র মোদী উনখ্রে। জপানগী মীহুৎ কাংবুগী মনুংদা মেনুফেকচরিং, বেঙ্কিং, এয়রলাইন্স, ফার্মা সেক্তর, প্লান্ত ইঞ্জিনিয়ারিং অমসুং লোজিস্তিক্সগুম্বা মরুওইবা হিরমশিংগী কোওপরেত হাওসশিংগী লুচিংবশিং য়াওখি।
জপান-ইন্দিয়া ব্যুজিনেস কোওপরেসন কম্মিতিনা ভারতকী ইন্দিয়া-জপান ব্যুজিনেস কোওপরেসন কম্মিতিগা লোয়ননা মার্চ ৬,২০২৫ দা ন্যু দিল্লিদা পাংথোক্কদৌরিবা ৪৮শুবা জপান-ইন্দিয়া ব্যুজিনেস কোওপরেসন কম্মিতিগী মীফমগী মতাংদা য়াসুনাগানা প্রধান মন্ত্রীদা পাউদমখি। খন্ন-নৈনবা অদুদা ভারত্ত মগুন লৈবা, শেন য়াম্না চঙদবা মেনুফেকচরিং, অফ্রিকাদা মীৎয়েং থম্বগা লোয়ননা মালেমগী কৈথেলশিংগীদমক মেনুফেকচরিং পাকথোক-চাউথোকহনবা অমসুং হুমেন রিছোর্স দিবলপমেন্ত অমসুং চৎথোক-চৎশিন হেনগৎহনবা য়াওনা মরুওইবা হিরম খন্নগনি।
‘মেক ইন ইন্দিয়া, মেক ফোর দি ৱার্ল্দ’ দা জপান্না অকনবা থাজবা থম্বদা অমসুং ভারত্ত জপানগী ললোন-ইতিক্কী থবকশিং পাকথোক-চাউথোরকপদা প্রধান মন্ত্রী মোদীনা থাগৎপা ফোঙদোকখ্রে। ভারত-জপানগী লৈবাক অনিগী মরীশিংগী মরুওইবা য়ুম্বী অমা ওইরিবা স্কিল হেনগৎহনবদা মতেং পাংনবা হেনগৎহনবগী মরুওইবগী মতাংদা প্রধান মন্ত্রীনা ফোঙদোকখি।
****
(Release ID: 2108644)
Visitor Counter : 15
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Malayalam