انڈین ریونیو سروس (78ویں بیچ) کے زیر  تربیت افسر ان نے  آج  (4 مارچ 2025) کو راشٹرپتی بھون میں صدر جمہوریہ ہند محترمہ دروپدی مرمو سے ملاقات کی۔

افسران سے خطاب کرتے ہوئے صدر جمہوریہ نے کہا کہ حکمرانی اور فلاح و بہبود کے لیے انڈین ریونیو سروس کے افسران کا کام سب سے اہم کاموں میں سے ایک ہے۔ انہوں نے درخشاں  معیشت کے لیے ٹیکس کی اہمیت کو اجاگر کیا۔ انہوں نے مزید کہا کہ بطور انڈین ریونیو سروس افسر، وہ اس بات کو یقینی بنانے میں اہم کردار ادا کریں گے کہ اس ضروری وسیلے  کو منصفانہ، موثر اور شفاف طریقے سے  حاصل کیا جائے۔

صدر نے کہا کہ ہمارا بنیادی ڈھانچہ  فروغ  پا رہا ہے، ڈیجیٹل کنیکٹیویٹی فرق  کو  ختم   کر رہی ہے، اور اقتصادی مواقع پہلے سے کہیں زیادہ قابل رسائی ہیں۔ انہوں نے اس بات پر زور دیا کہ ترقی کو پائیدار اور جامع بنانے کے لیے وسائل کا موثر اور منصفانہ انتظام کیا جانا چاہیے اور شہریوں کو نظام پر اعتماد کرنا چاہیے۔ انہوں نے کہا کہ ان کا اہم کردار ہے کیونکہ وہ اس عمل کی نگرانی کریں گے تاکہ اس بات کو یقینی بنایا جا سکے کہ ہر کوئی اپنی قانونی صلاحیت کے مطابق اپنا  تعاون کرے  اور  اس کے ساتھ عزت اور احترام کے ساتھ برتاؤ کیا جائے۔

صدر جمہوریہ  نے کہا کہ بدلتے وقت، بڑھتی ہوئی توقعات اور حکومتی اقدامات نے زیادہ کارکردگی، شفافیت اور سہولت کے نئے دور کا آغاز کیا ہے۔ ڈیجیٹل ٹیکنالوجی اس تبدیلی کا مرکز ہے۔ انہیں  یہ جان کر خوشی ہوئی کہ محکمہ انکم ٹیکس  زیادہ  درستگی کے ساتھ  فرق  کا پتہ لگانے کے لیے جدید ڈیٹا اینالیٹکس کا استعمال کرتا ہے اور اس بات کو یقینی بناتا ہے کہ ایماندار ٹیکس دہندگان کو تکلیف کا سامنا نہ کرنا پڑے۔ انہوں نے افسران کو مشورہ دیا کہ وہ یاد رکھیں کہ ٹیکنالوجی صرف ایک آلہ ہے، اور یہ انسانی اقدار کا متبادل نہیں ہے۔ انہوں نے کہا کہ ڈیٹا سے چلنے والے نظام کارکردگی  میں بہتری لاسکتے  ہیں، لیکن وہ کبھی بھی ہمدردی اور دیانتداری کی جگہ نہیں لے سکتے۔ انہوں نے ان سے کہا کہ ان کی پالیسیوں اور اقدامات کا مقصد سب کی ترقی، خاص طور پر پسماندہ اور کمزور طبقات کی ترقی ہونا چاہیے۔

انڈین ریونیو سروس (78ویں بیچ) کے زیر  تربیت  افسران،  بشمول رائل بھوٹان سروس کے دو  زیر تربیت افسران ، نیشنل اکیڈمی آف ڈائریکٹ ٹیکسز (این  اے  ڈی ٹی)، ناگپور میں انڈکشن ٹریننگ سے گزر رہے ہیں۔

Please click here to see the President's Speech -

************

U.No:7798

ش ح۔ضر۔ق ر