గతేడాది డిసెంబర్ నెలలో ఈఎస్ఐసీ పథకంలో 17.01 లక్షల మంది కొత్త ఉద్యోగులు చేరినట్లుగా వేతనదారుల  తాత్కాలిక సమాచారం తెలియజేస్తోంది.

గతేడాది డిసెంబర్లో 20,360 కొత్త సంస్థలను ఈఎస్ఐ పథకంలోని సామాజిక భద్రతా పరిధిలోకి తీసుకువచ్చారు. తద్వారా మరింత మంది ఉద్యోగులకు సామాజిక భద్రత లభిస్తుంది.

ఈ సమాచారం ఆధారంగా ఆ నెలలో ఈ పథకంలో కొత్తగా చేరిన 17.01 లక్షల ఉద్యోగుల్లో 8.22 లక్షల మంది 25 ఏళ్లలోపు వారే ఉండటం గమనించవచ్చు. మొత్తం రిజిస్ట్రేషన్లలో వీరి సంఖ్య 48.35 శాతంగా ఉంది.

ఈఎస్ఐ పథకంలో నమోదు చేసుకున్న వేతనదారుల సమాచారాన్ని స్త్రీపురుష భేదం ఆధారంగా విశ్లేషిస్తే, గతేడాది డిసెంబర్లో మహిళల నికర నమోదు 3.46 లక్షలుగా ఉంది. అలాగే 73 మంది ట్రాన్స్‌జెండర్ ఉద్యోగులు సైతం అదే నెలలో ఈఎస్ఐ పథకం కింద నమోదు చేసుకున్నారు. ఇది సమాజంలో ప్రతి వర్గానికి ప్రయోజనాలను అందించడంలో ఈఎస్ఐకి ఉన్న‌ అంకితభావాన్ని సూచిస్తుంది.

ఈఎస్ఐ పథకంలో ఉద్యోగుల నమోదు నిరంతరం కొనసాగే ప్రక్రియ కాబట్టి ఈ పేరోల్ డేటాను తాత్కాలిక సమాచారంగా పరిగణించాలి.

 

***