ای ایس آئی سی کے عارضی پے رول اعداد وشمار  سے پتہ چلتا ہے کہ ماہ دسمبر 2024 کے دوران  17.01 لاکھ نئے ملازمین کا اضافہ ہوا ہے ۔

دسمبر 2024 کے مہینے میں 20,360 نئے اداروں کو ای ایس آئی اسکیم کے سماجی تحفظ کے دائرے کے تحت  لایا گیا ہے ، اس طرح مزید کارکنوں کے  سماجی تحفظ کو یقینی بنایا گیا ہے ۔

اعداد و شمار سے یہ بات قابل ذکر ہے کہ دسمبر کے مہینے کے دوران شامل کیے گئے کل 17.01 لاکھ ملازمین میں سے 8.22 لاکھ ملازمین یعنی کل رجسٹریشن کا تقریبا 48.35 فیصد 25 سال تک کی عمر کے گروپ سے تعلق رکھتے ہیں ۔

نیز ، پے رول اعداد وشمار کے صنفی تجزیہ سے پتہ  چلتا ہے کہ دسمبر 2024 میں خاتون ممبروں کا مجموعی اندراج 3.46 لاکھ رہا ہے ۔  اس کے علاوہ ، دسمبر 2024 کے مہینے میں کل 73 مخنث ملازمین نے ای ایس آئی اسکیم کے تحت اپنا  اندراج کرایا ہے جو معاشرے کے ہر طبقے کو اس کے فوائد فراہم کرنے کے ای ایس آئی سی کے عزم کا ثبوت  ہے ۔

پے رول کے اعداد وشمار عارضی ہیں کیونکہ اعداد وشمار تیار کرنے کا عمل مسلسل جاری رہتا ہے۔

******

ش ح ۔م ع ۔ م ر

U-No.7434