Ka Election Commission of India mynta ka sngi ka la sdang ia ka jingialang ba ar sngi jong ki CEO jong baroh ki Jylla/UT ha IIIDEM, New Delhi. Kane ka dei ka jingialang kaba nyngkong kaba la pynlong hadien ba u Gyanesh Kumar u la shimti kum u CEC. U CEC bad ki EC Dr. Sukhbir Singh Sandhu bad Dr. Vivek Joshi ki la iakren bad ki CEO halor ki kam bapher bapher ki ban plie ia ka lad na ka bynta ka jingkyntiew ia ka rukom pyniaid elekshon ha ka ri hapoh ki kyndon ba la buh.

Ha ka jingai jingkren, u CEC Gyanesh Kumar u la kyntu ia baroh ki ophisar ba kynthup ia ki CEO, DEO, ERO, BLO ha kylleng ka ri ba kin trei da ka jingshai ban pynurlong ia baroh ki kam ba hap ban pyndep bad ruh ki mat treikam katkum ba la bthah hapoh ka RP Act 1950 & 1951; Registration of Elector Rules 1960, Conduct of Election Rules 1961 bad ki jingbthah ba la ai da ka ECI na ka por sha ka por.

U la bthah ia ki ophisar ba kin plie lad bad sngap ia ki seng sain pyrthei. U la ong ba dei ban pynlong ia jingiakynduh bad ki seng sain pyrthei na ka por sha ka por ban pynbeit ia kino kino ki jingeh katkum ki mat treikam ba la buh da ka bor ba dei peit kum ki ERO lane DEO lane CEO. Ia ki kaiphod jong ki sienjam ba la shim da man ki CEO dei ban ai ha shuwa ka 31 tarik u Lber, 2025 sha ki DEC.

U la ban jur ba baroh ki CEO, DEO, RO, ERO ki dei ban peit bniah ia ki kam bad ki jingbahkhlieh jong ki, kumba la batai shai hapoh ka ain bad ki jingbthah na ka ECI. U la ong ruh ba ki ophisar ki dei ban pynthikna ba baroh ki briew jong ka India kiba la dap 18 snem ka rta ki dei ban kyntiew kyrteng kum ki nongthep vote katkum ka Article 325 bad Article 326 jong ka Riti Synshar. U la ong ba baroh ki BLO ki dei ban ioh jinghikai kumno ban don ka jingiadei kaba bha bad ki nongthep vote bad ruh ba dei ban pynthikna ba ym don mano mano ba pyntieng ia ki briew kiba trei ha ki kam elekshon.

La bthah ia ki ophisar ba kin shim ia ki sienjam ban don hapdeng 800-1200 ngut ki nongthep vote ha man ka polling station bad pynthikna ba kine ki don hapoh 2 km na ka jaka sah jong baroh ki nongthep vote. Dei ban pynbiang ia ki polling booth kiba don ia ki jingshakri kiba la biang ban pynsuk ia ka kam thep vote ha ki jaka nongkyndong. Ki polling booth ki dei ban don ruh ha ki building kiba jrong bad ha ki slum ban kyntiew ia ka jingthep vote ha ki jaka sor.

Hadien ka jingpeit bniah ia ki mat treikam katkum ka Riti Synshar bad ki ain, ka Commission ka la ithuh 12 jait kita kiba don bynta ha baroh kawei ka kam jied nongialam ba kynthup ia ki CEO, DEO ERO, ki seng sain pyrthei, ki kyrteng, ki polling agent bad kiwei kiwei. Kane ka jingialang ka thmu ban pynkhlain ia ka jingkyntiew ia ka bor treikam jong baroh kine ki 28 jait ki briew kiba don bynta ha kane ka kam kiba la pyniaphiah hapdeng baroh ki CEO ha saw tylli ki phang kiba long ki Electoral Roll, Ka Jingpynlong ia ki Elekshon, Ka Jingpeit ia ki kam bad ki Seng Sain Pyrthei/ Kyrtong, hapoh ka jingialam jong ki saw ngut ki DEC kiba don ha ka Commission. Yn ai jingtip shuh shuh ynda la dep kane ka jingialang.

Kane ka dei ka sien kaba nyngkong ba kumno kumno uwei u DEO bad uwei u ERO na man ka Jylla /UT ki la wan iashim bynta ha kane ka jingialang.

******