প্রধানমন্ত্রীগী লোইশঙ
প্রধান মন্ত্রী মার্চ ৫ দা থবক পীনবগী বজেত মতুংগী ৱেবিনার শরুক য়াগনি
মরুওইবা পান্দমশিং: মীয়ামদা শেন থাদবা, শেন্মিৎলোন অমসুং অনৌবা থবক পাংথোকপা
Posted On:
04 MAR 2025 5:09PM by PIB Imphal
প্রধান মন্ত্রী শ্রী নরেন্দ্র মোদী মার্চ ৫ গী নুংথিল পুং ১:৩০ রোম তাবদা ভিদিও কনফরেন্সকী খুৎথাংদা থবক পীনবগী বজেত মতুংগী ৱেবিনার শরুক য়াগনি। ৱেবিনারগী মরুওইবা থিমশিংগী মনুংদা মীয়ামদা শেন থাদবা, শেন্মিৎলোন অমসুং অনৌবা থবক পাংথোকপা য়াওরি। থৌরম অদুদা প্রধান মন্ত্রীনা মীয়ামদা ৱা ঙাংগনি।
থবক পীবা হায়বসি সরকারনা য়াম্না মরুওইবা লৌরিবা হিরমশিংগী মনুংদা অমনি। প্রধান মন্ত্রীগী পান্দমনা লমজিংদুনা, থবক ফংবা হেনগৎহন্নবা অমসুং থবক ফংনবা অনৌবা খুদোংচাবশিং পীনবা সরকারনা থবক কয়া পায়খৎলে। বজেত্ত লাউথোকখিবা ৱাফমশিং থবক ওইনা পাংথোক্নবা সরকার, উদ্যোগ, মহৈলোয়শঙ অমসুং মীয়ামগী মরক্ত পুন্না থবক তৌমিন্নবা ৱেবিনার অসিনা হেনগৎহনগনি। মীয়ামগী ফিবম ফগৎনবা, শেন-থুম চাউখৎনবা অমসুং অনৌবা থবক পাংথোকপা হেনগৎহন্নবা মরুওইবা পান্দম অমগা লোয়ননা, খন্ন-নৈনবা অসিনা তুংকোইনা অমসুং অপুনবা ওইনা চাউখৎমিন্নবা; তেক্নোলোজি অমসুং অতোপ্পা হিরমশিংদা লুচিংবা; অমসুং ২০৪৭ ফাওবদা বিকসিত ভারত অমগী পান্দম ফংনবা হৈথোই-শিংথোইবা অমসুং মশা ফবা শীন্মি শেমগৎনবা লম্বী শেম্নবা পান্দম থম্লি।
****
(Release ID: 2108156)
Visitor Counter : 36