য়োর এক্সিলেন্সীস,

ঐহাক্না অদোম পুম্নমকপু ভারত্তা থম্মোয় শেংনা তরাম্না ওকচরি। অসিগুম্বা পাক-চাউবা স্কেল অমদা লৈবাক অমখক্তগা EU গী কোলেজ ওফ কম্মিস্নর্সকা থবক তৌমিন্নবা অসি মমাংদা অমুক্তা ওইখিদ্রি।

ঐহাক্কী মন্ত্রী কয়ানা নাকল অনিগী ওইবা খন্ন-নৈনবগীদমক অমত্তা ওইনা পুনখিবা অসি মসিনা অহানবা ওইরে। 2022দা রাইসিনা দাইলোগতা ভারত অমসুং EU অসি মহৌশাগী ওইবা পার্তনরশিংনি হায়না অদোম্না হায়খিবা অদু ঐহাক্না নীংশিংলি। অমসুং ভারতকা লোয়ননা মরী মপাঙ্গল কনখৎহনবা অমসুং পুক্নিং থৌগৎপা অসি লাক্কদৌরিবা দিকেদ অসিদা EUগী প্রাইওরিতী অমা ওইগনি।

অমসুং হৌজিক, অদোম্না অদোমগী অনৌবা তেনরগী হৌরকপদা ভারত্তা লাক্লি। মসি ভারত অমসুং EUগী ওইনা য়াম্না মরু ওইবা তাঙ্কক অমনি।

এক্সিলেন্সীস,

হৌজিক মালেম অসি মমাংদা অমুক্তা ওইখিদ্রিবা মওংদা হোংলক্লি। AI অমসুং অনৌবা তেক্নোলোজীশিং অসিনা সোসিও-ইকোনোমিক ত্রান্সফোর্মেশনশিং থোকহল্লি।

জিও-ইকোনোমিক অমসুং পোলিতিকেল ফিভমশিং অসি য়াম্না থুনা হোংলক্লি। অমসুং অরিবা ইক্বেসনশিং অসি কাইথরক্লি। অসিগুম্বা মতম অসিদা ভারত অমসুং EUগী মরক্তা লৈরিবা পার্তনরশিপ অসি হেন্না মরু ওইরক্লি।

দেমোক্রেতিক ভেল্যুশিং, স্ত্রেতেজিক ওতোনোমী, অমসুং রুলদা য়ুম্ফম ওইবা মালেমগী ওইবা কাংলোনদা ভারত অমসুং EUনা অমত্তা ওইনা থাজবা থম্মি। লৈবাক অনিমক্কী য়াম্না চাউবা মার্কেৎ ইকনোমীশিং লৈজৈ। অমরোমদা ঐখোয়ন মহৌশাগী ওইবা স্ত্রেতেজিক পার্তনরশিংনি।

এক্সিলেন্সীস,

ভারত অমসুং EUনা স্ত্রেতেজিক পার্তনরশিপকী চহি 20 মপুং ফারে। অমসুং অদোমগী খোঙচৎ অসিগা লোয়ননা, ঐখোয়না মথংগী চহি তরাগী য়ুম্ফম অদু শেমগৎলি।

মতাং অসিদা, নাকল অনিমক্না উৎলিবা মশক থোকপা থৌদাং অসি থাগৎনিংঙাইনি। হৌখিবা নুমিৎ নিনি অসিদা মিনিস্তরগী থাক্তা মীফম কুনরোম পাংথোকখ্রে।

ত্রেদ অমসুং তেক্নোলোজী কাউন্সিলগী মীফমসু ঙসি অয়ুক মায় পাক্না পাংথোকখি। তীম অনিমক্না পুথোরকপা ৱাখল্লোনশিং অমসুং খুমাং চাউশিল্লকপগী মতাংদা পাউদম অমা পীগনি।

এক্সিলেন্সীস,

ঐহাক্না কোওপরেসনগী মরুওইবা লম খর মশক খঙদোকপা পাম্মি।

অহানবদা, ত্রেদ অমসুং ইনভেস্তমেন্ত। FTA অমসুং ইনভেস্তমেন্ত প্রোতেক্সন এগ্রীমেন্ত অমা খুদোংচাবা ফংনবগীদমক অথুবা মতমদা লোইশিনবা অসি য়াম্না মরু ওই।

অনিশুবদা, সপ্লাই চেন রেসিলিয়েন্স মপাঙ্গল কনখৎহনবা। ইলেক্ত্রোনিক্স, সেমিকন্দক্তর, তেলিকোম, ইঞ্জিনীয়রিং, দিফেন্স অমসুং ফার্মা সেক্তরশিংদা ঐখোয়গী কেপাসিতীশিংনা অমনা অমদা মতেং পাংবা ঙমহনগনি। মসিনা দাইভর্সিফিকেসন অমসুং দো-রিস্কিং মপাঙ্গল কনখৎহনগনি  অমসুং সেক্যুর ওইবা, মীপাল তাংবা য়াবা অমসুং থাজবা য়াবা সপ্লাই অমসুং ভেল্যু চেন অমা শেমগৎপদা মতেং পাংগনি।

অহুমশুবদা, কনেক্তিবিতী। G20 সম্মিৎকী মনুংদা হৌদোকখিবা IMEC কোরিদোর অসি অহোংবা পুরক্নবা খোঙথাং অমনি। তীম অনিমক্না মসিদা অচেৎপা থৌদাংগা লোয়ননা মখা তানা থবক তৌগদবনি।

মরিশুবা অসি তেক্নোলোজী অমসুং ইন্নোবেসননি। তেক্নোলোজীগী সোভরেনিতীগী ঐখোয়গী অপুনবা মীৎয়েং অসি মংফাওনহন্নবা, ঐখোয়না মাংলোমদা খোঙজেল য়াংনা খুমাং চাউশিল্লক্কদবনি। DPI, AI, ক্বান্তম কম্প্যুতিং, স্পেস অমসুং 6G গুম্বা লমশিংদা, ঐখোয়গী ইন্দস্ত্রীশিং, ইন্নোবেতরশিং অমসুং নহা ওইরিবা তেলেন্তশিং শম্ননবা নাকল অনিমক্না পুন্না থবক তৌমিন্নগদবনি।

মঙাশুবা অসি ক্লাইমেৎ এক্সন অমসুং গ্রীন ইনর্জী ইন্নোবেসননি। ভারত অমসুং EUনা গ্রীন ত্রাঞ্জিসনবু মরুওইনা লৌরি। সস্তেনেবল অর্বানাইজেসন, ঈশিং অমসুং ক্লিন ইনর্জীদা মতেং পীনদুনা ঐখোয়না মালেমগী গ্রীন গ্রোথকী দ্রাইভরশিং ওইবা ঙমগনি।

তরুকশুবা অসি দিফেন্সনি। কো-দিভেলপমেন্ত অমসুং কো-প্রদক্সনগী থোংদা ঐখোয়না অমনা অমগী মথৌ তাবশিং মপুং ফাহনবা ঙমগনি। ঐখোয়না এক্সপোর্ত কন্ত্রোল লোশিংদা অমগা অমগা মরুওইনা লৌনবা হোৎনগদবনি।

তরেৎশুবা অসি সেক্যুরিতীনি। তেরোরিজম, এক্সত্রিমিজম, মেরিতাইম সেক্যুরিতী, সাইবর সেক্যুরিতী অমসুং স্পেস সেক্যুরিতীদগী থোক্লকপা শিংনবশিংদা হেন্না তেংবাং পীনবা মথৌ তাই।

নিপানশুবা অসি মী অমগা মী অমগা লৈনবা মরীশিংনি। মাইগ্রেসন, মোবিলিতী, শেঞ্জেন ভিসা অমসুং EU ব্লু কার্দশিং অসি লায়থোকহনবা অমসুং অপনবা লৈতবা ওইহনবা অসি নাকল অনিমক্কী মরুওইবা অমনি। মসিনা EUগী মথৌ তাবশিং মপুং ফাহনগনি। অমসুং ভারতকী নহা ওইরিবা শিন্মীশিংনা য়ুরোপকী চাউখৎপা অমসুং নুংঙাই-য়াইফবদা হেন্না চাউনা শরুক তম্বা ঙমগনি।

এক্সিলেন্সীস,

মথংগী ভারত-EU সম্মিৎকীদমক ঐখোয়না এম্বিসন, এক্সন অমসুং কম্মিৎমেন্তগা লোয়ননা মাংলোমদা চংশিনগদবনি।

ঙসিগী AIগী মতম অসিদা, তুংলমচৎ অসি ভিজন অমসুং স্পীদ লৈবা মীওইশিংগীনি।

এক্সেলেন্সী, ঐহাক্না হৌজিক অদোমবু অদোমগী ৱাখল্লোনশিং শেয়র তৌনবা কৌজরি।

*****