য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা নই দিল্লীদা মনিপুরগী ওইরিবা সেক্যুরিতীগী ফীভমগী মতাংদা পাংথোকপা অৱাংবা থাক্কী য়েংশিন মীফম অমা ময়াই তাংবল লৌখ্রে
প্রধান মন্ত্রী শ্রী নরেন্দ্র মোদীগী মখাদা ভারত সরকারনা মনিপুরদা তুং কোইনা শান্তি পুরক্নবা মপুং ফানা হোৎনরি অমসুং হীরম অসিদা মথৌ তাবা তেংবাং পুম্নমক পীরি
গৃহ মন্ত্রীনা মার্চ 8, 2025দগী মনিপুরগী লম্বী পুম্নমক্তা মীয়ামনা অপনবা লৈতনা চৎথোক-চৎশিন তৌহন্নবা পাউতাক পীখ্রে; মসিদা অপনবা পীনবা হোৎনরপা খুদিংমক্কী মথক্তা অকনবা এক্সন লৌখৎকনি
এক্সতোর্সনকী কেস পুম্নমক্তা মখা তানা অকনবা এক্সন লৌখৎকদবনি
মনিপুরগী ইন্তরনেস্নেল বোর্দরদা লৈরিবা দেজিগনেতেদ এন্ত্রী পোইন্তশিংগী নাকল অনিমক্তা শম্বল খাবগী থবক অসি অথুবদা লোইশিনগদবনি
মনিপুরবু দ্রগ-ফ্রী ওইহন্নবা দ্রগ ললোনবগী থবক্তা য়াওরিবা নেৎৱার্ক পুম্নমক মুথৎকদবনি
Posted On:
01 MAR 2025 2:38PM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা নই দিল্লীদা মনিপুরগী ওইরিবা সেক্যুরিতীগী ফীভমগী মতাংদা পাংথোকপা অৱাংবা থাক্কী য়েংশিন মীফম অমা ময়াই তাংবল লৌখ্রে । মীফম অদুদা মনিপুরগী রাজ্যপাল, কেন্দ্রগী হোম সেক্রেতরী, ইন্তেলিজেন্স ব্যুরোগী দাইরেক্তর, আর্মী স্তাফকী দিপুতি চীফ, ইস্তর্ন কম্মান্দকী আর্মী কম্মান্দর, বোর্দর সেক্যুরিতী ফোর্স (BSF)কী, সেন্ত্রেল রিজর্ব পুলিস ফোর্স (CRPF) অমসুং আসাম রাইফলসকী দাইরেক্তর জেনরেলশিং, মনিপুরগী সেক্যুরিতী এদভাইজর অমসুং হোম এফিয়র্স মন্ত্রালয়গী মকোক থোংবা ওফিসরশিং, আর্মী অমসুং মনিপুরগী লৈঙাক য়াওখি।
মীফম অদুগী মনুংদা, কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা মনিপুরদা তুং কোইবা শান্তি অমুক হন্না পুরক্নবা মপুং ফানা হোৎনরি অমসুং মসিগী মতাংদা মথৌ তাবা মতেং পুম্নমক পীরি।
কেন্দ্রগী গৃহ মন্ত্রী শ্রী অমিত শাহনা 2025গী মার্চ 8দগী মনিপুরগী লম্বী পুম্নমক্তা মীয়ামগীদমক্তা অপনবা লৈতনা চৎথোক-চৎশিন তৌবা য়াহন্নবা খঙহনখ্রে। অথিংবা পীনবা হোৎনরিবা মীওইশিংগী মথক্তা অকনবা থবক লৌখৎনবা মহাক্না খঙহনখি।
শ্রী অমিৎ শাহনা মনিপুরগী ইন্তর্নেস্নেল বোর্দরগী মনুং চন্না লৈবা দেজিগনেতেদ এন্ত্রী পোইন্তশিংগী নাকল অনিমক্তা শম্বল খাবগী থবক অথুবা মতমদা লোইশিন্নবা খঙহনখি। মহাক্না হায়খি মদুদি মনিপুরবু দ্রগ ফ্রী ওইহন্নবা দ্রগ ললোনবগা মরী লৈনবা নেৎৱার্ক পুম্নমক মুত্থৎকদবনি।
*****
(Release ID: 2107258)
Visitor Counter : 51
Read this release in:
Odia
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Tamil
,
Kannada
,
Malayalam